BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەتىستىگىمىزبەن ماقتانامىز!

ۇستاز مەرەيىن ۇستەم ەتەتىن – ونىڭ شاكىرتى ەكەنى ٴسوزسىز. «وزىنەن شاكىرتى وزار بولسا، ۇستازدىڭ ماقساتىنا جەتكەنى» دەگەن حالقىمىزدا ٴسوز بار. ٴدال وسى ٴسوزدى تاعى دا ٴبىر ويىمىزعا سالىپ، مەكتەبىمىزدىڭ 6 «ۆ» سىنىپ وقۋشىسى گالياحمەتوۆا الميرا شۋ- چە قالاسىندا وتكەن ٴدۇبىرلى دودادان ۇزدىك ۇشتىككە كىرىپ، كەۋدەمىزدى قۋانىشقا تولتىردى. بۇل رەسپۋبليكالىق وليمپيادادا ەلىمىزدىڭ تۇكپىر-تۇكپىرىنەن وزگە ۇلت وكىلدەرىنىڭ ىشىندە مەملەكەتتىك ٴتىلدى جەتىك مەڭگەرگەن جاس دارىندار جينالدى. «ٴتىل – مەملەكەت تاۋەلسىزدىگىنىڭ سيمۆولى» اتالعان ix رەسپۋبليكالىق وليمپيادا ەكى كەزەڭنەن قۇرالدى. العاشقى كەزەڭى قاشىقتىقتان وتكىزىلىپ، سارالاپ الىنعاندار ەكىنشى كەزەڭگە جولداما الدى. اقمولا وبلىسىنان ەڭ جوعارى ناتيجە كورسەتكەن الميرا، بارلىعىمىزدىڭ اق سەنىمىمىزدى ارقالاپ، «بالداۋرەن» وقۋ-ساۋىقتىرۋ ورتالىعىندا وتەتىن ەكىنشى كەزەڭگە اتتانىپ كەتتى. رەسپۋبليكالىق «دارىن» عىلىمي ورتالىعىنىڭ ۇيىمداستىرۋىمەن وتكىزىلگەن بۇل جارىس قاتىسۋشىلارعا ەرەكشە كوڭىل–كۇي سىيلاپ، ولار ٴارى دەم الىپ، ٴارى وسىناۋ تابيعاتى كوركەم جەردە ٴوز بىلىمدەرىن ورتاعا سالدى. قورىتىندى كەزەڭى قاڭتار ايىنىڭ 5 -7 ارالىعىندا وتكىزىلدى. شەشۋشى كەزەڭدە 36 قاتىسۋشىنىڭ اراسىنان ۇزدىكتەردىڭ ىشىنەن تابىلىپ، iii دارەجەلى ديپلومدى قانجىعاسىنا بايلادى. جۇلدەگەرلەرگە باعالى سىيلىقتار تابىستالىپ، ديپلومدارمەن ماراپاتتالدى. سىنىپتا ٴوزىنىڭ تالماس تالابىن تانىتقان، بەرىلگەن تاپسىرمانى مۇلتىكسىز ورىنداۋعا تىرىسىپ، بيازى مىنەزىمەن كوزگە تۇسكەن الميرا – ۇزدىك وقۋشى، مەك- تەبىمىزدىڭ ماقتانىشى. ونىڭ جەتكەن جەتىستىگىندە ۇجىمىمىزداعى ٴاربىر ۇستازدىڭ ۇلەسى بار ەكەنى ٴسوزسىز. شاكىرتىمىزگە «تالابىڭ تالماي، ٴارقاشان بيىكتەن كورىنە بەر» دەگەن ىستىق ىقىلاسىمىزدى بىلدىرەمىز.

 

 

گ. ارىنبەكوۆا، № 2 جاقسى ورتا مەكتەبىنىڭ قازاق ٴتىلى مەن ادەبيەتى پاندەرىنىڭ ٴمۇعالىمى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي