BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جارناما جونگە كەلسىن!

جارناماداعى جارىمجان قازاق ٴتىلىنىڭ ماسەلەسى وڭ شەشىمىن تاپتى. مادەنيەت جانە سپورت مينيسترلىگىنىڭ ماماندارى بۇدان بىلاي كاسىپكەرلەرگە جارناما ماتىندەرىن تەگىن اۋدارىپ بەرۋگە دايىن ەكەنىن مالىمدەدى. قىركۇيەك ايىنىڭ ورتا شەنىندە emle. kz، tilalemi.kz سايتتارى اشىلعان بولاتىن. بۇل سايتتاردا «ماماننىڭ كومەگى» دەگەن ارنايى ٴبولىم بار. كاسىپكەرلەر وزدەرىنە قاجەتتى ٴماتىندى سول بولىمگە جىبەرۋلەرىنە بولادى. ول ٴماتىندى ٴتىل ماماندارى اۋدارىپ، ورفوگرافيالىق، ستيلدىك قاتەنىڭ بار-جوعىن تەكسەرەدى.

دايىن بولعان نۇسقانى كاسىپكەرگە جىبەرەدى. وسى ارقىلى كوشەدەگى قازاقشا جازۋلاردىڭ ساپاسىن ارتتىرۋعا كۇش سالادى. تاعى ٴبىر ايتا كەتەرلىگى – ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق كوورديناسيالىق-ادىستەمەلىك ورتالىعىنىڭ ماماندارى تەك اۋدارمامەن عانا شەكتەلىپ قالمايدى. ولار كاسىپكەرلەرگە جارناما ٴماتىنىن دە جازىپ بەرەدى. ارينە، اقىسىز. بۇل تۋرالى ورتالىق ديرەكتورىنىڭ كەڭەسشىسى ورازكۇل اسانعازى مالىمدەدى. «ٴبىز اۋدارمانىڭ نە ەكەنىن ۇمىتۋىمىز قاجەت. ەگەر دە بىزگە بولاشاقتا كاسىپكەر قازاق تىلىندە جارناما ٴماتىنىن قۇراستىرۋ تۋرالى وتىنىشپەن كەلسە، ٴبىز ونى ورىنداۋعا دايىنبىز. ال ەگەر كاسىپكەر ٴبىزدىڭ سايتقا وعان بەلگىلى ٴبىر تاۋارعا قازاق تىلىندەگى جارناما ٴماتىنىن دايىنداۋ قاجەتتىگى جايلى جازسا، ول جۇمىستى تەگىن ورىندايمىز. باستىسى، حابارلاما جىبەرۋشى ٴوز تاۋارىن سيپاتتاپ بەرۋى قاجەت. سوسىن ٴبىز جارناما ٴماتىنىن قازاق تىلىندە جازامىز»، – دەدى ورازكۇل اسانعازى ■


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي