BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالارعا قۋانىش سىيلاعان مەرەكە

جاڭا جىل – بالالاردىڭ اسىعا، شىنايى عاجاپتى، سىيلىقتاردى كۇتەتىن مەرەكەسى. بۇل كۇنى بالا بىتكەن ٴماز- مەيرام بولسا، ەرەسەكتەر «ەسكى جىل ەسىركەپ، جاڭا جىل جارىلقاسىن» دەپ كەڭ داستارقان باسىندا جۇرەكجاردى تىلەكتەرىن ايتاتىن ايرىقشا كۇن. 26 جەلتوقسان كۇنى جەتىم جانە اتا-انا قامقورلىعىنسىز قالعان بالالارعا ارنالعان ايىرتاۋ مەكتەپ-ينتەرناتىندا پرەزيدەنتتىك جاڭاجىلدىق شىرشا بولىپ ٴوتتى.

ەرتەگى كەيىپكەرلەرىنىڭ قويىلىم- دارىمەن باستالعان مەرەكەلىك شىرشاعا جينالاعان تاربيەلەنۋشىلەر ەلباسى ن.ٴا.نازاربايەۆتىڭ قۇتتىقتاۋىن تەلەديداردان تىڭداپ، ۇلكەن ٴبىر سەرپىلىس العانداي بولدى. جاڭاجىلدىق شىرشانىڭ شامى جاعىلىسىمەن جۇرەك جىلۋىن كۇتەتىن بالالاردى اۋدان اكىمىنىڭ ورىنباسارى مافرۋزا ناۋانوۆا جاڭا جىلمەن قۇتتىقتاپ، بالالارعا زور دەنساۋلىق، اشىق اسپان، وقۋلارىندا وزات بولۋلارىن، تەك قۋانىش پەن جاقسىلىق تىلەپ، وبلىستا وتكەن پرەزيدەنتتىڭ جاڭا جىلدىق شىرشاسىنان كيىم ۇلگىسى بويىنشا باس جۇلدەنى يەلەنگەن «نۇرلى جول – بولاشاققا» كيىمىمەن انجەلا سۋرنينا مەن ٴالىمجان ارىپوۆتەردى (سۋرەتتە) قۇتتىقتادى. وبلىستا وتكەن شىرشادا ولارعا باس جۇلدە – نوۋتبۋك تابىس ەتىلدى. ٴار توپ وتباسىلارىنىڭ دەمەۋشىلەرى دە بالالاردى قۇتتىقتاپ، جاڭا جىلدىق سىيلىقتارىن تابىستادى. كەشتە بالالاردىڭ شاتتىق پەن ماحاببات تولى جۇرەكتەرىنەن شىققان جىلى لەبىزدەرى مەن ٴان، بي شاشۋلارى جالعاسىن تاپتى. كەش سوڭى بالالار اۋدان باسشىسى اتىنان سىيعا تارتۋ ەتىلگەن ٴتاتتى تورتتار مەن تاتتىلەرگە تولى داستارحان باسىندا جالعاستى.

 

 

باعلان كەنجەباي ۇلى. سۋرەتتى تۇسىرگەن اۆتور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي