BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تىلگە قۇرمەت – ەلگە قۇرمەت

ەرلىك، ەلدىك، بىرلىك، قايرات، باق، اردىڭ،
جاۋىز تاعدىر جويدى ٴبارىن نە باردىڭ.
التىن كۇننەن باعاسىز ٴبىر بەلگى بوپ،
نۇرلى جۇلدىز – بابام ٴتىلى سەن قالدىڭ! – دەپ كەشەگى اقىن م.جۇمابايەۆتىڭ، اباي، ٴىلياس، ساكەن، احمەت بايتۇرسىنوۆ سىندى ارقالى اقىندار مەن عالىمداردىڭ جانە بارشا قازاق حالقىنىڭ جىلدار بويعى كوزدەگەن ٴبىر عانا ماقساتى، ول – قازاق ٴتىلىنىڭ ٴداستۇرلى جولىن ۇرپاقتان-ۇرپاققا ساقتاپ، شىنايى تازا كۇيىندە جەتكىزۋ. ويتكەنى، ٴتىل تاعدىرى – ەل تاعدىرى ەكەندىگى قاشاننان دا حاق جانە حاق بولىپ قالا بەرمەك.

قازاق حالقى قالىپتاسقالى بەرگى داۋىردە قانشاما تاعدىردىڭ تەزىنەن، توزاقتىڭ وزىنەن امان ٴوتىپ، بۇگىنگى كۇندە «ۇلتتىق ٴتىل – قازاق ٴتىلى» دەگەن ۇعىمعا يە بولعان انا ٴتىلىمىز – وتكەن تاريحىمىزدىڭ بىردەن-بىر جەمىسى. ويتكەنى، وسى مارتەبەگە جەتۋ ٴۇشىن قازاق ەلى سان سوقپاقتان سۇرىنبەي ٴوتىپ تەر توكتى، سول ەڭبەكپەن اققان تەرى اقتالدى دا. ونىڭ ٴبىر دالەلى رەتىندە قازاقستان رەسپۋبليكاسىندا مەكەندەپ جاتقان سان ٴتۇرلى ۇلتتاردىڭ بارلىعى دەرلىك قازىرگى ۋاقىتتا قازاق ٴتىلىن ۇيرەنۋگە زور تالپىنىس ٴبىلدىرىپ جۇرگەندىگىن تىلگە تيەك ەتۋگە بولادى.
مەملەكەتتىك ٴتىلدى ۇيرەنۋگە دەگەن ىنتا-جىگەر قازاقستان ارمياسىندا دا ٴوز ناتيجەسىن بەرۋدە. بۇعان دالەل رەتىندە قازاقستان رەسپۋبليكاسى ۇلتتىق ۇلانىنىڭ اسكەري بولىمدەرىندە اسكەري قىزمەت اتقاراتىن وزگە ۇلت وكىلدەرىنىڭ اراسىندا جىل سايىن وتكىزىلەتىن «مەملەكەتتىك ٴتىل – مەنىڭ ٴتىلىم» اتتى بايقاۋى جانە تىلدەر مەرەكەسى قارساڭىندا وتكىزىلەتىن ٴتۇرلى شارالاردى ايتۋعا بولادى. ٴبىر قۋانتارلىعى، مەملەكەتتىك تىلدە اسكەري بولىمدەردە وتكىزىلەتىن كەز كەلگەن ٴىس-شارالارعا ولاردىڭ بارلىعىنىڭ دەرلىك ىنتا-جىگەرمەن كىرىسەتىندىگى.
وسىنداي ٴىس-شارالار بارىسى مەملەكەتتىك ٴتىلدى دامىتۋعا ۇلكەن سەپتىگىن تيگىزەتىنى انىق. بۇل ورايدا ەلباسىمىز ن.نازاربايەۆتىڭ جارلىعىمەن بەكىتىلگەن قازاقستان رەس-پۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىندا مەملەكەتتىك ٴتىلدى دامىتۋعا قاتىستى: «قازاقستاندىقتاردىڭ ٴوزىمىز ٴومىر ٴسۇرىپ، ەلىمىزدى جاقسىلىقتارعا باستاپ بارا جاتقان تۋعان جەرگە اتاۋىن بەرگەن مەملەكەتتىك ٴتىل – قازاق ٴتىلىن قۇرمەتپەن جانە لايىقتى وقىپ-ۇيرەنە باستاعاندىعىن اتاپ ٴوتۋدىڭ ٴوزى قۋانىشتى. بۇگىندە مەملەكەتتىك ٴتىلدى ەركىن مەڭگەرگەن حالىقتىڭ ۇلەسى باسىم كوپشىلىكتى قۇرايدى. بۇل تاۋەلسىزدىكتىڭ وراسان زور جەتىستىگى. ٴبىزدىڭ مىندەتىمىز 2017 جىلعا قاراي مەملەكەتتىك ٴتىلدى بىلەتىن قازاقستاندىقتار سانىن 80 پايىزعا دەيىن جەتكىزۋ. ال، 2020 جىلعا قاراي ولار كەمىندە 95 پايىزدى قۇراۋى ٴتيىس. ەندى 10 جىلدان كەيىن مەكتەپ بىتىرۋشىلەردىڭ 100 پايىزى مەملەكەتتىك ٴتىلدى ٴبىلىپ شىعاتىن بولادى»، – دەپ پايىمداۋىن ۇلكەن كورەگەندىككە بالاۋعا بولادى.
قورىتا كەلە ايتارىم، بىزدە ٴبارى بار جانە قازاق جەرى بارىنە باي، ونىڭ ىشىندە ٴتىلى دە باي. ٴتۇبى ٴبىر تۇركى ٴتىلىنىڭ ىشىندەگى بىرىزدىلىگىن ساقتاعان، نورماعا ساي تازا، ٴارى باي ٴتىل – قازاق ٴتىلى ەكەندىگىن كەزىندە كورشى جانە شەتەل مەملەكەتتەرىنىڭ عالىمدارى دا دالەلدەپ، تامسانىپ وتكەن. سول سەبەپتى ەندىگى تاريحي ماقسات، وسى بابالارىمىز اماناتتاپ كەتكەن انا ٴتىلىن شىنايى كۇيىندە ۇرپاقتان ۇرپاققا جەتكىزۋ. ويتكەنى، كيەلى ۇلتىمىزدى ىدىراتپاي، تالاي تاريحي تاعدىردىڭ الدىندا باسىن يمەگەن مەملەكەتتىك ٴتىل – قازاق ٴتىلى قاشان دا ەلدىگىمىزدىڭ، بىرلىگىمىزدىڭ، ٴھام ۇلى تاۋەلسىزدىگىمىزدى قورعاۋ جولىندا ۇلتىمىزدىڭ تەگەۋرىندى تەتىگى بولۋى ٴتيىس!


ايدوس بايشاعىروۆ،
لەيتەنانت، 28237 اسكەري ٴبولىمى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي