BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جولدى جۇرگەن جەڭەدى

تامىز ايىنىڭ العاشقى جەكسەنبىسىندە قازاقستاندا كولىك سالاسىنىڭ قىزمەتكەرلەرى وزدەرىنىڭ كاسىبي مەرەكەسىن اتاپ وتەدى. كۇن سايىن ەلىمىزدىڭ ٴار قالاسىندا كولىك قىزمەتكەرلەرى حالىققا ٴتۇرلى قىزمەت كورسەتەدى، «نۇرلى جول» باعدارلاماسىنىڭ ماڭىزدى جوبالارىن جۇزەگە اسىرادى. ترانسپورتتىق ينفراقۇرىلىمدى دامىتپاي، وسى زامانعى تەلەكوممۋنيكاسيا قۇرالدارىنسىز ونەركاسىپ وسىمىنە قول جەتپەس تۇگىل ادامداردىڭ كۇندەلىكتى قاراپايىم تىرشىلىگىن قامتاماسىز ەتۋدىڭ ٴوزى مۇمكىن ەمەس. مەملەكەت باسشىسى ن.ٴا. نازاربايەۆتىڭ قازاقستان حالقىنا ارناعان جولداۋىنان تۋىندايتىن مىندەتتەردى ويداعىداي جۇزەگە اسىرۋ باعىتىندا بۇل سالادا ٴبىرقاتار اۋقىمدى شارالار جۇزەگە اسىرىلدى. ومىرشەڭ وسىنداي مىندەتتەردى وسكەلەڭ ٴومىر تالابىنا ساي شەشۋدە تەمىر جول جانە اۆتوموبيل ترانسپورتى ايرىقشا ٴرول اتقارادى. اۋدانىمىزدا وتكەن جىلدان بەرى جولاۋشىلار تاسىمالىمەن اينالىسىپ كەلە جاتقان «بايعوجين» جەكە كاسىپكەرلىگىن اتاپ ايتقان ٴجون. «بايعوجين» جك باسشىسى تورەبەك مىرزاتاي ۇلى بايعوجين 2015 جىلدىڭ ماۋ- سىم ايىنان بەرى ٴوزىنىڭ جەكەمەنشىك «گازەل» اۆتوكولىگىمەن اۋدان ورتالىعىندا «بايتەرەك» شاعىن اۋدانى مەن كامسس ارالىعىندا № 9 باعىتتاعى جولاۋشىلار تاسىمالىمەن اينالىسۋدا. ٴى سىنىپتى تاجىريبەلى جۇرگىزۋشى تورەبەك بايعوجين (جوعارعى سۋرەتتە) ٴوزىنىڭ العاشقى ەڭبەك جولىن وتان الدىنداعى اسكەري بورىشىن وتەپ كەلگەننەن سوڭ، 1982 جىلى بۇرىنعى ارىقبالىق اۋدانىنا قاراستى «نوۆوسۆەتلوۆكا» كەڭشارىنىڭ جۇرگىزۋشىسى بولىپ باستايدى. جىلدار وتە كەلە مولىنان تاجىريبە جيناقتاعان جاس جۇرگىزۋشى 1986 جىلداردان باستاپ چيستوپول جولاۋشىلار تاسىمالدايتىن كاسىپورىناندا اۆتوبۋس جۇرگىزۋشىسى بولىپ ىستەيدى. جىلدار وتە كەلە 2000 جىلدا- رى «ساۋمالكول اۆتوترانسس» جشس-نە اۆتوبۋس جۇرگىزۋشىسى بولىپ اۋىسادى. وسى جىلدار ارالىعىندا تورەبەك مىرزاتاي ۇلى اۋداننىڭ جانە ەلىمىزدىڭ باسقا قالالارىنا جولاۋشىلار تاسىمالدايدى. كۇننىڭ اپتاپ ىستىعى مەن قاقاعان بوراندى جانە ايازدى قىستارىندا تالاي شاقىرىم جولداردى ارتتا قالدىردى. وسىنداي قيىن دا ٴارى جاۋاپتى كەزەڭدەردە شىڭدالعان تاجىريبەلى جۇرگىزۋشى 2003 جىلدارى نوۆوسۆەتلوۆكا-ساۋمالكول باعىتىندا ٴوزىنىڭ جەكە اۆتوبۋس باعىتىن اشىپ، حالىققا قىزمەت كورسەتۋمەن اينالىسادى. 2009 جىلداردان اۋداننىڭ ٴبىلىم بولىمىندە «گازەل» شاعىن اۆتوكولىگىمەن وقۋشىلار مەن ۇستازدار قاۋىمىن دا ٴتۇرلى ٴىس-شارالارعا تاسىمالداۋدا ٴوزىنىڭ تاجىريبەلى شەبەرلىگىن تانىتادى. مىنە، وسىنداي جۇرگىزۋشىلىك ٴومىر مەكتەبىنەن وتكەن كەيىپكەرىمىز قازىرگى ۋاقىتتا ساۋمالكولدە № 9 باعىتتا اۋدان تۇرعىندارىنا قىزمەت كورسەتۋدە. اۋدانىمىز بويىنشا كەلەسى ٴبىر سالالى ٴارى ماڭىزدى بايلانىستىڭ ٴبىرى – ول تەمىر جول بايلانىسى. كاسىبي مەرەكە قارساڭىندا ۆولودار ستانسياسىنىڭ باستىعى الماس زايىت ۇلى كەنجەكەەۆكە دە جولىعىپ، اۋدانىمداعى تەمىر جول تورابىنىڭى تىنىس-تىرشىلىگىمەن وي ٴبولىسۋدى سۇراعان ەدىك. الماس زايىت ۇلىنىڭ ايتۋى بويىنشا ۆولودار تەمىر جول ستانسياسىندا ەنەر- گەتيكتەر، بايلانىس، ترانسستەلەكوم، لوكوماتيۆ دەپو-سى، ۆاگون قىزمەتى، تەمىر جول بريگاداسى سىندى قىزمەتتەر جۇمىس ىستەيدى. بۇل قىزمەتتەرمەن قاتار تەمىر جول ۆوكزالىندا بيلەت كاسساسى، جۇك كاسساسى قىزمەتتەرىمەن قوسا ەڭ ماڭىزدى، جاۋاپتى ماماندار - لوكوماتيۆ ماشينيستەرى قاجىرلى قىزمەت اتقارۋدا. تەمىر جول ستانسياسى باسشىسىنىڭ ايتۋىنشا ۇستىمىزدەگى جىلدىڭ التى ايىندا ۆولودار تەمىر جول ستانسياسىنىڭ جارتىجىلدىق كورسەتكىشتەرىنىڭ وتە جوعارى ەكەندىگى بايقالادى. وسى ۋاقىت ارالىعىندا 828 ۆاگون تيەلىپ جونەلتىلگەن. ال تۇسىرىلگەن 480 ۆاگوننىڭ ٴ250-ى كومىر، 190-ى جانار-جاعار ماي، 29-ى قۇرىلىس زاتتارى، ٴ7-ۋى مينەرالدى تىنايتقىشتار جانە 4 ۆاگون ٴارتۇرلى زاتتار. تەمىر جول سالاسىندا كوپ جىلدار بويى قاجىرلى ەڭبەك ەتىپ كەلە جاتقان جۇك كاسساسىنىڭ باس كاسسيرى ەلەنا ميليۋتينانى، ەچك-31 بريگاداسىنىڭ باستىعى ورال قۇتتىبايەۆتى، تەمىر جول مانتەرى ومىربەك جازبايەۆتى، ماشينيستەر تۇرسىن قوجاحيموۆ پەن پەتر گاليمبوۆسكيييلەردى، ۆاگون شەبەرى پەرت ەرەمەنكونى، باس ەلەكترومەحانيك ٴسابيت قوسجانوۆتى جانە جاس مامان، جۇك باگاجىن تاراتۋشى، تەمىرجولشىلار اراسىندا وتكەن ٴازىل-سىقاق كلۋبىنىڭ قاتىسۋشىسى ەرجان جا- ناليەۆتاردى اتاپ وتكەن ٴجون. سونىمەن قاتار جىل سايىن كولىك قىزمەتكەرلەرى كۇنى قارساڭىندا وتكىزىلەتىن سپورتتىق فۋتبول جارىسىنا دا ٴبىزدىڭ ۆولودار ستانسياسىنىڭ قىزمەتكەرلەرى دە قاتىسىپ، جۇلدەلى ورىندارمەن ورالۋدا. ستانسيا باسشىسىنىڭ ايتۋىنشا تەمىرجولشىلار ۇدايى تەمىر جول سالاسىنىڭ ارداگەرلەرىن دە نازاردان تىس قالدىرعان ەمەس. جىلسايىنعى قارتتار كۇنى، كاسىبي مەرەكەلەردە ولاردى قۇرمەتتەپ قوشەمەت كورسەتۋ – ٴبىزدىڭ باستى پارىزىمىز دەيدى الماس زايىت ۇلى. كولىك تىزگىندەگەن بۇل ازاماتتاردىڭ جۇمىسى ماڭىزدى، قيىن ٴارى وتە جاۋاپتى. وڭىردە جۇرگىزۋشى، مەحانيك، ديسپەتچەر، ماشينيست جانە پيلوت سىندى مىڭداعان ادام كۇن سايىن تۇرعىندارعا قىزمەت كورسەتەدى. ٴبىز دە كاسىبي مەرەكە قارساڭىندا اۋداننىڭ بارلىق كولىك قىزمەتكەرلەرى سالاسىنداعى قاجىرلى ەڭبەك ەتىپ جۇرگەن جانە وسى سالانىڭ ارداگەرلەرىن كاسىبي مەرەكەلەرىمەن قۇتتىقتاپ، ولاردىڭ ەڭبەكتەرىنە جەمىس، وتباسىنىڭ باقىتىن تىلەيمىز!

باعلان قوجاقوۆ. سۋرەتتەردى تۇسىرگەن اۆتور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي