BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭاوزەن جايلى كىتاپ ىزدەسەڭىز...

بەلگىلى جۋرناليست، ٴباسپاسوز سالاسىنىڭ ارداگەرى، قالامىزدىڭ تۇرعىنى، جاڭاوزەن قالاسىنىڭ قۇرمەتتى ازاماتى زاكاريا يساعۇلوۆتىڭ «تاۋەلسىزدىك تاعىلىمى» اتتى جاڭا كىتابى جارىق كوردى.

كىتاپتا مۇنايلى قالاداعى تاۋەلسىزدىك جىلدارى قول جەتكەن تابىستار مەن وسى يگىلىكتەردى جۇزەگە اسىرعان ابزال ازاماتتار مەن ارداگەرلەر ەڭبەگى جانە ەگەمەندىككە قول جەتكىزۋ جولىنداعى قيىندىقتار، سول قيىندىقتاردان ەلدى قۇتقارا بىلگەن ەلباسى مەن ەل ۇكىمەتىنىڭ جانە جەرگىلىكتى ات ۇستىندەگى ازاماتتاردىڭ ەرەن ەڭبەكتەرى ٴسوز بولادى. كىتاپ جەتى تاراۋدان تۇرادى. وندا قالامىزدىڭ ەكونوميكا مەن الەۋمەتتىك سالاداعى جەتىستىكتەرى تاراۋ، تاراۋ بويىنشا مۇناي ٴوندىرىسىنىڭ دامۋى، قالاداعى بىرلىك پەن بەرەكە، كوركەيتۋ، كورىكتەندىرۋ، ونەر مەن مادەنيەت، باسقا دا سالالارى كەڭىنەن قامتىلعان.

سونىمەن قاتار، وزەن بايلىعىن يگەرۋدە ەلىمىزدىڭ ٴار قيىرىنان كەلگەن ازاماتتاردىڭ ەرەن ەڭبەگى «نارىنقولدىڭ نار تۇلعالى ازاماتى»، «جايىقتان قايتقان تىرنالار»، سونداي اق، «كۇن استىنداعى كورىكتى قالا»، «قارا التىندى» قالا كاھارماندارى» سەكىلدى باسقا دا تاراۋلار مەن توپتامالاردا كوركەم تىلمەن وقىرمانعا ناسيحاتتالدى. قالامىزدىڭ كاسىپورىندارى «تازالىق»، «وزەن جىلۋ»، «وزەنينۆەست»، ٴبىلىم ٴبولىمى مەن دەنساۋلىق ساقتاۋ سالاسى ۇجىمدارىنداعى جاڭالىقتار مەن جاڭارۋلار، وسى كاسىپورىننىڭ باسىندا وتىرعان ازاماتتار ەڭبەگى «ٴتاۋىر جۇمىستار «تازالىقتا» بار»، «ٴبىلىم ساپاسى جاقسارۋدا»، «مىندەتكە ادالدىق»، «جاڭاوزەندى جارقىراتقان ازامات»، «بىلىكتى باسشى بازارحان» دەگەن تاقىرىپتار قامتىلعان. قالانىڭ مۇناي بايلىعىن يگەرگەن، باسقا دا سالالارىن كوتەرۋ كوركەيتۋ جولىندا ەرەن ەڭبەگىمەن كوزگە تۇسكەن ٴار سالا ماماندارىنىڭ ەڭبەگىن وقىرمان «تاريح بەتىنە ۇڭىلسەك» دەگەن تاقىرىپ پەن تاراۋدان تابادى.

قالادا كاسىپكەرلىكتىڭ دامۋى جانە وسى جولدا كوزگە ٴتۇسىپ جۇرگەن جاڭبىرباي دارمەنوۆ، كوشباي قىزانبايەۆ، بەگالى ساپارباي سەكىلدى باسقا دا كوپتەگەن جەكە كاسىپ يەلەرىنىڭ يگى ىستەرى دە ايشىقتى تىلمەن باياندالادى. كىتاپقا «كەندىرلى» دەمالىس ايماعىنا ارنايى تاراۋ بەرىلگەن. ونىڭ سالىنۋ تاريحى، قازىرگى تىنىس تىرشىلىگى، ونى باسقارىپ وتىرعان مەكەمەلەردىڭ ٴىس-قيمىلى دا كوركەم تىلمەن ورىلگەن. قىسقاسى، بۇل كىتاپ، قالا حالقىنا مەرەيلى مەرەكە الدىن-اعى ۇلكەن سىيلىق دەپ ايتۋعا بولادى. ودان قالانىڭ ٴاربىر تۇرعىنى ٴوزىن، نەمەسە ٴوزىنىڭ تۋىسى مەن قيماس دوستارىن، ارىپتەستەرى تۋرالى ەڭبەگىن وقىپ، بىلە الادى. سياسى كەپپەگەن كىتاپ وقىرمان قولىنا ٴتيىپ، جاقسى باعاسىن الۋدا. بۇل ارىپتەس اعامىزدىڭ جاڭاوزەن قالاسى مەن ونىڭ ابزال ازاماتتارىنىڭ ەڭبەگى جايلى جازىلعان ٴتورتىنشى كىتابى.

گۇلناز جايبەرگەنقىزى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي