BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق ۆاليۋتا ۇلىقتالدى

ەلدىڭ ەكونوميكالىق تاۋەلسىزدىگىن كورسەتەتىن باستى بەلگىلەردىڭ ٴبىرى – ٴتول ۆاليۋتاسى. بۇل بۇلجىمايتىن قاعيدا دەۋگە بولادى. تاۋەلسىزدىكتىڭ شيرەك عاسىرلىق تويىنىڭ قارساڭىندا ەلوردادا ٴتول تەڭگەمىز اينالىمعا ەنگىزىلگەن كۇننىڭ ٴمان-ماعىناسىن اشىپ، ۇلتتىق ۆاليۋتامىزدى ۇلىقتاعان القالى جيىن ٴوتتى. وسى كونفەرەنسيادا ۇلتتىق بانك ٴتوراعاسى دانيار اقىشەۆ تاۋەلسىزدىكتىڭ 25 جىلدىعىنا ارنالعان 10 مىڭدىق كادەسىيلىق بانكنوتتى جانە مونەتانى جۇرت نازارىنا ۇسىندى. – ەلباسى ۇسىنعان «ماڭگىلىك ەل» يدەياسىنىڭ مىزعىماس نەگىزدەرىنىڭ ٴبىرى – ۇلتتىق بىرلىك، بەيبىتشىلىك جانە كەلىسىم. بارشامىزدىڭ وتانىمىز ٴبىر، تاعدىرىمىز ٴبىر. بۇگىن سىزدەردىڭ نازارلارىڭىزعا ۇسىناتىن ەستەلىك مونەتاعا وسى يدەيا نەگىز بولدى. تاۋەلسىزدىك تاريحى – مەملەكەت باسشىسىنىڭ تاريحىمەن تىعىز بايلانىستى. سول سەبەپتى، ۇلتتىق بانك تاۋەلسىزدىكتىڭ 25 جىلدىعىنا ارنالعان، ەلىمىزدىڭ دامۋىنا پرەزيدەنتتىڭ قوسقان ۇلەسىن بەينەلەيتىن مەرەيتويلىق بانكنوتتى نازارلارىڭىزعا ۇسىنادى،– دەدى دانيار اقىشەۆ. بانكنوتتى تانىستىرۋ سالتاناتىندا ايتىلعانداي، ون مىڭدىق كۋپيۋرادا ساقتار داۋىرىنەن بۇگىنگى كۇنگە دەيىنگى تاريح جيناقتالعان. قازاقستاننىڭ كارتاسى ەل حالقىنىڭ ورتاق ٴۇيى رەتىندە كورسەتىلگەن. قازاق ەلى مونۋمەنتىندەگى سامۇرىق قۇس وتكەن كۇن مەن بۇگىننىڭ ساباقتاستىعىن بەينەلەيدى. مەرەيتويلىق كۋپيۋرا پرەزيدەنتىمىزدىڭ ەل دامۋىنا سىڭىرگەن ەرەن ەڭبەگىنىڭ كورىنىسىن بەينەلەۋگە باعىتتالعان. بارشا قازاقستاندىققا تاماشا سىي «نۇر وتان» پارتياسى ٴتوراعاسىنىڭ ٴبىرىنشى ورىنباسارى مۇحتار قۇل- مۇحاممەدتىڭ ۇندەۋى ۇلتتىق بانكنوتتاردا سول ەلدىڭ نەگىزىن قالاعان دارا تۇلعالاردىڭ، تۇڭعىش پرەزيدەنتتەر مەن كورنەكتى مەملەكەت قايراتكەرلەرىنىڭ بەينەلەنۋى الەمدىك تاجىريبەدە كەڭىنەن تارالعان ٴۇردىس. اسىرەسە، بۇل مەملەكەتتەردىڭ قالىپتاسۋى مەن دامۋ تاريحىندا ماڭىزدى ٴرول اتقارعان باسشىلارعا ەرەكشە قاتىستى. الەم تاريحىندا بۇعان مىسال بولاتىن دەرەكتەر وتە كوپ. ماسەلەن، اقش دوللارىندا وسى ەلدىڭ تۇڭعىش پرەزيدەنتى دجوردج ۆاشينگتونمەن بىرگە سول مەملەكەتتى باسقارعان اۆراام لينكولن، توماس دجەففەرسون، ەندريۋ دجەكسون جانە ۋليسس گرانتتىڭ پورترەتتەرى بەينەلەنگەن. سونداي-اق، وتكەن جىلى سينگاپۋر رەسپۋبليكاسىنىڭ تۇڭعىش پرەمەر-مينيسترى، ۇلى رەفورماتور لي كۋان يۋدىڭ بەينەسىمەن جاڭا سينگاپۋر دوللارى جارىققا شىقتى ٴبىر اي بۇرىن عانا ۇلىبريتانيانىڭ كورنەكتى پرەمەر-مينيسترى ۋينستون چەرچيللدىڭ پورترەتىمەن جاڭا اعىلشىن فۋنت ستەرلينگى اينالىمعا ەندى. سول سياقتى تۇرىك ليراسىندا تۇركيانىڭ تۇڭعىش پرەزيدەنتى مۇستافا كەمال اتاتۇرىك بەينەلەنسە، وڭتۇستىك افريكا رەسپۋبليكاسىنىڭ بانكنوتىندا اتى اڭىزعا اينالعان قايراتكەر نەلسون ماندەلانىڭ سۋرەتى باسىلعان. يزرايل شەكەلىندە دە سول ەلدىڭ تۇڭعىش پرەزيدەنتى حايم ۆەيس- مان مەن ٴبىرىنشى پرەمەر-مينيسترى داۆيد بەن-گۋريوننان باستاپ مەملەكەتتىڭ حح عاسىردا ٴومىر سۇرگەن كوپتەگەن باسشىلارى بەينەلەنگەن. ال مەكسيكا پەسوسىندا قازىرگى زامانعى مەكسيكانىڭ نەگىزىن قالاۋشى تۇلعا دون بەنيتو حۋارەستىڭ پورترەتى باسىلعان. جالپى، مۇنداي ٴداستۇر كۋبا، ٴۇندىستان، مالايزيا، چەحيا، چيلي، كانادا سياقتى ەلدەردىڭ دە تاجىريبەسىندە بار. سوندىقتان قازاقستان تاۋەلسىزدىگىنىڭ 25 جىلدىعىندا ٴبىزدىڭ دە وسىناۋ بۇكىلالەمدىك ترەندكە قوسىلۋىمىزدى زاڭدىلىق دەپ سانايمىن. مەن ۇلتتىق بانكتىڭ ەلباسى پورترەتىن جاڭا قازاقستاندىق بانكنوتقا بەينەلەۋ تۋرالى شەشىمىن تولىعىمەن قولدايمىن. سەبەبى، بىرىنشىدەن، نۇرسۇلتان نازاربايەۆ ەشقانداي اسىرەلەۋسىز تاۋەلسىز قازاقستاننىڭ نەگىزىن قالاعان، مەملەكەت قالىپتاستىرۋشى تۇلعا بولىپ تابىلادى. ەكىنشىدەن، ول – رەسپۋبليكامىزدىڭ تۇڭعىش پرەزيدەنتى. ۇشىنشىدەن، بۇكىل حالىق قادىرلەگەن ەلباسى. تورتىنشىدەن، ۇلتتىق ۆاليۋتامىزدى اينالىمعا ەنگىزىپ، وعان تاريحي «تەڭگە» دەگەن اتاۋ بەرگەن دە نۇرسۇلتان ٴابىش ۇلىنىڭ ٴوزى بولاتىن. تاۋەلسىزدىك كەزىندەگى قول جەتكىزگەن بارلىق جەتىستىكتەرىمىز بەن باعىندىرعان بيىكتەرىمىز پرەزيدەنتىمىزدىڭ ەسىمىمەن تىعىز بايلانىستى. شيرەك عاسىردا مەملەكەت باسشىسى الەمدىك ارەنادا قۋاتتى، بەدەلدى ٴارى قارقىندى دامىپ كەلە جاتقان قازاقستاننىڭ جارقىن سيمۆولىنا اينالدى جانە قازاقستاننىڭ دامۋ جولىن كوپتەگەن ەلدەر ۇلگى-ونەگە رەتىندە قابىلدادى. سول سەبەپتى، ەلىمىزدىڭ 25 جىلدىق تورقالى تويى قارساڭىندا مەملەكەتىمىزدىڭ تۇڭعىش پرەزيدەنتى بەينەلەنگەن ۇلتتىق ۆاليۋتانىڭ جارىققا شىعۋىن بارشا قازاقستاندىقتارعا جاسالعان تاماشا سىي دەپ ەسەپتەيمىن. حالقىمىزدىڭ ەلباسىنىڭ ەلىمىزگە سىڭىرگەن ۇلى ەڭبەگىنە لايىقتى قۇرمەت كورسەتىپ، جاڭا بىرەگەي بانكنوتقا قادىرلەي قارايتىنىنا سەنەمىن. ەرتەڭگى كۇنگە ۇمتىلىسىمىزدىڭ نىشانى قازاقستان حالقى اسسامبلەياسىنىڭ تاۋەلسىزدىكتىڭ 25 جىلدىعىنا ارنالعان 10 مىڭدىق كادەسىيلىق بانكنوتتىڭ شىعارىلۋىنا وراي ەل ازاماتتارىنا ۇندەۋى قۇرمەتتى وتانداستار! بۇگىن ٴبىز قازاقستان رەسپۋبليكاسى تاۋەلسىزدىگىنىڭ 25 جىلدىعى قارساڭىندا ٴبارىمىز دە ەرەكشە وقيعانىڭ كۋاگەرلەرى بولدىق. ۇلتتىق بانك ەل تاۋەلسىزدىگىنىڭ 25 جىلدىعىنا ارنالعان بىرەگەي مەرەيتويلىق بانكنوت پەن مونەتالار شىعاردى. ۇلتتىق ۆاليۋتا – تاۋەلسىزدىكتىڭ اجىراعىسىز اتريبۋتتارىنىڭ ٴبىرى. سوندىقتان بارلىق مەملەكەتتەردە ۇلتتىق ۆاليۋتالاردىڭ ديزاينى ەلدىڭ مادەني جانە تاريحي داستۇرلەرى مەن قۇندىلىقتارىنىڭ جۇيەسىن، ونىڭ جەتىستىكتەرى مەن تاريحىنىڭ مەرەيلى ساتتەرىن بەينەلەيدى. تاۋەلسىزدىكتىڭ 25 جىلدىعى – ۇلى دالا ەلىنىڭ ٴبىرتۇتاس حالقى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ٴابىش ۇلى نازاربايەۆتىڭ باسشىلىعىمەن قول جەتكىزگەن جەتىستىكتەرىنىڭ تاريحي قورىتىندىسى. مەرەيتويلىق بانكنوتتا مەملەكەت باسشىسىنىڭ بەينەلەنۋى حالىقتىڭ تۇراقتى جانە وركەندەگەن قازاقستاندى، بولاشاعى ٴبىرتۇتاس ەل قۇرۋداعى ەلباسىنىڭ ايرىقشا رولىنە دەگەن ەرەكشە قۇرمەتىن كورسەتەدى. ٴبىز ۇلتتىق ۆاليۋتا كۇنى بىرەگەي بانكنوتتىڭ شىعارىلۋىن قازاقستان حالقىنىڭ جالپى ازاماتتىق قۇندىلىقتارى نەگىزىندە بىرلىككە قاراي كەزەكتى قادام جاساۋىمىز، تۇراقتىلىق پەن وركەندەۋگە قاراي ۇمتىلىسىمىزدىڭ سيمۆولى ەكەنىنە سەنىمدىمىز. مەرەكەلەرىڭىزبەن، قۇرمەتتى وتانداستار! ۇلتتىق ۆاليۋتا كۇنى قۇتتى بولسىن! قازاقستان رەسپۋبليكاسى تاۋەلسىزدىگىنىڭ 25 جىلدىق مەرەيتويى قۇتتى بولسىن! ەل تاريحىنداعى ەلەۋلى وقيعا «اتامەكەن» ۇلتتىق كاسىپكەرلەر پالاتاسىنىڭ تاۋەلسىزدىكتىڭ 25 جىلدىعىنا ارنالعان10 مىڭدىق كادەسىيلىق بانكنوتتىڭ شىعارىلۋىنا وراي ۇندەۋى ۇلتتىق ۆاليۋتا ەل ەكونوميكاسىنىڭ جاھاندىق نارىق جۇيەسىندەگى سۋبەكتىلىگىن كورسەتەتىن تاۋەلسىزدىكتىڭ ەرەكشە نىشانى بولىپ تابىلادى. ەلدىڭ ٴتول ۆاليۋتاسى ەكونوميكالىق ساياساتتىڭ تاۋەلسىزدىگىن، تۇراقتىلىعىن جانە بۇكىل بانك جۇيەسىنىڭ قورعانىسىن قامتاماسىز ەتەدى. ۇلتتىق ۆاليۋتا كۇنى مەملەكەت باسشىسى بەينەلەنگەن جاڭا كادەسىيلىق بانكنوتتىڭ تۇساۋى كەسىلۋى – ەلىمىز تاريحىنداعى ايتۋلى وقيعا. تاۋەلسىزدىكتىڭ 25 جىلدىق مەرەيتويلى شاعىندا بۇل – قازاقستان حالقىنىڭ نۇرسۇلتان ٴابىش ۇلى نازاربايەۆتىڭ ەرەن ەڭبەگىن شىنايى باعالاعاندىعىنىڭ كورىنىسى. قازاقستاننىڭ ەلباسىنىڭ بۇكىلحالىقتىق كوشباسشىلىعىمەن تولاعاي تابىستارعا جەتۋى بۇگىندە بۇكىل الەمدىك قوعامداستىق ٴۇشىن ۇلگى بولىپ وتىر. ەلىمىزدەگى تابىستى رەفورمالار ەكونوميكالىق ٴوسىمنىڭ اسا ماڭىزدى درايۆەرى – بەلسەندى بيزنەس- قوعامداستىق قالىپتاستىرىپ ۇلگەردى. ەل كاسىپكەرلەرى تاۋەلسىز قازاقستان رەسپۋبليكاسىنىڭ ٴارى قاراي دا ٴوسىپ- وركەندەپ، ۇلكەن تابىستارعا جەتە بەرۋى جولىندا جاڭا سەرپىندى جوبالاردى سەنىمدى تۇردە جۇزەگە اسىرا بەرەتىن بولادى! ەلباسى ەڭبەگىنە بەرىلگەن باعا قازاقستان قارجىگەرلەرى قاۋىمداستىعىنىڭ تاۋەلسىزدىكتىڭ 25 جىلدىعىنا ارنالعان 10 مىڭدىق بانكنوتتىڭ شىعارىلۋىنا وراي ۇندەۋى تاۋەلسىزدىكتىڭ 25 جىلى ىشىندە قازاقستاندا ەلىمىزدەگى ايتۋلى وقيعالارعا وراي ۇلتتىق بانك تاراپىنان مەرەيتويلى بانكنوت شىعارۋدىڭ بىرەگەي ٴداستۇرى قالىپتاستى. تاۋەلسىزدىكتىڭ مەرەيتويلى جىلىندا ەل پرەزيدەنتى بەينەلەنگەن كادەسىيلىق بانكنوت شىعارىلۋى ن.ٴا.نازاربايەۆتىڭ بۇكىلحالىقتىق كوشباسشىلىق ماڭىزىن اتاپ كورسەتەتىن جارقىن مەجە بولىپ تابىلادى. بۇل – قازاقستان حالقىن ٴوسىپ- وركەندەۋ جولىندا ماقساتكەرلىكپەن جۇمىلدىرا بىلگەن ەلباسى باسشىلىعىنداعى قازاقستاننىڭ ەرەكشە دامۋ جولىن كورسەتەتىن تاۋەلسىزدىكتىڭ 25 جىلدىعىنداعى تەڭدەسسىز وقيعا! مەملەكەت باسشىسىنىڭ رەفورمالارىنىڭ ارقاسىندا قازاقستاننىڭ قارجى جۇيەسى وڭىردە جەتەكشى ورىنعا يە جانە الدىڭعى قاتارلى الەمدىك ستاندارتتارعا جاۋاپ بەرەدى. ەلىمىزدىڭ تاۋەلسىزدىك جىلدارىنداعى تابىستارى مەن جەتىستىكتەرى – وسىپ-وركەندەۋ جولىندا قازاقستان حالقىن جۇدىرىقتاي جۇمىلدىرا بىلگەن ٴبىزدىڭ پرەزيدەنتىمىزدىڭ ەرەكشە ەڭبەگى.

«ەگەمەن قازاقستان» 16 قاراشا 2016 ج.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي