BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

لاتىن ٴالىپبيى ٴبىزدى بىرىكتىرەدى

ٴبىز ۋنيۆەرسيتەتتە وقىپ جۇرگەندە قىتايدان كەلگەن قانداستارىمىز بولدى. ولار سول ەلدە توتە جازۋمەن جازىپ ۇيرەنگەندىكتەن ٴبىزدىڭ ەلگە كەلىپ، كيريلليسادان وقۋ مەن جازۋ ايتارلىقتاي قيىندىق تۋعىزدى. سوندا ولار بىزدە ياعني، قازاق حالقىندا ٴبىرتۇتاس ٴالىپبي بولسا عوي دەپ ارمانداۋشى ەدى. ايتپەسە، قىتايدا توتەشە، بىزدە كيريلشە، تاعى باسقا جەردەگى قازاقتار لاتىنشا جازىپ، ٴارقايسىسى جازعان دۇنيەسىن ٴارتۇرلى تاڭبالاۋشى ەدى. سول تاڭبالانعان دۇنيەنى ٴوزى تۇرىپ جاتقان ورتاداعى باۋىرلارى تۇسىنبەسە، وزگەلەرى مۇلدە تۇسىنبەيتىن. ەندى مىنە، سول قانداس باۋىرلارىمىز بەن ٴبىزدىڭ ورتاق ارمانىمىز ورىندالاتىن كۇن دە الىس ەمەس.

ياعني، ٴبىز ٴبىرتۇتاس لاتىن الىپبيىنە 2025 جىلعا دەيىن كوشۋدى جوسپارلاپ وتىرمىز. بۇل دەگەنىڭىز، تىلگە قيانات جاساۋ ەمەس، كەرىسىنشە ىلگەرىلەتۋ بولماق. ٴبىز لاتىنعا جاڭادان كەلىپ جاتقان جوقپىز، ونىمەن قايتا قاۋىشۋدامىز. دەمەك، وتكەنىمىزدى جاڭعىرتىپ، رۋحاني جاڭعىرۋ جولىنا ٴتۇسىپ كەلەمىز. 1929-1940 جىلدارى قولدانىلعان لاتىن قارپىنە وزگەرىستەر ەنگىزۋ ارقىلى جاڭا كەزەڭگە اياق باسقالى وتىرمىز.
بۇل جاڭالىق كۇللى قازاق جۇرتىنا سەرپىلىس بەرگەندەي بولدى. اۋعانستان مەن يرانداعى، تۇركيا مەن قىتايداعى تاعى دا باسقا مەملەكەتتەردە ٴومىر ٴسۇرىپ جاتقان قانداستارىمىز دا وسى جاڭالىقتان حاباردار بولىپ، وزدەرىنىڭ قۋانىشتارىمەن ٴبولىسىپ جاتىر. اۋعانستاندىق قانداسىمىز، الماتىداعى جوعارعى وقۋ ورىندارىنىڭ ستۋدەنتى راحمەتۋللا داۋلەتيار بۇل جايىندا بىلاي دەيدى: «ٴبىز العاشىندا اتاجۇرتقا وقۋعا كەلەمىز دەگەنگە قاتتى قۋاندىق. بۇل جەرگە كەلىپ جوعارى ٴبىلىم الۋعا مۇمكىندىك جاساعان ەلباسىمىز نۇرسۇلتان ٴابىش ۇلىنا العىسىم شەكسىز. ەلباسى اۋعان جەرىندە قيىن-قىستاۋ زاماندى باستان كەشىپ جاتقان مەملەكەتتىڭ جاستارىنا قازاقستاندا ٴبىلىم الۋعا مۇمكىندىك جاساپ، دەمەۋ بىلدىرگەنى ٴۇشىن زور العىس ايتساق تا جەتكىلىسىز بولار. كورەگەندىگىمەن ەلىمىزدى باسقارىپ وتىرعان كوشباسشىمىزعا اللا ۇزاق عۇمىر بەرسىن!
ەلباسىنىڭ بيىلعى شىققان «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىن وقىپ وتىرىپ، ٴبىراز نارسەنى وي ەلەگىنەن وتكىزىپ، بولاشاققا ٴبىز دە باعدار جاساپ كوردىك. ەندى ٴبىز وسى ماقالادا ايتىلعان دۇنيەلەردى ٴىس جۇزىنە اسىرا بىلسەك، الار اسۋلارىمىز بەن باعىندىرار بەلەستەرىمىز كوپ بولماق. وسى ماقالانى وقي وتىرىپ مەن قازاق ەلىنىڭ لاتىن الىپبيىنە كوشۋى تۋرالى ايتقان تارماقتى وقىپ، قاتتى قۋانىپ كەتتىم. سەبەبى، تورتكۇل دۇنيەدە عۇمىر كەشىپ جاتقان ٴار قازاق بالاسى قازىرگى تاڭدا اعىلشىنشا جاقسى وقي الادى. ٴبىراق، ولاردىڭ كوبى كيريلشە ٴارىپ تانىمايدى. وسى جاعىنان كەلگەندە بۇل ٴبىز سياقتى سىرتتا جۇرگەن قازاق جاستارىنا ۇلكەن قۋانىش سىيلادى. ويتكەنى، ەندى ٴبىز سياقتى جاستار ٴوز ەلىنە ٴبىلىم الۋعا كەلگەندە لاتىن قارپىندە ٴبىلىم السا ەش قينالمايدى. سونداي-اق، لاتىن الىپبيىنە كوشسەك بىزگە، ياعني قازاق جاستارىنا اعىلشىنشا ۇيرەنۋ دە وڭايعا سوقپاق. وسىنداي ماسەلەنى قوزعاپ، ەل بولاشاعىن ويلاپ جۇرگەن ەلباسىمىزدىڭ كورەگەندىگىنە ٴتانتى بولامىن. اللا ەلىمىزدى بەيبىتشىلىكتەن ايىرماسىن!»، – دەپ ٴوز تىلەگىن جەتكىزدى.
ٴيا، لاتىن الىپبيىنە كوشۋ تۇركى الەمىمەن قارىم-قاتىناسىمىزدى نىعايتىپ، دوستىعىمىزدى ۇدەتە تۇسپەك. سىرتتا جۇرگەن باۋىرلارىمىز بۇل باستامانى قولداپ، قۋانىپ جاتىر. ٴبىز دە سول قۋانىشقا ورتاق بولىپ، ەل بولاشاعى ٴۇشىن جاسالىپ جاتقان جاڭالىقتى قۋاتتايىق.


ەلدار جاقىپبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي