BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەسىمى ەل ەسىندە

حالىق اراسىندا «وتكەنسىز بۇگىن جوق، بۇگىنسىز بولاشاق جوق» دەگەن دانا ٴسوز بار. وسى ٴسوزدىڭ ٴتۇپ تامىرىنا ۇڭىلەر بولساق، وتكەنى مەن كەشەگىسىن ۇمىتقان ادامنىڭ بولاشاعى ب ۇلىڭعىر، كەلەشەگى كۇڭگىرت بولارى مەڭزەلەدى. بۇگىنگى ۇرپاق كەشەگى اتا- باباسىن ۇمىتسا، كەلەشەك ۇرپاق بۇگىنگى كۇنگى جانداردى ۇمىتسا، ٴومىردىڭ قانداي ٴمانى بولماق. اتادان قالعان وسيەت پەن ۇلكەن سىيلاۋ، ولگەنگە تاعزىم ەتۋ قاسيەتتەرىن بويلارىنا سىڭىرە وتكەن قازاق بالاسىنىڭ اتا-باباسىن ۇمىتپاي، دۇعا باعىشتاپ اس بەرىپ، تاريحى مەن شەجىرەسىن جەتە ۇعىنىپ، ۇلگىلى، ونەگەلى، بۇگىنگى ۇرپاققا ماقتانا الارلىقتاي حالىق يگىلىگىنە ارناپ اتقارعان ىستەرى بولسا باسپا بەتتەرىنە ٴتۇسىرىپ جاتاتىن جايلارى وسىناۋ ٴسوزدىڭ ٴسوزسىز دالەلى. «ٴولى رازى بولماي، ٴتىرى بايىماستىڭ» تاعى ٴبىر كورىنىسىن كەشەگى كۇنى جايرەم قويناۋىنىڭ يگەرىلۋىنە، جايرەم كومبيناتىنىڭ گۇلدەنۋىنە ٴبىرشاما ۇلەس قوسقان، حالىق جادىندا ەڭبەكقور، تالاپشىل، بىلىكتى كەنشى بولىپ قالعان جانىبەك وتەگەن ۇلى اگەديلوۆتىڭ ۇرپاقتارى اكەلەرىنىڭ و دۇنيەلىك بولعانىنا 20 جىل تولۋىنا بايلانىستى ارنايى قۇران باعىشتاپ، اس بەردى. مىنا كەلىپ جاتقان كاسىبي مەرەكە - مەتاللۋرگ كۇنىندە ەسىمى ەل ەسىندە جۇرگەن، قۇشاعى كەڭ، كوڭىلى جومارت، قويناۋى باي جايرەمنىڭ كوركەيۋىنە ٴوز ۇلەسىن قوسقان كەنشى اعا جايلى ٴبىز دە ٴسوز قوزعاپ كەتپەك ويدا بولدىق. قازىرگى جاستار بىلمەۋى دە مۇمكىن، ال ٴبىراق كومبينات جۇيەسىندە قىزمەت ەتەتىن جانداردىڭ جوعارعى بۋىنىنىڭ بىلمەۋى ەكى تالاي جانىبەك اگەديلوۆ 1932 جىلعى قازان ايىنىڭ التىنشى جۇلدىزىندا ۇلىتاۋ وڭىرىندەگى قاراكەڭگىر جەرىندە دۇنيەگە كەلگەن. 1959 جىلى ۇلىتاۋدا 10 سىنىپتى ٴتامامداپ، الماتى قالاسىنداعى قازاق تاۋ-كەن ينستيتۋتىنا وقۋعا ٴتۇسىپ، 1954 جىلى قولىنا «تاۋ-كەن ينجەنەرى» ماماندىعىن الىپ شىعىپ، العاشقى ەڭبەك جولىن ول كەزدەگى جەزقازعان وبلىسى، جەزدى كەنتىندەگى مارگانەس كەنىشىندە تاۋ-كەن ينجەرلىگىنەن باستاپ، شاحتا باستىعى، باس ينجەنەر، ديرەكتوردىڭ ورىنباسارى قىزمەتتەرىن اتقارادى. 1973 جىلى ق.ي.ساتبايەۆ اتىنداعى كەن بايىتۋ كومبيناتىنىڭ شىعىس كەنىشىنە باس ينجەنەردىڭ ورىنباسارى بولىپ تاعايىندالادى. 1974 جىلدىڭ ناۋرىز ايىنان باستاپ جاڭادان قۇرىلا باستاعان جايرەم تاۋ-كەن كومبيناتىنا ديرەكتوردىڭ ورىنباسارى قىزمەتىنە اۋىستىرىلادى. 20 جىلدان استام ۋاقىت جايرەم وڭىرىندە ەڭبەك ەتىپ، كوپتەگەن جاۋاپتى ىستەر اتقارادى. «سارىارقاتۇستىمەتالل» اق باس ينجەنەرى قىزمەتىنە دەيىن كوتەرىلەدى. جاۋاپكەرشىلىگى جوعارى، تالاپشىل، جاڭاشىل، بىلىكتى مامان بولعان. اتقارعان ەڭبەگى ەلەنىپ، قىزمەتى باعالانعان جانىبەك وتەگەن ۇلى ۇكىمەت تاراپىنان «ەڭبەك قىزىل تۋ» وردەنىمەن، «ەڭبەك ارداگەرى» مەدالىمەن ماراپاتتالعان، ودان بولەك وبلىستىق، قالالىق، اۋداندىق اكىمشىلىكتەردەن، باسشىلاردان العان العىس حاتتارى قانشاما. 10 جاسىنان باستاپ تىلدا ەڭبەك ەتكەنى ٴۇشىن جانە ۇلى وتان سوعىسىنىڭ اياقتالۋىنا 40 جىل تولۋىنا، 50 جىل تولۋىنا بايلانىستى مەدالدارمەن، 1992 جىلى ن.ٴا.نازاربايەۆتىڭ قولى قويىلعان ماقتاۋ قاعازىمەن ماراپاتتالعان. قىزمەت بارىسىندا س.امەنوۆ، م.تورەگەلدين، ا.توقتىبايەۆ، س.اساتوۆ، ا.ٴابدىراحمانوۆ سىندى ەل اعالارىمەن ەتەنە جاقىن ارالاسقان. 7 بالا تاربيەلەپ وسىرگەن جانىبەك وتەگەن ۇلى 64 جاسقا قاراعان شاعىندا اۋىر ناۋقاستان قايتىس بولادى. كەنشى اعا قولى ٴتيىپ، كەنىن يگەرگەن جايرەمنىڭ جەرىنە جەرلەنىپ، ماڭگى مەكەنىن دە ٴوزى يگەرگەن جەر قويناۋىنان تاپقانىنا دا مىنە، 20 جىل بولعان ەكەن. ارتىندا جارى، بالالارى، نەمەرە، شوبەرەلەرى قالعان، يگى ىستەرىمەن حالىق ەسىندە قالعان جانىبەك وتەگەن ۇلى اگەديلوۆتىڭ جاتقان جەرى جايلى، توپىراعى تورقا بولسىن، قىزمەتتەگى بىلىمدىلىگى مەن بىلىكتىلىگى ۇرپاقتارىنا دارىسىن. «ٴوزى ولسە دە، اتى ولمەيتىن» جانداردىڭ ەل ەسىندە قالعان ىستەرىن ٴبىز دە ەشقاشان ۇمىتپايىق.

گاۋھار ناۋرىزبايەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي