BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كورشىلەر جاراسىمىن كورسەتتى

فوتو: Елдар Жақыпбек

ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا وبلىستىق ارداگەرلەر ۇيىمى وكىلدەرىنىڭ قاتىسۋىمەن اۋداندىق مادەنيەت ۇيىندە «اتا-بابا ٴداستۇرى – ۇرپاققا امانات» باعدارلاماسى بويىنشا «جاراسىمدى كورشىلەر – سەنىمدى ارىپتەستەر» اتتى اكسيا ٴوتتى. اۋداندىق انالار كەڭەسى ۇيىمداستىرعان شاراعا اۋىل-اۋىلدان قاريالار كەلدى.
مادەنيەت ٴۇيىنىڭ كىرە بەرىسىندەگى كورمەدە كەلۋشىلەر نازارىنا قولونەر شەبەرلەرىنىڭ تۋىندىلارى ۇسىنىلدى. ونداعى ٴتۇرلى بۇيىمدار «ونەر مەكتەبى» مەن «جاسۇلان» وقۋشىلار ۇيىندە جانە اۋدانداعى ورىس، تۇرىك، ۇيعىر ەتنومادەني ورتالىقتارىندا جاسالعان. كورەرمەن زالىنا اۋدانداعى سەلولىق وكرۋگتەردەن اقساقالدار القالارىنىڭ ٴتوراعالارى مەن ارداگەرلەر باستاۋىش ۇيىمدارىنىڭ مۇشەلەرى جانە جاستار جايعاستى.
مادەني شارا اۋداندىق ٴماسليحاتتىڭ حاتشىسى سايات جۇرىننىڭ قۇتتىقتاۋىمەن باستالدى. اۋداندىق انالار كەڭەسىنىڭ ٴتورايىمى، «اق اجەلەر» فولكلورلىق-ەتنوگرافيالىق حالىق ٴانسامبلىنىڭ كوركەمدىك جەتەكشىسى كۇمىس كەمەلبەكوۆا ۇيىمنىڭ اتقارعان جۇمىسىن باياندادى.
قازاقستان رەسپۋبليكاسىنىڭ مادەنيەت قايراتكەرى، «ەرەن ەڭبەگى ٴۇشىن» مەدالىنىڭ يەگەرى، جامبىل اۋدانىنىڭ قۇرمەتتى ازاماتى كۇمىس كەمەلبەكوۆانىڭ ەڭبەگى ەرەن ەكەنى كوپشىلىككە جاقسى تانىس. حالىقتىڭ ٴسالت-داستۇرىن، ونەرىن ناسيحاتتاۋ ىسىنە مۇرىندىق بولۋدان ەشقاشان تانباعان ول «اق اجەلەر» ٴانسامبلىن قۇرىپ، وعان 30 جىلدان بەرى ۇزدىكسىز جەتەكشىلىك ەتىپ كەلەدى.


اجەلەر توبى ۇلتتىق ونەرىمىزدىڭ اسىلى مەن تۇنىعىن، كوكىرەك تۇكپىرىندە كوزدىڭ قاراشىعىنداي ساقتاپ كەلگەن ادەت-عۇرىپ، ٴسالت-داستۇرىن حالىققا ونەر تىلىندە جەتكىزەدى. ٴتىلىمىز بەن ٴدىنىمىزدى دارىپتەيدى. ٴازيز جۇرەكتى اجەلەر قولونەردى قولعا الىپ، ىسمەرلىكتەرىن دە كورسەتەدى. ونى جاستارعا جالىقپاي ۇيرەتەدى.
بۇل ونەر ۇجىمىنىڭ ٴوڭىردىڭ مادەني-رۋحاني ومىرىندە الار ورنى ايرىقشا.كۇمىس القالى كۇمىس اجە انالار كەڭەسىنىڭ جۇمىسىن دا قۇستىڭ قوس قاناتىنداي قاتار جۇرگىزەدى. ٴوز سوزىندە ۇرپاق تاربيەسىنە نەگىزدەلگەن القالى توپتىڭ اۋدان ورتالىعى مەن اۋىل-اۋىلدا اتقارعان ٴىسىن تارقاتىپ ايتتى.
ساحنادا اۋداندىق انالار كەڭەسىنىڭ ۇيىمداستىرۋىمەن دايىندالعان «كورشى-لەردىڭ كوڭىلىن-اي!» اتتى تەاترلاندىرىلعان قويىلىم كورەرمەن نازارىنا ۇسىنىلدى. وندا كۇمىس اپانىڭ كەلىن ٴتۇسىرۋى وقيعانىڭ نەگىزگى جەلىسى ەتىپ الىنىپ، ونەگەگە تولى كورىنىستەر قويىلىمنىڭ مازمۇنىن بايىتتى. سان ۇلتتىڭ وكىلىنەن تۇراتىن كورشىلەر اراسىنداعى تاتۋلىق، سىيلاسىم، توننىڭ ىشكى باۋىنداي جىلى بايلانىستى وزەك ەتكەن قويىلىم كوپشىلىك كوڭىلىنەن شىقتى. كەلىن ٴتۇسىرۋ قۋانىشىنا ۇيعىر، تاتار، كارىس، وزبەك، تۇرىك، ورىس، ۋكراين كورشىلەر وزدەرىنىڭ ۇلتتىق ان-بيىمەن ورتاقتاسىپ، جاس كەلىنگە يناباتتىلىق توڭىرەگىندەگى اقىل-كەڭەستەرىن ايتتى. سۇرانشى باتىر اۋىلىنان سەرىكباي سابىر ۇلى اقساقال ولەڭمەن باتا بەردى. سوڭىنان قازاقتىڭ «قاراجورعا» بيىنە زالدا كورەرمەن بولىپ وتىرعان اتا-اجەلەر دە ورتاعا شىعىپ بيلەپ، قويىلىمنىڭ شارىقتاۋ شەگى زور قوشامەتپەن اياقتالدى.
وبلىستىق انالار كەڭەسىنىڭ ٴتورايىمى دينا نۇرعاليقىزى، قازاقستان حالقى اسسامبلەياسى جانىنداعى وبلىستىق انالار كەڭەسىنىڭ ٴتورايىمى جامال بايماديەۆا تاعىلىمعا تولى سوزدەرىن ارنادى. ۇرپاق تاربيەسىنە ۇلەس قوسىپ، حالىق شىعارماشىلىعى تۋىن جەلبىرەتىپ جۇرگەن اتا-اجەلەرگە شىن جۇرەكتەن العىس ٴبىلدىرىلدى. اۋداندىق ارداگەر-لەر ۇيىمىنىڭ ٴتوراعاسى قىرعىزبەك اتاگەلديەۆ كوپشىلىككە باتا بەردى.


سەرىك ساتىبالديەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي