BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەرەكە قارساڭىندا جاڭا نىساندار اشىلدى

ۇستىمىزدەگى جىلدىڭ 30 قاراشاسىندا، قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي «جۇمىسپەن قامتۋدىڭ جول كارتاسى – 2020» مەملەكەتتىك باعدارلاماسى اياسىندا سىرىمبەت اۋىلىندا جەكە كاسىپكەر الما ناشاربەكوۆانىڭ باستاۋىمەن جاڭا ناۋبايحانا مەن ازىق-تۇلىك دۇكەنىنىڭ سالتاناتتى اشىلۋ ٴراسىمى بولىپ ٴوتتى. سالتاناتتى اشىلۋ راسىمىنە اۋدان اكىمى اعزام تاستەمىروۆ قاتىناسىپ، سىرىمبەتتىكتەردى ايتۋلى قۋانىشتى وقيعامەن قۇتتىقتادى. تۇڭعىش پرەزيدەن كۇنىمەن قۇتتىقتاعان اۋدان باسشىسى اعزام احمەتجان ۇلى: «قازاق ەلىنىڭ تاۋەلسىزدىك العاننان بەرى باعىندىرعان شىڭدارى جەتەرلىك. وسىنداي اۋقىمدى جەتىستىكتەر ەل پرەزيدەنتى ن.ٴا.نازاربايەۆتىڭ ەڭبەگى ەرەن ەكەنى ٴسوزسىز. ەلباسىنىڭ باستامالارىمەن جۇزەگە اسىرىلىپ جاتقان كوپتەگەن باعدارلامالار بار، سونىڭ اراسىندا «جۇمىسپەن قامتۋدىڭ جول كارتاسى – 2020» باعدارلاماسى ەرەكشە ورىن الادى. اعىمداعى جىلدا ٴبىزدىڭ اۋدانىمىزدا وسى باعدارلاما اياسىندا 110 ملن. تەڭگەگە 41 جوبا ماقۇلدانىپ، كوپتەگەن جاڭا نىساندار اشىلۋدا. سونىڭ ىشىندە سىرىمبەت اۋىلىندا جەكە كاسىپكەر الما ناشاربەكوۆانىڭ جاڭا ناۋبايحاناسى مەن دۇكەنىن دە ايتۋعا بولادى. وسى جەتكەن ناتيجەلەرىمىز ەلباسىنىڭ قامقورلىعىنىڭ ارقاسىندا» - دەي كەلە، بارشا سىرىمبەتتىكتەردى ايتۋلى وقيعامەن جانە تۇڭعىش پرەزيدەنت كۇنىمەن قۇتتىقتاپ، بارشاسىنا ساتتىلىك تىلەدى. سونان سوڭ اۋدان باسشىسى مەن جەكە كاسىپكەر جاڭا نىساننىڭ سالتا- ناتتى تاسپالارىن كەسىپ، ناۋبايحانا جۇمىسى مەن دۇكەننىڭ ازىق-تۇلىك ونىمدەرىنىڭ تۇرلەرىمەن تانىستى. وسى كۇنى ساۋمالكول اۋىلىندا دا ەلەۋلى وقيعا بولدى. «بايانتاي» ٴجشس-نىڭ 20 مىڭ توننا استىق ساقتايتىن شاعىن- ەلەۆاتورىنىڭ سالتاناتتى اشىلۋ راسىمىنە دە اۋدان باسشىسى اعزام احمەتجان ۇلى قاتىناسىپ، سالتاناتتى شارادا جينالعان ساۋمالكولدىكتەردى مەرەكە قارساڭىنداعى يگىلىكتى ٴىستىڭ جۇزەگە اسۋىمەن جانە ەلىمىزدىڭ ماڭىزدى مەرەكەلەرىنىڭ ٴبىرى – تۇڭعىش پرەزيدەنت كۇنىمەن قۇتتىقتادى. سونان سوڭ سەرىكتەستىك باسشىسى سىرىمبەت ەسەنعاليەۆ تە بارشى جۇرتشىلىقتى مەرەكەمەن قۇتتىقتاپ، مەملەكەتتىڭ قولداۋىمەن جۇزەگە اسىپ وتىرعان جوبالار ٴۇشىن العىسىن جەتكىزسە، اۋداندىق ارداگەرلەر كەڭەسىنىڭ ٴتوراعاسى ارميا ٴابىلقايىروۆ استىق ساقتايتىن شاعىن ەلەۆاتوردىڭ اۋدان ەكونوميكاسىنا سۇبەلى ۇلەسىن قوساتىنىن باسا ايتتى. قۇتتىقتاۋلاردان سوڭ جاڭا شاعىن-ەلەۆاتوردى جۇمىسقا قوسىپ، تۇيمەنى باسۋ سالتاناتى اۋدان اكىمى اعزام تاستەمىروۆكە، سەرىكتەستىك باسشىسى سىرىمبەت ەسەنعاليەۆكە جانە اۋداننىڭ ارداگەرلەر كەڭەسىنىڭ ٴتوراعاسى ارميا ٴابىلقايىروۆتارعا بەرىلدى. بارشا قاۋىم ىسكە قوسىلعان شاعىن ەلەۆاتوردىڭ جۇمىسىمەن تانىستى.

 

 

باعلان كەنجەباي ۇلى. سۋرەتتى تۇسىرگەن ەلەنا نەدوروستكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي