BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴفيلمنىڭ باعىن كىم اشادى؟

فوتو: mnenie-about.ru

رەسپۋبليكالىق مارتەبەسى بار الماتى قالاسىندا جىل سايىن كوپتەگەن شارالار ۇيىمداستىرىلادى. سولاردىڭ ٴبىرى – كينو سالاسىنا قاتىستى بىرنەشە كينوفەستيۆالدەر: حالىقارالىق ەۋرازيا مەن باستاۋ جانە وسى جىلى ٴبىرىنشى رەت وتكىزىلگەن «بايقوڭىر»، انيماسيالىق فيلمدەر فەستيۆالىنە قاتىستى ەڭ العاشقى «ەر توستىك» جانە «قارلىعاش» فەستيۆالدەرى جانە رەسپۋبليكالىق جاستار كينوفەستيۆالى «ديدار». 2006 جىلى قۇرىلعان «ديدار» بايقاۋىنىڭ ماقساتى – كينويندۋستريا وكىلدەرىنىڭ نازارىن جاس رەجيسسەرلارعا كوڭىل اۋدارتۋ، كاسىبي كينووپەراتورلارمەن، دىبىسرەجيسسەرلارىمەن، سسەناريستارمەن بايلانىس ورناتۋ بولعان ەدى. انيماسيالىق، كوركەم، دەرەكتى فيلمدەر مەن مۋزىكالىق كليپتەر كورسەتىلەتىن بۇل شارا، وكىنىشكە وراي، قازىرگى كەزدە ٴوز قىزمەتىن توقتاتقان.

بيىل ٴبىرىنشى رەت وتكەن قازاق انيماسياسىنىڭ نەگىزىن سالۋشى امەن ابجان ۇلى حايداروۆتى ەسكە الۋعا ارنالعان «قارلىعاش» اتتى رەسپۋبليكالىق قىسقامەتراجدى فيلمدەر فەستيۆالىنىڭ ماقساتى – قازىرگى زامانعى جانە وتكەن كەزەڭدەگى قازاق انيماسياسىن بىر-بىرىمەن ساباقتاستىرۋ، شىعارماشىلىق تاجىريبە الماسۋ، جاڭا يدەيالار ىزدەۋ جانە كاسىبي انيماتور ماماندىعىن تاڭداۋعا باعىت بەرۋ بولسا، ال 2011 جىلدان باستاپ كەلە جاتقان «ەر توستىك» فيلم-دەر فەستيۆالىنىڭ ماقساتى – قازاقستانداعى انيماسيالىق مۋلتفيلمدەر اياسىندا قوردالانىپ قالعان ماسەلەلەردى تالقىلاۋ، قاراۋ، شەشۋ بولىپ تابىلادى. قازاقستاندا مۋلتفيلمدەر كوپ، ٴبىراق انيماسيالىق فيلم-دەر فەستيۆالى از دەسەك تە بولادى.
كينوفەستيۆالدەر – كينولار ٴۇشىن العاشقى باسپالداق، بارلىق كورەرمەندەرگە جول تارتار العاشقى جول. كوپتەگەن فيلمدەر ۇلكەن ەكرانعا شىعا بەرمەيدى. دەگەنمەن، كينوفەستيۆالدەر كينو سۇيەر قاۋىمعا جاڭا تۋىندىنى تانىستىراتىن، ٴفيلمنىڭ باعىن اشاتىن، رەجيسسەردىڭ جۇمىسىنا باعا بەرەتىن شارا.
فەستيۆالدەر يدەولوگياسىنىڭ باستى قۇرالى — كينو ٴوندىرىسى ارقىلى ۇلتتىق ونەردىڭ تۇڭعيىعىنان باستاۋ الاتىن وتانشىلدىق باعىتتاعى، سونداي-اق كورەرمەننىڭ قىزىعۋشىلىعىن ارتتىرىپ، رۋح بەرەتىن جۇمىستاردى جارىققا شىعارۋ.
بيىل ٴبىرىنشى رەت ۇيىمداستىرىلعان قىسقامەتراجدى فيلمدەردىڭ «بايقوڭىر» اتتى فەستيۆالى 17-18 قىركۇيەك كۇندەرى ٴوتتى. بۇل فەستيۆال وتاندىق يندۋستريادا جاڭا ەسىمدەردىڭ اشىلۋىنا جانە كينو الەمىنە العاش قادام باسقان جاس رەجيسسەرلارعا ٴوزىن-وزى كورسەتۋگە مۇمكىندىك بەردى، ال اتالمىش شارانىڭ مىندەتى – وتانداستارىمىز اراسىندا قىسقامەتراجدى قازاق كينولارىن ناسيحاتتاۋ بولعان.
ەكى اي ىشىندە كونكۋرسقا 200 جۇمىس ۇسىنىلىپ، 40 تۋىندى فەستيۆالگە جىبەرىلدى، ولاردىڭ 20-سى كوركەم فيلم، ٴ8-ى دەرەكتى جانە انيماسيا جانرىندا 11 تۋىندى. قازىلار القاسى كاسىبي كينەماتوگرافيستەر رەجيسسەر راشيد نۇگمانوۆ، كينوتانۋشى گۇلنار ابيكەەۆا، انيماتور-سۋرەتشى عالي مىرزاشەۆ، ديرەكتور يلياس احمەت جانە سابينا كۇزەنبايەۆا.
كينوفەستيۆال الماتى قالاسىنىڭ شاھارى كوكتوبەدە، تانىمال رەجيسسەرلار، اكتەرلار مەن جاس مامانداردىڭ جانە كەلگەن قوناقتاردىڭ قاتىسۋىمەن جوعارعى دەڭگەيدە اتالىپ ٴوتتى.
باس جۇلدەنى رەجيسسەر، ت.ق.جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى شاريپا ورازبايەۆانىڭ «ەدوكي كارتوفەليا» ٴفيلمى الدى، بۇدان باسقا دارحان تولەگەنوۆ «مارشرۋت» ٴفيلمى «ۇزدىك رەجيسسەر»، الديار بايراكيموۆ، ۆەنەرا كايرجانوۆا «حلوپ-توپ» كارتيناسى «ۇزدىك سسەناريي»، دياس كۇلماكوۆ «ايالداما» ٴفيلمى «ۇزدىك وپەراتور»، بەريك جاحانوۆ «ەركەك» تۋىندىسى «ۇزدىك اكتەر»، فاريزا تانايەۆا «اكە» ٴفيلمى «ۇزدىك اكتريسا»، سانات شاكيەۆا «كومەندانت يلمەناۋ» «ۇزدىك تاجىريبەلى فيلم»، قىمبات تويشى «اۋىل تىنىسى» «ۇزدىك دەرەكتى فيلم» نوميناسيالارىمەن ماراپاتتالدى.
سونىمەن قاتار، فەستيۆال سەرىكتەستىكتەرى رەجيسسەر ارناس ٴحابيدىڭ «پروزرەنيە» ٴمۋلتفيلمىن قۇرمەت گراموتاسىمەن قۇتتىقتادى. باس جۇلدە يەلەنگەن جەڭىمپاز 24-30 قىركۇيەك ارالىعىندا وتەتىن ٴxii-شى حالىقارالىق “ەۋرازيا» كينوفەستيۆالىنە قاتىسۋعا مۇمكىندىك الدى.
فەستيۆالدىڭ «بايقوڭىر» دەپ اتالۋى دا جاڭا جۇلدىزداردىڭ العا ۇمتىلىپ، ٴوزىنىڭ باعى جانۋىنا ۇمتىلىس جاساۋى دەگەندى بىلدىرەدى.
ٴبىرىنشى رەت ۇيىمداستىرىلعان بۇل فەستيۆالدىڭ باستاماسى جامان ەمەس. جاقسى ناتيجەلەرمەن جىل سايىن قازاق كينوسىنا ۇلكەن ۇلەسىن قوسادى دەگەن سەنىمدەمىز.
1998 جىلى قۇرىلىپ، قازىرگى ۋاقىتقا دەيىن ۇيىمداستىرىلىپ جۇرگەن، ەلىمىزدەگى مادەني شارالاردىڭ ٴبىرى – ٴxii-شى حالىقارالىق ەۋرازيا كينوفەستيۆالى دە باستالىپ كەتتى.
جىل سايىن وتكىزىلەتىن بۇل شارانىڭ ەرەكشەلىگى — ۇيىمداستىرۋشىلار ٴبىرىنشى رەت فەستيۆال بارىسىندا كافەلەر مەن ساياباقتار سياقتى 20 قالالىق الاڭداردا كورەرمەندەرگە ەۋرازيالىق كينولارمەن تانىسۋعا مۇمكىندىك جاساپ وتىر.
فەستيۆال «ماحاببات» تاقىرىبىندا وتەدى: قوعامدىق ورىنداردا ۇيىمداستىرىلاتىن كينو كورسەتىلىمدەر شەڭبەرىندە «قالاعا دەگەن ماحاببات»، نەگىزگى كونكۋرستىق جانە كونكۋرستان تىس باعدارلاما «كينوعا دەگەن ماحاببات»، شەبەرلىك سىن-ساعاتتارى، پرەسس-كونفەرەنسيالار، دوڭگەلەك ۇستەلدەر، كاسىبي ونەركاسىپ وكىلدەرىمەن كەزدەسۋلەر وتكىزىلىپ تۇرادى.
كينوفەستيۆالدىڭ اشىلۋىندا وڭتۇستىك كورەي رەجيسسەرى يون سان-حونىڭ «پوەزد ۆ پۋسان» ٴفيلمى كورسەتىلدى.
قازاقستان مەن ورتا ازيا فيلمدەر باعدارلاماسىن قوسقاندا، كينوفەستيۆال باعدارلاماسىندا الەمنىڭ تۇكپىر-تۇكپىرىنەن جينالعان 100-دەن استام جۇمىستار قاتىسادى. تولىقمەتراجدى تۋىندىلار كونكۋرسىمەن قاتار قىسقامەتراجدى فيلمدەردىڭ دە كونكۋرسى بولادى. سونىمەن قاتار ٴبىرىنشى رەت ٴار جانرداعى اراب فيلمدەرى كورسەتىلەدى. بىلتىرعى جىلعى ٴداستۇر بويىنشا باعدارلامادا دەرەكتى فيلمدەر مەن بالالارعا ارنالعان فيلمدەر ۇسىنىلادى. ەڭ ۇزدىك دەرەكتى فيلم وراز ابىشەۆ اتىنداعى جۇلدەنى، ال ۇزدىك بالالار ٴفيلمى ابدۋللا كارساكبايەۆ اتىنداعى جۇلدەنى يەلەنەدى.
قازاق فيلمدەرىمىزدەن ٴادىلحان ەرجانوۆتىڭ «چۋما ۆ اۋلە كاراتاس»، جاننا يسابايەۆانىڭ «بوپەم»، يگور پيسكۋنوۆتىڭ «راز ۆ نەدەليۋ» تۋىندىلارى فەستيۆال باعدارلاماسىندا كورسەتىلەدى.
ارينە، قازاق تۋىندىلارىنان 3 ٴفيلمنىڭ عانا كورسەتىلۋى وكىنىشتى-اق. بۇل دا بولاشاقتا ايتىپ جۇرەتىن نارسە.
ال 2011 جىلدان باستاپ جۇمىس جاسايتىن «باستاۋ» فەستيۆالىنىڭ ماقساتى — حالىقارالىق ىنتىماقتاستىق جانە ەۋروپا مەن ازياداعى جاس كينەماتوگرافيستەردىڭ تاجىريبە الماسۋى. قازان ايىندا وتكەن «باستاۋ» كينوفەستيۆالى – كينو سالاسىنداعى جاس دارىندارعا جانە ستۋدەنتتەرگە جول اشارى حاق. بۇل فەستيۆالگە دە الەمنىڭ تۇكپىر-تۇكپىرىنەن كەلگەن تۋىندىلار قاتىستى.
جىل سايىن وتكىزىلەتىن فەستيۆالدەردە كينو سالاسىنداعى ماماندار باس قوسىپ، جاڭا قازاق تۋىندىلارى كورسەتىلىپ، قازاق كينوسى دامي تۇسەدى. ٴار بايقاۋدىڭ ٴوزىنىڭ ماقساتى مەن ەرەكشەلىكتەرى، باعدارلامالارى بولادى، وتكىزىلىپ جاتقان كينوفەستيۆالدەردىڭ ۇقساستىعى جاس ماماندارعا جانە ستۋدەنتتەرگە وي مەن پىكىر الماسىپ، تاجىريبە جيناپ، بىلىكتىلىگىن ارتتىرۋعا مۇمكىندىك بەرەدى. سوندىقتان قازاقستان ٴۇشىن، كينەماتوگرافيستەر مەن جاس ماماندار ٴۇشىن بۇل فەستيۆالدەردىڭ ماڭىزى زور.
ٴفيلمنىڭ باعىن كىم اشادى؟ ٴبىزدى وسى ماسەلە تولعاندىرادى.


ماريا پيلتان
ت.جۇرگەنوۆ اتىنداعى قازاق ۇلتتىق
ونەر اكادەمياسىنىڭ 2-كۋرس ستۋدەنتى.

urker.kazgazeta.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي