BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"توپتىڭ ىشىندە دە ٴبىرتۋار اقىندار بار"، - دەيدى اقىن تاسقىن بولات ۇلى

"شابىت" اقىندار ورتالىعى شىعىستىڭ تالانتتى اقىندارىنىڭ ٴبىرى، مارقۇم سەرىك ٴعابدۋلليننىڭ قالدىرعان مۇراسى.

ورتالىق وسىدان بىرنەشە جىل بۇرىن وسكەمەن قالاسىندا قۇرىلىپ، بۇگىنگى اعا بۋىن اقىن- جازۋشىلار مەن جاستاردىڭ اراسىنداعى التىن كوپىرىنە اينالعان. تاسقىن بولات ۇلى اتالمىش ورتالىقتىڭ اينىماس مۇشەسى بولىپ كەلە جاتىر.

؟سەرىك عابدۋللين اعامىز ومىردەن وزعالى "شابىت" ورتالىعى ۇنسىزدىكتە قالىپ ەدى. ٴقازىر ونى كىم جەتەلەپ وتىر؟

- ٴيا، سەرىك اعامىز ومىردەن وتكەندە ٴبىر جىل توقتاپ قالعان بولاتىن. ٴقازىر ورالحان بوكەي اتىنداعى ورتالىق كىتاپحانانىڭ قىزمەتكەرى قىزىربەك دۇرگىنبايدىڭ باستاماسىمەن قايتادان جانداندى. ٴتۇرلى ٴمۇشايرالار، جارىستار بولسا بارلىعىمىز باس قوسىپ، "بىرلەسىپ پىشكەن تون كەلتە بولماس" دەگەندەي بار اقىل-ويىمىزدى ٴبىر سارىنعا سالامىز. نەگىزىندە اپتاسىنا ٴبىر رەت باس قوسىپ، بارلىق اقىن-جازۋشىلاردىڭ شىعارمالارىمەن، ولەڭدەرىمەن تانىسامىز. مۇندا وزگە اقىندار بىر-بىرىنە پىكىرلەرىن ايتىپ، اعا بۋىن وكىلدەرى سىندارىن، باعالارىن بەرىپ تۇرادى.

؟سەرىك اعانى كورگەن بولارسىڭ؟ اماناتىنا قالدىرعان اقىلى مەن باتاسى بولعان شىعار...

- شىنى كەرەك، ول كىسىنىڭ كوزىن كورە الماي كەتتىم. دەگەنمەن ونىڭ مول مۇراسى كىتاپتارىندا قالعان. ولاردىڭ ٴوزى اقىل دا، باتا دا بولىپ قالا بەرمەك... ومىردەن تانىماساق تا، ولەڭدەرىنەن تانيمىز.

؟ٴقازىر ورتالىقتا نەشە اقىن بار؟ قوزعالاتىن تاقىرىپتار اۋقىمى قانداي؟

- وننان جيىرماعا دەيىن اقىن- جازۋشىلار بار. تۇراقتى اقىن- جازۋشىلار سانى ونعا جەتەدى. كەلىپ-كەتىپ جۇرەتىندەر دە بار. جالپى ون اقىن جۇپ جازبايمىز. نەگىزىنەن اقىندار جاڭادان شىققان ولەڭدەرىن، جازۋشى- لار اڭگىمەلەرىن ورتاعا سالادى. قاتەلىكتەرىن ايتادى، كەيدە فيلوسوفيالىق قاتەلىكتەر كەتەدى. جاڭادان كەلگەن جاستار ۇيقاستان قاتەلىك جىبەرىپ جاتسا، ولارعا سىن ايتىپ، باعىت كورسەتىپ جىبەرەدى. "سىن تۇزەلمەي ٴمىن تۇزەلمەس" دەپ ونى دا ايتىپ وتىرامىز. كەيدە وقىعان كىتاپتارىمىزدى تالقىعا سالامىز. مىسالى، جۋرناليست ەسبولات ايدابولسىننىڭ "سۇلىك قارا" اڭگىمەسىنە نازارىمىزدى سالدىق. جالپى، جاننىڭ رۋحاني دەمالىسى ٴۇشىن باس قوسامىز...

؟اقىندىققا قالاي قالام سىلتەدىڭ؟ ٴوزىڭ جايلى ٴبىراز ايتا كەتسەڭ...

- مەن 1998 جىلى تارباعاتاي اۋدانى، شولاق-وردا اۋىلىندا دۇنيەگە كەلدىم. "قانىنا تارتپاعاننىڭ قارى سىنسىن" دەۋشى ەدى... ارعى اتام دا، اكەم دە ولەڭ جازعان ادامدار. ولار توي-تومالاقتا، ايتىستا ونەر كورسەتكەندىكتەن، دومبىرانىڭ كۇمبىرىن كىشكەنتاي كۇنىمنەن قۇلاعىما ٴسىڭىرىپ ٴوستىم. "اكەگە قاراپ ۇل وسەر" دەگەن راس-اۋ، قولىنان كىتابىن تاستاماعان اكەمنىڭ قىلىعىن كورگەندە كىتاپ وقۋدىڭ مىندەت ەكەنىن كورگەندەي بولدىم. وسىلايشا ادەبيەتكە دەگەن قۇشتارلىعىم ويانا بەردى. العاش ٴ7-8-شى سىنىپتاردا سايىن مۇراتبەكوۆتىڭ "قىلاۋ" اتتى اڭگىمەسى كەرەمەت اسەر ەتتى. سو- دان بەرى ادەبيەتكە ماسپىن دا، عاشىقپىن دا... ؟ادەبيەتتىڭ اعىمى سان-سالالى عوي. ساعان اقىندىق جاقىن با، الدە جازۋشىلىق جاقىن با؟ - مەن ولەڭگە جاقىنمىن. اباي اتامىز ايتقانداي "بولماساڭ دا ۇقساپ باق" دەپ جازۋشىلىقتى دا كوردىم. جازعانىما كوڭىلىم تول- مادى ما، ويىمنان اينىپ قالدىم.

؟اكەڭ دومبىرانى كۇڭگىرلەتىپتى، ٴوزىڭ اقىنسىڭ. بۇل ەكى ونەردىڭ قوسپاسى ايتىس اقىنى ەتپەدى مە؟

- وقۋشى كەزىمدە اۋداندىق "اقبەرەن" دەگەن جارىسقا قاتىسىپ، ٴبىرىنشى ورىنعا شىقتىم. وسىدان كەيىن وبلىستىق ايتىسقا قاتىسىپ وندا دا باعىم جاندى. كەيىننەن استانا قالاسىندا 14 وبلىستىڭ جانە الماتى مەن استانا قالالارىنىڭ ەڭ جاس اقىندارى باس قوسىپ، جىر بايگەسىنە تۇستىك. مىنە، سول كەزدە دە الدىڭعى قاتارداعى التىلىقتىڭ بىرىنە شىققانىم بار.

؟اقىن كوپ قوي، ەكىنىڭ ٴبىرى اقىنمىن دەپ ايقايلاپ كەتكەندەرى دە بار. وسىنداي ايعاي-شۋدا ناعىز اقىن قالاي تانىلادى؟

- ٴبىرتۋارلارى بارىنا كەلىسەمىن. "شابىت" اقىندارىنداي وزگە ٴوڭىر اقىندارى دا كەزدەسىپ تۇرادى. مىنە، وسىنداي توپتىڭ ىشىندە دە ٴبىرتۋار اقىندار بار. ولاردى العاشىندا بايقامايسىڭ. توپتىڭ قاتارىنان ۇزىلمەي تۇرعان سوڭ كورىنبەيدى، ٴبىراق ولەڭدەرىن وقىعاندا "توپتى جەتەلەيتىن وسى اقىن" دەپ تانيسىڭ. وسىنداي ساتتەردە اقىنداردىڭ ىشىندە دە اقىندار بارى قاتتى بىلىنەدى. اقىننىڭ دەڭگەيى دە بىلىممەن، اقىلىمەن انىقتالادى. بۇل باستى كورسەتكىشتەر. جانىنداعى اقىنداردى جەتەلەيتىن دە سول.

؟ٴوزىڭ ٴسۇيىپ وقيتىن قازاقتىڭ اقىنى بار شىعار...

- مەكتەپتەگى وقۋىمدى بىتىرگەنگە دەيىن مۇقاعالي ولەڭدەرىن وقىماعان كەزىم بولماعان جوق شىعار. قانداي جاعداي بولماسىن، ٴومىردىڭ كەز كەلگەن ساتتەرىن سۋرەت- تەي العان، جەتكىزە العان اقىندى مۇقاعالي دەپ تانيمىن. ؟جالپى اقىن بولۋ قيىن دەيدى عوي. بۇل تۋرالى پىكىرىڭ قانداي؟ - اقىندىق مەن ٴۇشىن قيىن سياقتى. ادامداردىڭ ورتاسىندا كوڭىل جۇرسە، مەندە مۇڭ جۇرەتىن سياقتى. ىشىڭە سىيمايتىنداي بولاسىڭ، ەركەلىگىڭ دە بولادى. ولەڭ جازعاندا تىپتەن قينالاسىڭ، ٴبىراق جازىپ بولعان سوڭ ٴبىر راحات الاسىڭ، دەمالاسىڭ، اقىندىقتان ٴبىر ساتكە ارىلاسىڭ. ولەڭ جازاسىڭ، ۇشاسىڭ، قالىقتايسىڭ، وزىڭنەن ٴمىن تاباسىڭ دا، سىر تاباسىڭ...

؟تاۋەلسىزدىگىمىزدىڭ 25 جىلىن ەل كولەمىندە اتاپ وتپەكپىز. بۇعان سەن دە دايىن شىعارسىڭ؟

- ارينە، تاۋەلسىزدىكتىڭ 25 جىلدىعىنا ارناپ جازعان ولەڭىم بار... قازاقتىڭ ٴان دالاسى كۇرەڭسەلى، كوزىمدى اشقانىمنان بىلەم سەنى. ىپ-ىستىق باۋىرىڭا باۋىرىم باسىپ، قارىڭدى جاستانا ساپ تۇنەۋشى ەدىم. مەيلىنشە دالام ساعان ەركەلەدىم، بىلۋگە قۇپياڭدى ەنتەلەدىم. ٴبىر كۇيدى مولالاردا شەرتەر ەدى، باسىندا مالداس قۇرعان كەر توبەنىڭ. اپىر-اي، بۇل 25 قاي دەرەگى، بابامنىڭ قايدا قالدى الگى اۋەنى. اتاما! جيىرما بەسپەن ولشەمەيمىن، سەزەمىن ودان تەرەڭ الدەنەنى.

!سۇحباتىڭا راحمەت! ايدوس مىرزاحمەتوۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي