BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جۇلدىزى جارقىراعان جىراۋلىق ونەر

بابالار ارمانداعان تاۋەلسىزدىككە قول جەتكىزىپ، تورتكۇل دۇنيەگە تانىلىپ، ماڭگىلىك ەلگە باستار ۇلى نۇرلى جولى ايقىندالعان، جۇلدىزى جارقىراعان ەل بولعانىمىزعا بيىل 25 جىل. ايتۋلى جىلدار ىشىندە قارىشتاپ دامىعان ەلىمىزدىڭ ونەرى مەن مادەنيەتى دە بيىك بەلەستەرگە جەتتى. «مادەنيەت – ۇلتتىڭ بەت-بەينەسى، رۋحاني بولمىسى، اقىل-ويى، پاراساتى. وركەنيەتتى ۇلت ەڭ الدىمەن تاريحىمەن، مادەنيەتىمەن، ۇلتىن ۇلىقتاعان ۇلى تۇلعالارىمەن، الەمدىك مادەنيەتتىڭ التىن قورىنا قوسقان ۇلكەندى-كىشىلى ۇلەسىمەن ماقتانادى. ٴسويتىپ، تەك ٴوزىنىڭ ٴتول مادەنيەتى ارقىلى عانا باسقاعا تانىلادى» دەگەن سوزگە وي جۇگىرتسەك، بابادان جالعاسقان ۇلىقتى ونەر مەن ماۋەلى مادەنيەتىمىز عاسىردان عاسىرعا ساف التىنداي جارقىراپ جەتە بەرمەك. وسى ورايدا، اقىندىق پەن جىراۋلىقتىڭ اق بەسىگى اتانعان، ٴجۇز شايىرعا مەكەن بولعان قاسيەتتى قارماقشى ولكەسىندەگى جىراۋلىق ونەردىڭ تاۋەلسىزدىك جىلدارىنداعى سۇبەلى جەتىستىكتەرى – ونەرىن ٴومىرىم دەپ بىلگەن ەلدىڭ رۋحاني دامۋىنىڭ ايعاعىنداي.

كاتەكى جىراۋلار الماس الماتوۆ فرانسيادا، بيداس رۇستەمبەكوۆ امەريكا قۇراما شتاتتارىندا جىراۋلىق ونەردى الەمگە پاش ەتتى. 2006 جىلى اۋدانىمىزدا اشىلعان ك.رۇستەمبەكوۆ اتىنداعى جىراۋلار ٴۇيى – ولكەمىزدەگى وشپەس ونەردىڭ وتىن جاعىپ، تالانتتى ۇل-قىز تاربيەلەۋدە ەسەلى ەڭبەك ەتىپ كەلەدى.

بۇگىندە كەنت ورتالىعىنداعى «كوشەنەي جىراۋ»، تۇرماعامبەت اۋىلىنداعى «تاسبەرگەن جىراۋ»، «جيەنباي جىراۋ»، اقجار اۋىلىنداعى «رۇستەمبەك جىراۋ»، ت.كومەكبايەۆ اۋىلىنداعى «بازار جىراۋ» ۇيىرمەلەرى قولىنا دومبىرا ۇستاعان سان شاكىرتتى جىراۋلىق ونەرگە باۋلىپ، ولاردى داڭعايىر جىراۋلار باستاعان ونەر كوشىنە قوسىپ كەلەدى. بەلگىلى جىراۋ سەرىك جاقسىعۇلوۆ باسقاراتىن ونەر ورداسىندا بيداس رۇستەمبەكوۆ، ايگەرىم ەشبايەۆا، زاۋرە كارىبايەۆا، بالتاباي بەدەبايەۆ، بولات بايمۇراتوۆ، ٴدىنيسلام توقسانبايەۆ سياقتى بەلگىلى جىراۋلاردان ٴدارىس العان ونەرلى شاكىرتتەر بۇگىندە ەلدىڭ قۋانىشىنا اينالىپ، ونەر بيىگىنەن كورىنىپ ٴجۇر.

اتاپ ايتقاندا، «تاسبەرگەن جىراۋ» ۇيىرمەسىنىڭ شاكىرتى وڭعارقىزى اراي (ۇستازى ز.كارىبايەۆا) حالىقارالىق «بوزتورعاي» بايقاۋىندا ٴىىى ورىن، سەمەي قالاسىندا وتكەن «شوقجۇلدىز» رەسپۋبليكالىق بالالار بايقاۋىندا باس جۇلدە، «مەنىڭ تۋعان ولكەم» ٴداستۇرلى بالالار بايقاۋىندا ٴىى ورىن يەلەندى. كورەرمەن كوزايىمىنا اينالعان، بولاشاعىنان ۇلكەن ٴۇمىت كۇتتىرەتىن جاس قىتاي حالىق رەسپۋبليكاسىندا وتكەن «تالانتتار شوۋى» باعدارلاماسىنا قازاقستان اتىنان قاتىسىپ، ەل مەرەيىن اسقاقتاتتى. اتالعان ۇيىرمەنىڭ تاعى ٴبىر تالانتتى مۇشەسى ادىلبەكوۆا نۇرپاتشايىم وبلىستىق «مەنىڭ تۋعان ولكەم» بايقاۋىندا ٴىىى ورىن يەلەنسە، وسى بايقاۋدا «رۇستەمبەك جىراۋ» ۇيىرمەسىنىڭ مۇشەلەرى تۇرسىنبەكوۆا اراي، قىلىشبايەۆا نۇرشاتتار ارنايى ديپلومدارمەن ماراپاتتالدى. رەسپۋبليكالىق، وبلىستىق دەڭگەيدەگى ونەر بايقاۋلارىنىڭ جۇلدەگەرى اتانىپ جۇرگەن تالانتتى قىزىمىز، «كوشەنەي جىراۋ» ۇيىرمەسىنىڭ جەتەكشىسى ٴا.ەشبايەۆانىڭ شاكىرتى الدامجاروۆا مالي- كا باكۋ قالاسىندا وتكەن حالىقارالىق «مۋگام» ايتۋشىلاردىڭ ونەر بايگەسىنە قازاقستان اتىنان قاتىسىپ، جىراۋلىق ونەردىڭ ومىرشەڭدىگىن الەم الدىندا پاش ەتتى.

«ۇستازى جاقسىنىڭ ۇستامى جاقسى» دەگەندەي، تالانتتى شاكىرتتەردى تاربيەلەۋدە ايانباي ەڭبەك ەتىپ، بۇگىندە جىراۋلىق ونەردى الەم ساحناسىنا جەتكىزىپ جۇرگەن جۇيرىك جىراۋلارىمىزدىڭ دا تاۋەلسىزدىك جىلدارىندا جەتكەن جەتىستىكتەرى كوڭىل قۋانتادى. بەلگىلى جىراۋ بيداس رۇستەمبەكوۆ تاۋەلسىزدىك العان مەرەيلى جىلدار ىشىندە «استانا» مەدالىمەن، قر مادەنيەت جانە اقپارات مينيسترلىگىنىڭ «مادەنيەت سالاسىنىڭ ۇزدىگى» توسبەلگىسىمەن، «قازاقستان كونستيتۋسياسىنا – 20 جىل» مەرەكەلىك مەدالىمەن، 2015 جىلى قر پرەزيدەنتى ن.ٴا.نازاربايەۆتىڭ جارلىعىمەن «ەرەن ەڭبەگى ٴۇشىن» مەدالىمەن ماراپاتتالدى. جىر كوشىنىڭ زاڭدى جالعاستىعىن بيىككە كوتەرىپ كەلە جاتقان جىراۋ س.جاقسىعۇلوۆ اقتوبە وبلىسىندا وتكەن «كوكجارىم بويى – اعىن جىر» رەسپۋبليكالىق جىرشىلار بايقاۋىنىڭ ٴى ورىن يەگەرى، «تەكتى ٴسوزدىڭ تورەسى - تەرمە» اتتى رەسپۋبليكالىق بايقاۋدا ٴىى ورىن، «جىر جۇيرىگى – جيەنباي» اتتى ايماقتىق جىراۋلار بايقاۋىنىڭ باس جۇلدە يەگەرى اتاندى جانە قر تاۋەلسىزدىگىنىڭ 25 جىلدىعى قارساڭىندا ستامبۋل قالاسىندا وتكەن قازاق دياسپوراسى مەن زيالى قاۋىم وكىلدەرىنىڭ كەزدەسۋىنە ارنايى شاقىرتىلىپ، سىر بويى ماقام – سازدارىن باۋىرلاس ەل تورىندە اسپانداتىپ قايتتى. وشپەي – تۇعىن ەشقاشان ۇلگىلەرى، سىردىڭ ەلى – قاشاننان جىردىڭ ەلى. ومار، ٴجۇسىپ، تۇرىمبەت، تۇرماعامبەت، بازار جىراۋ بارشانىڭ ٴدۇلدۇلى ەدى. بۇگىنگى ۇرپاق سولاردىڭ ىزىندەگى ەرتەڭ ٴدۇلدۇل بولماسىن كىم بىلەدى؟ – دەگەندەي، كەشەگى داڭعايىر جىراۋلاردىڭ سالعان سارا جولىن بۇگىنگى ماڭگىلىك ەل بولۋدى مۇرات تۇتقان تاۋەلسىز ەلىمىزدىڭ تالانتتى ورەندەرى دارا جولمەن جالعاپ جاتسا قالاي قۋانباسقا؟ قاسيەتتى قارماقشى جەرىندەگى بابادان جالعاسقان ۇلى مۇرا – جىراۋلىق ونەردىڭ تۋىن بيىكتەتىپ، شاڭىراعىن شايقالتپاي، كەلەر ۇرپاققا اماناتتاۋ – بارشامىزدىڭ ابىرويلى مىندەتىمىز.

نۇرشات ناۋرىزبايەۆا، اۋداندىق مادەنيەت جانە تىلدەردى دامىتۋ ٴبولىمىنىڭ باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي