BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەمەكى ساتقانعا - ايىپپۇل

اكىمشىلىك قۇقىق بۇزۋشىلىق تۋرالى قر كودەكسىنىڭ 114-بابىندا ون سەگىز جاسقا تولماعان ادامدارعا تەمەكىنى جانە تەمەكى بۇيىمدارىن ساتۋ جانە ولاردىڭ ساتۋى - جەكە تۇلعالارعا – بەس، لاۋازىمدى ادامدارعا، دارا كاسىپكەرلەرگە، شاعىن نەمەسە ورتا كاسىپكەرلىك سۋبەكتىلەرى بولىپ تابىلاتىن زاڭدى تۇلعالارعا – ون بەس، ٴىرى كاسىپكەرلىك سۋبەكتىلەرى بولىپ تابىلاتىن زاڭدى تۇلعالارعا قىرىق بەس ايلىق كورسەتكىش مولشەرىندە ايىپپۇل اكەپ سوعادى.

وسى باپتىڭ ٴبىرىنشى بەلگىسىندە كوزدەلگەن، اكىمشىلىك جازا قولدانىلعاننان كەيىن ٴبىر جىل ىشىندە قايتالاپ جاسالعان ىس-ارەكەت - جەكە تۇلعالارعا - ون، قىزمەتىن نەمەسە قىزمەتىنىڭ جەكەلەگەن تۇرلەرىن توقتاتا تۇرىپ، لاۋازىمدى ادامدارعا، دارا كاسىپكەرلەرگە، شاعىن نەمەسە ورتا كاسىپكەرلىك سۋبەكتىلەرى بولىپ تابىلاتىن زاڭدى تۇلعالارعا - وتىز، ٴىرى كاسىپكەرلىك سۋبەكتىلەرى بولىپ تابىلاتىن زاڭدى تۇلعالارعا توقسان ايلىق كورسەتكىش مولشەرىندە ايىپپۇل سالۋعا اكەپ سوعادى دەلىنگەن.

2012 جىلى ٴساۋىر ايىندا جاسوسپىرىمدەر پروفيلاكتيكالىق ٴىس-شاراسى كەزىندە   ەگىندىكول اۋىلىنىڭ تۇرعىنى، جەكە كاسىپكەر ح-دەگەن ازامات ساتۋدا تۇرعان ەكى قوراپ تەمەكى بۇيىمدارىن جاسى كامەلەتكە تولماعان 8-سىنىپ وقۋشىسىنا ساتقان. وقيعا بويىنشا  قۇقىق بۇزۋشى ح-دەگەن ازامات ۇستىنەن 2012 جىلدىڭ 24 ساۋىرىندە جيناقتالعان اكىمشىلىك ماتەريال اۋداندىق سوتتا قارالىپ، قر اقبك-نىڭ 114 بابىنىڭ 1 بولىگىنە ساي اكىمشىلىك جازا رەتىندە بەس ايلىق ەسەپتىك كورسەتكىش مولشەرىندە 8090 تەڭگە ايىپپۇل سالىندى.

الداعى ۋاقىتتا جەكە كاسىپكەرلەردىڭ جاسوسپىرىمدەرگە تەمەكى بۇيىمدارىن، سپيرتتىك ىشىمدىكتەردى ساتپاۋعا شاقىرامىن.ٴار دۇكەننىڭ، ساۋدا ورىندارىنىڭ كورنەكتى جەرلەرىنە جاسوسپىرىمدەرگە تەمەكى، 21 جاسقا تولماعاندارعا اراق-شاراپ، سىرا ساتىلمايتىندىعى تۋرالى حابارلاما ىلىنسە جاقسى بولار ەدى؟!

 

 

نۇركەن شامعاليەۆ،

اۋداندىق ىشكى ىستەر ٴبولىمى باستىعىنىڭ

ورىنباسارى، پوليسيا مايورى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي