BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەتىمدى جەبەگەن كاسىپكەرلەر

كاسىپكەر كەلىنشەكتەر قايىرىمدىلىق شاراسىنا بەلسەنە ارالاسۋدا. ولاردىڭ دەمەۋشىلىگىمەن ايماعىمىزداعى كوپبالالى وتباسىلار مەن از قامتىلعان جانۇيا وقۋشىلارىنا كيىم-كەشەك پەن مەكتەپكە قاجەتتى قۇرال-جابدىقتار سىيعا تارتىلدى. ەل تاۋەلسىزدىگىنىڭ 25 جىلدىعى قۇرمەتىنە قاراعاندى وبلىستىق ىسكەر ايەلدەر قاۋىمداستىعىنىڭ مۇشەلەرى 25 وتباسىنا كومەك كورسەتۋدى باستاپ كەتتى. ٴبىر ەرەكشەلىگى، قامقورلىققا ٴزارۋ بالالاردىڭ بارلىعىنىڭ باسىن قوسىپ، ساۋدا ورىندارىنا اپارىپ، كەرەگىن وزدەرىنە تاڭداتىپ الدى. سومكە وقۋعا قاجەتتى قۇرال- جابدىققا لىق تولى. زاتتاردىڭ دا ساپاسى جوعارى. ولاردان كومەك العانداردىڭ ٴبىرى – جانار جۇماقايەۆا. جالعىزباستى انا ەكى بالا تاربيەلەپ وتىر. ٴبىرى جوعارى وقۋ ورنىندا، ەكىنشىسى مەكتەپتە وقيدى. كاسىپكەرلەر كومەگىنىڭ ارقاسىندا ونىڭ بالالارى وقۋعا قاجەتتى قۇرال-جابدىقتارمەن تولىق قامتىلدى. «مەكتەپكە جول» قايىرىمدىلىق اكسياسى 1 تامىز بەن 30 قىركۇيەك ارالىعىندا وتكىزىلەدى. ىسكەر ايەلدەر قاۋىمداستىعىنىڭ قاراعاندى وبلىستىق فيليالى بالالاردىڭ 1 قىركۇيەككە ساقاداي ساي ازىرلىكپەن بارۋىنا جاعداي جاساپ، زاتتاردىڭ ٴبارىن 30 تامىزعا دەيىن تاپسىرىپ ۇلگەرۋدى جوسپارلاپ وتىر ■


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي