BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جازۋشى جەرلەستەرىمىز جايلى كينو ٴتۇسىرىلدى

«قازاقستان» رترك اق شىعارماشىلىق توبى، ياعني، قۇرامىندا تانىمال رەجيسسەر، قر مادەنيەت قايراتكەرى يسمايل بوتاگوز نۇرمۇحامەتقىزى، پروديۋسەرى، قر جۋرناليستەر وداعىنىڭ مۇشەسى، اقىن اسىلبەك جاڭىل جانە تەلەوپەراتور ىنتىماقباي ۇلى مۇرات كاتونقاراعاي وڭىرىندە ٴبىر اپتاداي ۋاقىت بولىپ، «جارقىن بەينە» باعدارلاماسى بويىنشا جۇمىس ىستەدى. ولار جازۋشى جەرلەستەرىمىز قر مەملەكەتتىك سىيلىعىنىڭ يەگەرى قاليحان ىسقاقوۆ پەن حالىقارالىق الاش سىيلىعىنىڭ يەگەرى ديداحمەت ٴاشىمحانوۆتىڭ تۋىپ-وسكەن جەرى، شىققان اۋلەتى جايلى دوكۋمەنتالدى كينو ٴتۇسىرىپ، قالامگەرلەردىڭ تۋعان-تۋىسقاندارىمەن، جاقىن دوستا- رىمەن، ەل ازاماتتارىمەن كەزدەسىپ سۇحباتتاستى. توپقايىڭ ورتا مەكتەبىندە قالاعاڭا جەرلەستەرى قويعان ەسكەرتكىش كەۋدە ٴمۇسىندى، وعان ارنالعان مۇراجايدى تاماشالادى.

شىڭعىستاي مەكتەبىندە بولعان كەزدەرىندە مەكتەپ ديرەكتورى توتىقۇس كاسەنۋاليەۆا قوناقتارعا مەكتەپتىڭ كەلەسى جىلى تولعايى وتىرعان 110 جىلدىق تاريحى جايلى اڭگىمەلەدى، قازاق ٴتىلى مەن ادەبيەتى ٴپانىنىڭ ٴمۇعالىمى گۇلنار قايسەنوۆا وسى مەكتەپتىڭ تۇلەگى ديداحمەت ٴاشىمحانوۆقا ارنالعان سىنىپتى كورسەتىپ، ول تۋرالى ەستەلىگىن ايتتى. الماتىلىق شىعارماشىلىق توپ وسى مەكتەپتەگى ەسىمجومارت كاسەنۋاليەۆ، قابدراحمان دۇزبايەۆ، ٴزابيلا الپىسوۆا، ساككو قاشقىنبايەۆ سىندى مەكتەپكە، اۋىلعا ەڭبەگى سىڭگەن تۇلعالارعا ارنالعان سىنىپتاردى دا ارالاپ كورىپ، مەكتەپ ۇجىمىنىڭ جۇمىسىنا وڭ باعالارىن بەردى. ولاردىڭ مەكتەپتى ۇستاۋداعى، وقۋشىلارعا تاربيە بەرۋدەگى بۇل جۇمىستارىن وزگەلەرگە ناسيحاتتاۋعا تۇرارلىق دەپ باعالادى. بۇدان كەيىن كينوگەر- لەر «بەرەل» قورىمىندا بولىپ، وندا ەڭبەك ەتىپ جاتقان ارحەولوگ-عالىم زەينوللا ساماشەۆپەن سۇحباتتاسىپ، «كەلبەت» باعدارلاماسىمەن جۇمىس ىستەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي