BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اليمەنت تولەمەيتىندەرمەن ەندى جەكە سوت ورىنداۋشىلارى دا كۇرەسەتىن بولادى

بۇگىنگى تاڭدا اليمەنتىن الا الماعان انالاردىڭ قاتارى جەتەرلىك. اقمولا وبلىسى جاقسى اۋدانىنداعى اليمەنت بويىنشا اتقارۋ وندىرىستەرىنىڭ جالپى سانى 200-دەن اسىپ جىعىلعان. اليمەنت ٴوندىرىسى بويىنشا زاڭعا سوڭعى ەنگىزىلگەن وزگەرىستەر جونىندە اقمولا وبلىسى سوت اكتىلەرىن ورىنداۋ دەپارتامەنتىنىڭ جاقسى اۋدانى اۋماقتىق ٴبولىمىنىڭ باسشىسى ەرلان سىزدىقپايەۆپەن رەداكسيا ٴتىلشىسى جايساڭ نۇرجاقسى كەزدەسىپ، مəن-جايدى انىقتاپ كورگەن ەدى.  

- قازىرگى تاڭدا اليمەنت بويىنشا اتقارۋ ٴوندىرىسى نەگىزىنەن مەملەكەتتىك سوت ورىنداۋشىلارىنىڭ ورىنداۋىندا ەكەنى بەلگىلى. جاڭا زاڭدا قانداي وزگەشەلىك بار؟


- يə. دۇرىس ايتاسىز. وسىدان بىرنەشە جىل بۇرىن قۇرىلعان جەكە سوت ورىنداۋشىلارى ينستيتۋتى بىرتىندەپ ٴوز جۇمىسىنىڭ جەمىسىن بەرىپ كەلەدى. سونداي-اق، جەكە سوت ورىنداۋشىلارىنىڭ ورىنداۋىنداعى اتقارىلار قۇجاتتاردىڭ سانى دا ٴوسىپ كەلەدى. جاڭادان جۇرگىزىلگەن وزگەرىستەر دە ازاماتتاردىڭ زاڭدى بەلدەن باسپاۋىنا، قارىزدارىن ۋاقىتىندا تولەۋىنە مəجبۇرلەۋ تۇرعىسىنان قاتايعانىن اتاپ كەتكەن ٴجون. ياعني، جاڭا زاڭعا سəيكەس سوت ورىنداۋشىلارى اليمەنت وندىرىستەرىن تولەۋدەن باس تارتقان بورىشكەرلەردەن مىڭ ايلىق ەسەپتىك كورسەتكىشكە دەيىن əكىمشىلىك ايىپپۇل وندىرۋگە قۇقىلى. سونىمەن قاتار، اليمەنت تولەمەۋشىلەرگە قارسى əكىمشىلىك جاۋاپكەرشىلىككە تارتۋ مəسەلەسى دە جەڭىلدەتىلگەن. ٴتىپتى سوت ورىنداۋشىلارىنىڭ تالابىن ورىنداماي، اليمەنت تۋرالى سوت شەشىمىن ٴۇش ايدان استام ۋاقىت ورىنداۋدان جالتارعاندار قازاقستان رەسپۋبليكاسىنىڭ قىلمىستىق كودەكسىنىڭ 362 جəنە 136 باپتارىنا سəيكەس 120 ساعاتتان 180 ساعاتقا دەيىن قوعامدىق جۇمىستارعا تارتىلىپ نەمەسە ەكى جىلعا دەيىن باس بوستاندىعىنان ايىرىلادى.


- اليمەنت بويىنشا اتقارۋ وندىرىستەرىن جەكە سوت ورىنداۋشىلارىنا بەرگەن وندىرۋشىلەر نەدەن ۇتادى، نەدەن ۇتىلادى؟ ٴتۇسىندىرىپ جىبەرسەڭىز ەكەن؟


- باسقا قۇجاتتار سياقتى وندىرۋشىلەر اليمەنت ٴوندىرۋ تۋرالى اتقارۋ قۇجاتتارىن دا جەكە سوت ورىنداۋشىلارىنا بەرۋگە قۇقىلى. مۇنداعى باستى ٴبىر ارتىقشىلىق جەكە سوت ورىنداۋشىلارى وسى سالاداعى بىرنەشە جىلدىق ىس-تəجىريبەسى بولعاندىقتان اتقارۋ وندىرىستەرىن ورىنداۋدا زور تəجىريبەگە يە. ەكىنشىدەن جەكە سوت ورىنداۋشىلارىنىڭ ورىنداۋىنداعى اتقارۋ قۇجاتتارى مەملەكەتتىك سوت ورىنداۋشىلارىنا قاراعاندا پəلەنباي ەسە از. ال ەڭ باستىسى ەندىگى كەزەكتە بالالارىنا اليمەنت الا الماي زار قاققان اتا-انالار اتقارۋ قۇجاتتارىن جەكە سوت ورىنداۋشىلارىنا تابىس ەتۋگە قۇقىلى. سونداي-اق، اليمەنت وندىرە الماي جۇرگەن وندىرۋشىلەردەن ەشقانداي تولەم الىنبايدى. بۇل قازاقستان رەسپۋبليكاسىنىڭ «اتقارۋشىلىق ٴىس جۇرگىزۋ جəنە سوت ورىنداۋشىلارىنىڭ مəرتەبەسى تۋرالى» زاڭىنىڭ 118 جəنە 119 باپتارىندا تəپتىشتەپ جازىلعان.


- ٴقازىر جەكە سوت ورىنداۋشىلارىنىڭ ورىنداۋىندا اليمەنت ٴوندىرۋ تۋرالى اتقارۋ وندىرىستەرى بار ما؟ بولماسا، نە سەبەپتى جوق؟


- əزىرگە اقمولا وبلىسىنىڭ جەكە سوت ورىنداۋشىلارىنىڭ ورىنداۋىندا اليمەنت ٴوندىرۋ تۋرالى بىردە-بىر اتقارۋ ٴوندىرىسى جوق. ويتكەنى، ٴəربىر جەكە سوت ورىنداۋشىسى ەڭ ٴبىرىنشى كەزەكتە ٴوزىنىڭ ماتەريالدىق جاعدايىن ويلاعاندىقتان، اليمەنت سياقتى وندىرەتىن اقشاسى از، ال جۇمىسى قيىن ساناتتاعى اتقارۋ وندىرىستەردەن بويلارىن اۋلاق ۇستاعاندى ٴجون كورەدى. ال، بۇدان بىلاي زاڭ تالاپتارىنا سəيكەس اليمەنت ٴوندىرۋ تۋرالى اتقارۋ قۇجاتتارى دا جەكە سوت ورىنداۋشىلارىنىڭ ۇلەسىنە تيەتىن بولادى.


- سوندا ەندىگى كەزەكتە اليمەنتىن الا الماعاندار مەملەكەتتىك سوت ورىنداۋشىلارىمەن قاتار جەكە سوت ورىنداۋشىلارىنا دا اتقارۋ قۇجاتتارىن وتكىزە الادى عوي. ال، ەگەر جەكە سوت ورىنداۋشىسى اليمەنتىن وندىرە الماعان وندىرۋشىلەردىڭ قۇجاتتارىن الماي قويعان جاعدايدا نە بولادى؟


- زاڭعا سəيكەس، ەندىگى كەزەكتە اليمەنت جəنە باسقا دا ساناتتاعى اتقارۋ قۇجاتتارىن وندىرە الماعانداردىڭ اتقارۋ قۇجاتتارىن تىكەلەي جەكە سوت ورىنداۋشىسىنا بەرە الادى. ال جەكە سوت ورىنداۋشىسى اتالعان اتقارۋ قۇجاتتارىن الماۋعا قۇقىعى جوق. ەگەر دە جەكە سوت ورىنداۋشىلارى زاڭ ەرەجەلەرىن ورەسكەل بۇزىپ، اليمەنت ٴوندىرۋ نەمەسە əلەۋمەتتىك ماڭىزى زور باسقا دا اتقارۋ قۇجاتتارىن قابىلداماي قويسا ول كەزدە زاڭ الدىندا تəرتىپتىك جاۋاپكەرشىلىككە تارتىلادى. سوندىقتان، ەندىگى كەزەكتە جەكە سوت ورىنداۋشىلارى اليمەنت ٴوندىرۋ تۋرالى اتقارۋ قۇجاتتارىن
ەش قينالماستان جەكە سوت ورىنداۋشىسىنا بەرىپ، اقشا تولەمەستەن، اتقارۋ قۇجاتتارىن وتكىزۋلەرىنە بولادى.

 

əڭگىمەڭىزگە راحمەت، ىستەرىڭىزگە تابىس تىلەيمىن.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي