«اق جۇرەك» تارتۋى - 2 422 590 تەڭگە - مۇراعات|07 جەلتوقسان 2011، 14:34
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اق جۇرەك» تارتۋى - 2 422 590 تەڭگە

 

جۇما كۇنى «ازاتتىعىمىزدىڭ 20 جىلدىعىنا-20 يگى ٴىس» شاراسى اياسىندا «قازاقمىس» كورپوراسياسى ۇجىمىنىڭ ۇيىمداستىرعان «اق جۇرەك» اتتى قايىرىمدىلىق اكسياسىنىڭ قورىتىندى باعدارلاماسى مارەسىنە جەتتى. بۇل يگى باستاما كومبيناتتىڭ جاس ماماندار كەڭەسىنىڭ باستاماسىمەن بىلتىر باستالعان-دى. بيىلعى قويان جىلى دا شاراپاتتى شارا جالعاسىن تاۋىپ، قالامىزدىڭ بالالار ٴۇيى مەن ينتەرناتتارىنىڭ كومەك كورسەتۋ جونىندەگى وتىنىشتەرىنە بالقاش وندىرىستىك الاڭىنىڭ ەڭبەككەرلەرى «ٴبىر جاعادان باس، ٴبىر جەڭنەن قول شىعارىپ» قولداۋ كورسەتتى. جۇما كۇنگى م.حامزين اتىنداعى مىسشىلار مادەنيەت ۇيىندەگى جيىنعا قالا اكىمى ق.تەيليانوۆ پەن «قازاقمىس» كورپوراسياسى مك ديرەكتورى م.اۋباكىروۆ باستاعان باسشىلار، بالالار ٴۇيى مەن ينتەرنات ديرەكتورلارى، ٴوندىرىس وزاتتارى جانە اكسيانىڭ باستى قوناقتارى-بالالار جينالدى.

 

قايىرىمدىلىق ماقساتىندا ۇيىمداستىرىلعان اتالمىش اكسيانىڭ قارجىسى بىلتىرعىدان قوماقتى. قاراشانىڭ ٴ1-شى جۇلدىزىنان ٴ18-شى جۇلدىزىنا دەيىن اكسيا قورىنا 2 422 590 تەڭگە قۇيىلعان. بىلتىر بۇل قورعا تەك 1ملن-نان استام عانا قارجى جينالعان بولاتىن. وسىدان-اق، بالالارعا دەگەن قامقورلىقتىڭ جىلدان-جىلعا ارتقانىن اڭعاردىق.
اكسيا «قازاقمىس» كورپوراسياسىنىڭ انۇرانىمەن اشىلدى. بىردەن ايتايىق، بالالار ٴۇيىنىڭ بالعىندارى جيىن باستالماستان قاتىسۋشىلارعا «جۇرەك» پىشىندەس جارتى قاعازداردى تاراتىپ بەرگەن-دى. باسىندا مۇنىڭ ٴمانىن باسقاشا جورىعان ەدىك. كەيىن كەرەمەت كورىنىسكە كۋا بولدىق.  جۇرگىزۋشىلەر ساحناعا قالا اكىمىن شاقىرعاندا، بۇرىمىنا اق بانتيك بايلاعان بالعىن قىز جۇگىرىپ كەلىپ، قولىنداعى جۇرەكتىڭ جارتىسىن قادىرجان گەينيات ۇلىنىڭ قولىنداعى جارتى جۇرەككە جالعاپ، «جۇرەكتەن جۇرەككە» جەتكەن كەرەمەت كورىنىس كورسەتتى. مەيىرىم مەن ىزگىلىككە تولى كەشتىڭ ٴمانى وسى كىشكەنە قويىلىمنىڭ ىشىنە سىيىپ كەتكەندەي كورىندى بىزگە.
كەلەسى قۇتتىقتاۋشى قوناقتاردا وسىنداي سسەنارييمەن مىنبەگە كوتەرىلدى. قالا باسشىسىنىڭ اق تىلەگىن قوستاعان «قازاقمىس» كورپوراسياسى مك ديرەكتورى م.اۋباكىروۆ، «قازاقمىس» كورپوراسياسىنىڭ بالقاش ايماقتىق ەڭبەك قاتىناستارىن رەتتەۋ ٴبولىمىنىڭ باستىعى ب.يگىسىنوۆ، «نۇر وتان» حدپ «قازاقمىس» كورپوراسياسى قاراعاندى بويىنشا وكىلى م.ابدۋللين، ماماندىرىلعان جوندەۋ مەحانيكالىق باسقارماسىنىڭ ۋچاسكى باستىعى ن.تاسىربايەۆ، ەلەكتروليزدەۋ سەحىنىڭ ەڭبەككەرى ن.كوشەربايەۆ، بالقاش تەمىرجول كەشەنى جۇمىسكەرلەرى اتىنان تۇرلىبەكوۆتەر اۋلەتى، 5 رازريادتى ەلەكتروسلەسار پ.نوۆيكوۆ، بايىتۋ سەحىنىڭ فلوتاتورى س.ەركەمبايەۆا، مىس بالقىتۋ سەحىنىڭ ەڭبەككەرلەرى اكەلى-بالالى سۇندەت پەن دانيار بايكەجانوۆ سىندى ٴبىرقاتار ٴوندىرىس وكىلدەرى بالالار ٴۇيى مەن ينتەرنات باسشىلارىنا قوماقتى قارجىلاي چەكتى تابىس ەتتى. اتاپ ايتساق، «اراي» جەتكىنشەكتەر ۇيىنە 561 مىڭ تەڭگە، ونىڭ 240 مىڭى ورتالىقتىڭ تاربيەلەنۋشىسى قاراعاندى قالاسىندا ەمدەلۋشى ماديار يساعۇجانوۆقا، وتباسىلىق بالالار ۇيىنە 525 مىڭ تەڭگە، دامۋ مۇمكىنشىلىگى شەكتەۋلى بالالارعا ارنالعان №4 مەكتەپ-ينتەرناتقا 392 مىڭ تەڭگە، «قازاقمىس» كورپوراسياسىنىڭ پوليتەحنيكالىق كوللەدجىنە 335 مىڭ تەڭگە، ساناتوريي قاتارىنداعى №2 مەكتەپ-ينتەرنات پەن جالپى ٴبىلىم بەرەتىن №3 مەكتەپ-ينتەرناتتىڭ ٴارقايسىسىنا 305 مىڭ تەڭگەدەن كوپشىلىك الدىندا تاپسىرىلدى. تاعى ٴبىر ايتارى، ٴار چەكتى يەلەنگەن ورتالىقتارعا استانادا وتەتىن پرەزيدەنت شىرشاسىنا، وبلىس ورتالىعىندا بولاتىن ايماق باسشىسىنىڭ شىرشاسىنا شاقىرتۋلارمەن قاتار، ٴتۇرلى ٴتۇستى تەلەديدارلار، كومپيۋتەر قۇرىلعىلارى، ساندى ۆيدەوكامەرالار، ينتەراكتيۆتىك تاقتا مەن كىرجۋعىش ماشينالار، تاتتىگە تولى جاڭا جىلدىق داستارحان، كارناۆال كيىمدەرى تاراتىلدى. سونداي-اق، پوليتەح كوللەدجىنە اتا-انا قامقورىنسىز قالعان 14 ستۋدەنت قابىلدانىپ، اربىرىنە ۇيا تەلەفون سىيلاندى. اكسياعا قول ۇشىن سوزىپ اتسالىسقان «bi art» كومپانياسىنا، «وركەن مەديا» جارنامالىق اگەنتتىگىنە، مادەنيەت سارايىنىڭ ۇجىمىنا، «التىناي»، «ۆەتەروك»، «رادۋگا دەتستۆا»، پوليتەحنيكالىق كوللەدج شىعارماشىلىق توپتارىنىڭ جەتەكشىلەرىنە العىس ايتىلدى.
كەش بارىسىندا بالالاردى «التىناي» ەسترادالىق ۇجىمىنىڭ بالعىن ٴسوليستى ن.ۇزاقبايەۆ «تەنتەگىم» انىمەن تەربەسە، ينتەرنات بالالارى ان-بيدەن شاشۋ شاشىپ كوپشىلىك كوڭىلىن كوتەردى. ساحنا سالتاناتىنى ٴسوزىمىز جوق. ساحنا تورىنەن ورىن تەپكەن بانەردەگى «ايالى الاقان» سۋرەتىنىڭ تىپتەن ٴجونى بولەك. «بالام دەيتىن ەلى بولماسا، ەلىم دەيتىن بالا قايدان شىعادى» دەگەن ٴتامسىلدى نەگىزگى ماقساتىنا العان اكسيانىڭ بار جاقسىلىعى، جاعىمدى جاڭالىعى وسى بولدى.
ەڭ باستىسى، وزگەگە دەگەندە وزەگى جاناتىن ٴوڭىرىمىزدى ورگە سۇيرەۋشى ٴوندىرىس وزاتتارىنىڭ ۇشان-تەڭىز ەڭبەگى. «ٴار بالاعا توگە بىلسەڭ مەيىرىم، اق بولادى، پاك بولادى پەيىلىڭ، شىن جۇرەكتەن كورسەتە الساڭ بايىپتى، ٴار ٴبۇلدىرشىن شىن باقىتقا لايىقتى» دەمەكشى، اكسيا ٴبىر سوزبەن ايتقاندا، بالانى ٴوزىم مەن وزگەگە بولمەيتىن بالالىق شاقتىڭ مەرەكەسىنە اينالدى.
p.s. اسىلىندا، قايىرىمدىلىققا دايىن قامقور جاندار كوبەيسە، باقىتتى بالداۋرەنگە بولەنگەن بۇلدىرشىندەردە كوپ بولاتىنى انىق. ويتكەنى، ەرتەڭگى ەل تىزگىنىن ۇستايتىن تالاي قازاق بالاسى، ينتەرناتتا وقىپ ٴجۇر...
اسحات قاجىتاي

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي