BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"ايگولەكتىڭ" الار اسۋلارى الدا

 شىڭعىستاۋ جەرى، اباي ەلى قاشاننان ونەر ۇيالاعان قۇتتى مەكەن. بۇل جەردىڭ قاسيەتتى توپىراعىنان ٴوز زامانىندا نەبىر ساڭلاقتار تۇلەپ ۇشتى. بۇل يگىلىكتى جالعاستىق كۇنى بۇگىنى دە كورىنىس تابۋدا. ونەر مەن ٴبىلىمنىڭ تىزگىنىن قاتار ۇستاعان دارىندى جاستارىمىز ەل ابىرويىن اسقاقتاتىپ، مەرەيىن ۇستەم ەتىپ ٴجۇر. ول كۇندەر بۇگىندە تاريحقا اينالدى. سوناۋ 1980-1990 جىلدارى اۋداندىق پيونەرلەر ٴۇيى جانىنان قۇرىلعان «بالداۋرەن» ٴانسامبلى گەرمانياعا بارىپ ونەر كورسەتىپ قايتقانىن ٴبارىمىز بىلەمىز. كەيىننەن قاراجاتتىڭ جوقتىعىنان ونىڭ مۇشەلەرى قىسقارتىلىپ، انسامبل تاراپ كەتكەن بولاتىن. ارينە، مۇنىمەن بالالاردىڭ ونەرى توقتاپ قالعان جوق. ودان كەيىنگى جىلدارى دا ونەرىمەن جارقىراپ تانىلعان ورەندەر سان مارتە ٴتۇرلى دودالاردا توپ جارىپ ٴجۇردى. اۋداندىق «جاۋقازىن»، «اقبوتا»، «جاس كەرۋەن»، «جاس قانات» سياقتى ونەر بايقاۋلارى جىل سايىن وتكىزىلىپ تۇرادى. دەسەكتە ناعىز تالانتتى، ونەرلى بالالاردان انسامبل قۇرىلمادى. كوپتىڭ كوڭىلىندە كوپتە جۇرگەن وسى ٴبىر ويدىڭ ٴتۇيىنىن شەشۋگە «ورنەك» بيشىلەر توبىنىڭ رەسپۋبليكالىق «ايگولەك» بايقاۋىنان جۇلدەلى ورىن الىپ كەلۋى سەبەپشى بولعان ەدى. ونەر مەن مادەنيەتتىڭ جاناشىرى، اۋدان اكىمى تۇرسىنعازى جانتۇياق ۇلى: «ٴبيشى ورەندەرىمىزدىڭ وسىناۋ تاماشا ونەرى توقتاپ، توقىراپ قالماسىن، وسىعان ناعىز تالانتتى ٴانشى، كۇيشىلەردى قوسىپ، جاڭا قىرىنان دامىتىپ، بالالاردىڭ اۋداندىق «ايگولەك» ٴان-بي ٴانسامبلىن ۇيىمداستىرساڭىز» - دەپ ماعان تاپسىرعان ەدى. بۇل جاۋاپتى مىندەتتى ورىندا بارىسىندا ساز مەكتەبىنىڭ مۇعالىمدەرىمەن اقىلداسا وتىرىپ، تەك قانا جۇلدەلى ورىنداردان كورىنىپ جۇرگەن وقۋشىلاردى ىرىكتەپ، شاعىن باعدارلاما جاسالدى. جاۋاپتى ادامدارعا تاپسىرمالار بەرىلەدى. وسىلايشا «ايگولەك» ٴان-بي ٴانسامبلى قۇرىلىپ، كونسەرتتىك شارالارعا دايىندىققا قىزۋ كىرىسىپ كەتتىك. جۇرگىزۋشىلەر دە ىرىكتەلىپ الىندى. ٴانسامبلدىڭ تۇساۋكەسەر كونسەرتى - ەلدىڭ تۋىن كوتەرىپ، ابىرويىن اسقاقتاتىپ جۇرگەن ايبەك، مۇحيت، ايدوس، زەرە سىندى الەم چەمپيونى، «قازاقستان بارىسى» اتانعان پالۋاندارعا ارنالدى. «اباي ەلىنىڭ قۇرمەتتى ازاماتى» اتاعىن العان ونەر قايراتكەرى، جەرلەسىمىزكەنجەعاليمىرجىقپاي تۇساۋىن كەسىپ، «ونەردەگى جولىمدى بەرسىن» - دەپ باتاسىن بەردى، اباي اتامىزدىڭ ٴانىن تارتۋ ەتتى. قازاقى داستۇرگە ساي «نۇر-سانا» اجەلەر ٴانسامبلىشاشۋشاشتى. انالىق اق تىلەكتەرىن جاۋدىردى. بالالارعا بۇدان ارتىق قۇرمەت بارما؟ كورەرمەن حالىقتىڭ ىستىق ىقىلاسى مەن باتىر اعالارىنىڭ العىسىنا بولەنگەن «ايگولەك» انسامبلىنە زور قامقورلىق جاساپ، دەمەۋشىلىك كورسەتكەن اۋدان اكىمى تۇرسىنعازى جانتۇياق ۇلى بالالاردىڭ ونەرىنسەمەي حالقىنا كورسەتۋدى دە جوسپارلاپ وتىر. بۇل رەتتە قالاداعى اباي تەاترىندا 29 قاڭتار كۇنى ساعات 16-00-دا كەزەكتى كونسەرت ۇيىمداستىرىلماق. بۇگىندە ٴانسامبلدىڭ قۇرامىندا 70-تەن اسا بالا بار. رەپەرتۋار قورى مول. الداعى كونسەرتتىك باعدارلامالارعا قىزۋ دايىندىق ۇستىندە. اۋداندىق ٴبىلىم ٴبولىمى، مادەنيەت ٴبولىمى مەكتەپ ديرەكتورلارى قامقورلىق تانىتىپ، دەمەۋشىلىك جاساۋدا. جاڭا كيىمدەر تىگىلۋدە، باعدارلامالار قاتارى دا تولىقتىرىلدى. ونەرپازدار توبى قۇرامىندا فولكلورلىق، كامەرالىق انسامبلدەر بار. كەلەشەكتە اۋدان مەكتەپتەرىنىڭ ونەرلى جۇلدىزدارىمەن انسامبل مۇشەلەرى تولىقتىرىلماق. يگى باستاما جالعاستىعى وسىلايشا وڭ باعىتتا وربۋدە. وسى ورايدا سان ونەردىڭ تورىنەن كورىنىپ جۇرگەن ساز مەكتەبىنىڭ ۇستازدارى قايروللايەۆا جاڭىل، تولەمىسوۆا نۇرگۇل، كارىپجانوۆا زايرا، ساحاريەۆا فاريزاعا، سارجال، قاسقابۇلاق، كوكباي اۋىلىنىڭ جەتەكشى ۇستازدارىنا حالىقتىڭ العىسى شەكسىز. وتكەن دەمالىستا سەمەي قالاسىنا كۇنبە-كۇن بالالاردىڭ كيىم ۇلگىسىنە، مۋزىكالىق ساۋاتتىلىعى ماقساتىمەن بارىپ قايتتىق. مادەنيەت ٴبولىمى وسى ساپارعا ۇلكەن كومەك جاسادى. ول ٴۇشىن ايتار العىسىمىز زور. بۇل ونەرگە دەگەن قۇرمەت ەكەنى انىق. ابايلىق ورەندەردەن قۇرالعان «ايگولەك» الداعى ۋاقىتتا وسىنداي قامقورلىق پەن جاناشىرلىقتىڭ ارقاسىندا تالاي بيىكتەردەن كورىنەتىنى انىق دەپ بىلەمىز.

 

 

ن.بۇلانبايەۆا، «ايگولەك» ٴان-بي ٴانسامبلىنىڭ ۇيىمداستىرۋشى تالىمگەر ۇستازى، قر مادەنيەت سالاسىنىڭ ۇزدىگى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي