BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

حيدجاب كييۋ دۇرىس پا الدە بۇرىس پا؟

 

حيدجاب اراب تىلىنەن اۋدارعاندا ورامال دەگەن ماعىنا بەرەدى. ال ورامال تاعۋ مۇسىلمان ەلدەرىنىڭ ايەلدەرى كييۋى پارىز بولىپ كەلەدى. ەلباسى نۇرسۇلتان نازاربايەۆ ٴوز پىكىرىن ٴبىلدىرىپ، جاستار اراسىنداعى حيدجاب كيگەندەردىڭ قىلىعىن ەرسى كورەتىنىن مالىمدەدى. ٴبىزدىڭ ايەلدەر ەشقاشان حيدجاب كيمەگەن، جۇزدەرىن جاسىرماعان. ارينە، مۇسىلمان ٴدىنىنىڭ بارلىق وكىلىنە قۇرمەتپەن قارايمىز، ٴبىراق ٴبىزدىڭ ٴوز جولىمىز، ٴوز ۇلتتىق ٴداستۇرىمىز بار.
حيدجابتى اراب، پارسى ەلدەرى كيگەن. بارىمىزگە بەلگىلى ەرتە زاماندا اراب ەلدەرى وتە ىستىق بولعاندىقتان كۇننەن قورعانۋ ماقساتىندا وسى حيدجابتى كيەتىن بولعان. سونىمەن قاتار بەتىن جاپقان ورامال ىستىقتان تەرلەگەندە سامال جەلمەن بىرگە ادامداردىن دەنەسىن قىزىپ كەتۋدەن ساقتاپ، سالقىنداتىپ وتىرعان. تاعى ٴبىر ايتا كەتەتىن جايت، اراب ەلدەرىنىڭ ايەلدەرى سۇلۋ بولعاندىقتان ەرلەرى قاتتى قىزعانىپ، ەشكىمگە كورسەتكىلەرى كەلمەي بەتتەرىن جاپقىزىپ، قىزدارىن بوگدە ەشكىمگە بەرمەگەن. حيدجاب كيگىزۋدىڭ تاعى ٴبىر سەبەبى وسى بولاتىن. حيدجابتى كيگەن اراب، پارسى ەلدەرىنىڭ ۇلتتىق داستۇرلەرى يسلام دىنىنە قاتىسى جوق ەكەندىگىن ۇمىتپاۋىمىز قاجەت. كەزىندە يسلام ٴدىنىن ۋاعىزداۋشىلار ٴوز ەلىنىڭ ٴداستۇرىن قوسا الىپ كەلگەن. ونىمەن بىرگە ورامال تارتۋدىڭ دا ٴتۇرلى تاسىلدەرى بار. مىندەتتى تۇردە تۇمشالاپ الۋدىڭ قاجەتى جوق دەپ ويلايمىن. ٴبىراق «ايەلدەرگە ايت، وزدەرىنە حارام ەتىلگەن نارسەلەرگە قاراماسىن. ۇياتتى جەرلەرىن زينادان، كۇنا اتاۋلىدان قورعاسىن. ٴماجبۇر كورىنگەن جەرلەرىنەن تىس ادەمىلىكتى كورسەتپەسىن. ورامالدارىن جاعالارىن دا جاباتىنداي ەتىپ تاقسىن» –نۇر سۇرەسىنىڭ 31-اياتىندا.
كۇراندا سيپاتتالعانداي، كيىنەتىن بولساق حيدجابتان ەش ايىرماشىلىعى جوق. قىسقا كويلەك، اشىق كيىنىپ جۇرگەندەردى كورگەندە مۇمكىن حيدجاب ارابتىكى بولسا دا كيگەنىمىز ٴجون بە دەپ تە ويلايمىز. ايەل ٴوز دەنە ٴبىتىمىن ەرەكشە ايقىندامايتىن كەڭدىكتە كەز كەلگەن كيىم ۇلگىسىن تاڭداۋعا قۇقىعى بار. مۇنداي كيىم كييۋدەگى ماقسات قىز بالا ەر كىسىنى وزىنە قىزىقتىراتىنداي دارەجەدە كيىنبەۋى كەرەك. بۇلاي كيىنسەك ەلىمىزدەگى ادەپسىز قىلىقتار ازايار ما ەدى؟
قىسقا، اشىق كيىنگەندەردى كورسەك ٴمان بەرمەي، ال حيدجابتاعى قىزدى كورسەك وعان جامان قاراپ وتەمىز. بارلىعىمىز بىزگە تەرىس نارسە ايتىپ، جامان جولعا سالماي ما دەپ تاڭدانامىز. سوندا ول قىزداردىڭ اللا جولىندا جۇرگەنىن ەستەن شىعارامىز. ارينە كوپكە توپىراق شاشۋدان اۋلاقپىن، ٴبىراق قىسكا كيىنگەندەردەن ەمەس، ورامال تاققانداردان قورقامىز؟ ٴبىزدىڭ ەلىمىزدە ەركىندىك بولعان سوڭ، ٴار ادامنىڭ ٴوز تاڭداۋ ەركى بار. سول سەبەپتى قانداي كيىم ۇلگىسىندە كيىنىپ جۇرسەك تە، قايماعى بۇزىلماعان قازاق ەلىنە ەش زيانى تيمەي، قازاق قىزى دەگەن اتقا لايىق بولايىق!

 

 

 

 

 

اسەم ەڭبەكشينوۆا،
قمۋ گاف اۋدارما ٴىسى ماماندىعىنىڭ 1 كۋرس ستۋدەنتى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي