BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقشى اتادان قورقىت كەسەنەسىنە دەيىن

جۋىردا اۋداندىق ىشكى ساياسات ٴبولىمىنىڭ تاپسىرىسى بويىنشا «ٴۇمىت» مۇگەدەكتەر قوعامدىق قورىنىڭ ۇيىمداستىرۋىمەن مۇمكىندىگى شەكتەۋلى ازاماتتار قورقىت اتا كەسەنەسىنە بارىپ، زيارات جاساپ قايتتى.

جۇما كۇنى ۇيىمداستىرىلعان ساپارعا ەكى قوعامدىق كولىك تارتىلىپتى. جول- جونەكەي مۇمكىندىگى شەكتەۋلى جانداردىڭ دەنساۋلىعىن باقىلاۋ ٴۇشىن مەديسينا سالاسىنىڭ ماماندارى ارنايى ەرگەن. سونداي-اق، پوليسيا قىزمەتكەرلەرى شيەلىدەن شىققاننان قارماقشىعا بارىپ قايتقانشا جولباسشى بولىپ وتىردى. ساپار بارىسى الدىمەن جەتى اۋليە بايىز تاپقان «وقشى اتا» مازاراتىنان باستاۋ الدى. كيەلىلەر ورداسىنداعى «ەسابىز اتا» مەشىتىندە ارۋاقتارعا ارنالىپ قۇران وقىلدى. سونان سوڭ قايتا جولعا شىققان ساياحاتشىلار قارماقشى اۋدانىندا ورنالاسقان «قورقىت اتا» كەسەنەسىنە ات باسىن بۇردى.

ەكى ارادا 3-4 ساعاتتىق جولدىڭ جاتقانىن تىلگە تيەك ەتكەن ٴجون. جەتكەنشە جولدىڭ جاعاسىنان ٴتۇرلى اسەرلى دە اسەم تابيعاتتى تاماشالاۋعا بولادى. داندەرىن كتەرە الماي باستارى ٴيىلىپ تۇرعان كۇرىشتىڭ سارعىش تارتقان ٴتۇرى قوڭىر كۇزدىڭ كەلگەندىگىنەن حابار بەرىپ تۇر. ديقاندار قاۋىمى الا جازدايعى ەڭبەكتىڭ ناتيجەسىن كورۋ ٴۇشىن بەرەكەلى ٴنىمدى بىرلىكپەن جيناۋ ۇستىندە ەكەن. سارى التىنداي جالت-جۇلت ەتكەن سىر سالىسىن ورىپ جۇرگەن كومباين جازىق دالادا جۇزەتىن كەمە سەكىلدى. ال، كۇرىشتى تاسىپ جۇرگەن ماشينالار ەڭبەككەرلەردىڭ بايلىعىن قىرمانعا اپارادى.

بۇل كەرەمەتتى سوزبەن رنەكتەپ، تىلمەن ايتىپ جەتكىزۋ قيىن. شيەلىدەن شىققاننان قارماقشىعا جەتكەنشە ەڭ اسەرلى كورىنىس وسى بولدى مەن ٴۇشىن. وسىلاي سىر كۇرىششىلەرىنىڭ جۇمىسىنا تاڭعالىپ كەلە جاتقاندا الىستان مەن مۇندالاپ «قورقىت اتا» كەسەنەسى كورىندى. جولدىڭ ەكىنشى بەتىندە قوناق ٴۇي، ٴدامحانا، جانارماي بەكەتى بوي كوتەرگەن. اتالمىش كەسەنە 2014 جىلى ەلباسىنىڭ باستاماسىمەن قايتا جاڭعىرتۋدان ٴتىپتى. كىرە بەرىستە مۋزەي ورنالاسقان. مۇندا كۇللى تۇركى قاۋىمىنا ورتاق تۇلعا سانالاتىن قورقىت اتانىڭ ٴومىرى جايلى مالىمەت الۋعا بولادى. وندا تاريحي جادىگەرلەردىڭ قاتارىن تولىقتىرىپ تۇرعان بىرنەشە باعا جەتكىسىز ەكسپوناتتار بار. ٴسال جوعارى كوتەرىلسەڭ قوبىزدىڭ ٴۇنى جەلدەي ٴۇرىپ قۇلاققا كەلەدى. كەسەنەنىڭ تمەنگى جاعىندا تىلەۋحانا ورنالاسقان. مۇندا كەلۋشىلەر اللاعا سيىنىپ ٴتاۋ ەتىپ، اشىق اسپاننىڭ استىندا وسىنشاما كەرەمەتكە ورىن بەرگەن قۇدىرەت يەسىنە ەرىكسىز باس يەدى. وسى كۇنگى ساپارعا شىققان مۇمكىندىگى شەكتەۋلى ازاماتتار العان اسەرلەرىن كوپكە دەيىن ايتىپ جۇرەتىنى ٴسوزسىز.

ازيز باتىربەكوۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي