BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەرەرىم ٴالى كوپ...(«سارىارقا سامالى» گازەتى)

فوتو: saryarka-samaly.kz

ٴبىزدىڭ ورتامىزدا بار عۇمىرىن تەاترعا ارناعان جاندار از ەمەس. سولاردىڭ ٴبىرى - جۇماحان دوسپايەۆ. ول - بۇگىندە ايماقتاعى قارا شاڭىراق - ج.ايماۋىتوۆ اتىنداعى قازاق مۋزىكا-دراما تەاترىنداعى جاستاردىڭ اقىلشىسىنا اينالعان جان، دەپ جازادى «سارىارقا سامالى» گازەتى.

پاۆلوداردا العاش 1990-شى جىلدارى قازاق تەاترى قۇرىلعان شاقتا ەلىمىزدىڭ ٴار وڭىرىنەن اكتەرلىك ماماندىقتى بىتىرگەن تالاي جاس ٴارتىس ەرتىس-بايان جەرىنە اعىلدى. سولاردىڭ قاتارىندا جۇماحان دوسپايەۆ تا بولدى. ول كەزدى بىلاي دەپ ەسكە الادى:

«ونەر دەگەن مۇحيتتا جەلكەنىمىزدى تىكتەپ سوناۋ تالدىقورعان قالاسىنان كيەلى ەرتىس-بايان وڭىرىنە 1990 جىلدىڭ 2 قىركۇيەگىندە كەلدىك. جاڭادان قۇرىلعان جاس وتباسىمىز، «پاۆلودار وبلىسىندا قازاق تەاترى اشىلىپتى، كەلگەن ارتىستەرگە پاتەر بەرەدى ەكەن» دەگەن ٴسوز قۇلاعىمىزعا مايداي جاققانى راس. ۇلكەن ٴۇمىت ارقالاپ، تۋعان اۋىلىنان جىراقتاپ كەلگەن جاستاردى سول كەزدە پاۆلودارلىقتار جاتسىنبادى. قۇشاعىن اشا قارسى الىپ، ۋادە ەتكەن باسپاناسىن دا بەردى. بۇگىندە ونەردىڭ ورىندە، تەاتردىڭ تورىندە جۇرگەنىمىز سونىڭ ارقاسى بولار. تەاتر شىمىلدىعى م.اۋەزوۆتىڭ «ايمان-شولپان» مۋزىكالىق كومەدياسىمەن اشىلدى. وسى قويىلىمدا مەن باستى كەيىپكەردىڭ ٴبىرى ارىستاننىڭ ٴرولىن سومدادىم. مىنە، سودان بەرى جاستىڭ دا، كارىنىڭ دە وبرازدارىن بەينەلەپ كەلەمىن، - دەدى قر مادەنيەت قايراتكەرى جۇماحان دوسپايەۆ.

«تەاتر دايىن دراماتۋرگيانى قويىپ بەرۋ ٴۇشىن ەمەس، ونداعى وقيعالاردىڭ نەگە ولاي بولعانى جايىندا ويلانۋ ٴۇشىن كەرەك»، - دەگەن ەكەن جاپوندىق رەجيسسەر تاداسي سۋدزۋكي. بۇل رەتتە اكتەر ج.دوسپايەۆ ٴوزىنىڭ ۇزاق جىلعى تاجىريبەسىن رەجيسسەرلىك قىرىنان دا سىناپ كورۋدى ٴجون ساناپتى. ول بەلگىلى دراماتۋرگ تىنىمباي نۇرماعامبەتوۆتىڭ «تابالدىرىعىڭا تابىن» دراماسىن ساحنالاپ، كورەرمەنمەن قايتا قاۋىشتىردى. ەندى ونەر يەسى ٴدال وسى قويىلىممەن تۋعان جەرى تالدىقورعان قالاسىنا بارىپ كەلۋدى جوسپارلاپ وتىر.

«بۇل قويىلىم ٴبىزدىڭ تەاتردا 90-شى جىلداردىڭ سوڭىنا قاراي قويىلعان. سول كەزدە مەن تولاسبايدىڭ ٴرولىن سومداعان ەدىم. ۋاقىتتىڭ وتكەنىن سودان-اق كورۋگە بولادى. 25 جىلدان كەيىن مەن سول تولاسبايدىڭ اكەسى جوكەندى ويناپ وتىرمىن. ال بۇل درامانى تاڭداپ الۋداعى ماقساتىما توقتالاتىن بولسام، مۇندا قوزعالاتىن ماسەلە ٴبىزدىڭ قوعامدا بار. جاستارىمىزدىڭ ٴبارى قالاعا، قالانىڭ تىرلىگىنە اسىعادى. بۇل جەردە تۋعان جەر، اتا-انا مەن بالانىڭ بىر-بىرىنە دەگەن بايلانىسى، ۇلكەن ماحاببات جاتىر. ەندى ٴوزىم تۋعان جەرىم تالدىقورعاننان پاۆلودارعا كوشىپ كەلگەنىمە دە ٴبىرشاما ۋاقىت بولدى. ول جاقتا دا مەنىڭ تۋعان-تۋىسىم، دوستارىم بار. شىلدە ايىنىڭ باسىندا تۋعان توپىراعىما بارىپ، ٴبىر اۋناپ قايتسام، «تابالدىرىعىڭا تابىن» قويىلىمىن اپارىپ، تۋعان جەرىمە ٴبىر تاعزىم ەتىپ كەلسەم دەگەن جوسپارىم بار»، - دەيدى ونەر يەسى.

ونەر وشاعىنداعى جاس ارتىستەرگە ۇنەمى اعالىق قامقورلىعىن تانىتىپ جۇرەتىن جۇماحان دوسپايەۆ كوبىنە سولاردىڭ دا جاعدايىنا الاڭدايتىنىن ايتادى. سەبەبى، وزدەرى دە العاش پاۆلودار وڭىرىنە «تەاتر، ونەر» دەپ كەلگەندە الدىنان قۇشاق جايىپ قارسى العان حالىق بولدى.

«مەنى ٴقازىر كوبىنە-كوپ تەاترداعى جاستاردىڭ باسپاناسىز جۇرگەنى مازالايدى. ەگەر دە وسى جاستاردى جەكە پاتەرمەن قامتاماسىز ەتسەك، ۇجىمداعى تالاي دارىندى جاستى تەاتردا ۇستاپ قالار ەدىك. ارتىستەرگە ارنالعان جاتاقحانا جوقتىڭ قاسىندا شۇكىر، ٴبىراق ولار قاشانعى تار بولمەدە تۇرا بەرەدى. ونەر ادامى ەركىندىكتى، كەڭدىكتى قالايدى. ساحناداعى وبرازىن ۇتىمدى ٴارى جۇرەككە جەتەرلىكتەي ەتىپ جەتكىزۋ ٴۇشىن ادامنىڭ جاي-كۇيى كەلىستى بولۋى كەرەك. سونىمەن قاتار بىزگە رەسپۋبليكالىق تەاتر- لار فەستيۆالىنەن قالماي قاتىسىپ وتىرۋىمىز كەرەك. بۇل ٴبىزدىڭ جاستارعا ۇلكەن تاجىريبە بەرەر ەدى»، - دەيدى ول.

وزگە ٴۇشىن ۋايىم كەشىپ، ۇنەمى جاستاردىڭ جايىن ويلاپ جۇرەتىن تالانت يەسى الداعى ۋاقىتتا دا پاۆلودارلىق كورەرمەندەرىن جاڭاشىلدىقپەن قۋانتامىن دەپ وتىر.

ق.ٴمۇسايىپ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي