BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇلەكتەر شىقتى قاناتتانىپ...

بيىلعى جىلى ارقالىق قالاسى بويىنشا 317 تۇلەك التىن ۇيالارىمەن قوشتاسىپ، ۇلكەن ومىرگە قانات قاقتى. تۇلەكتەردىڭ قاناتتانۋى قر تاۋەلسىزدىگىنىڭ 25 جىلدىعى، قوستاناي وبلىسىنىڭ 80 جىلدىعى، ارقالىق قالاسىنىڭ 60 جىلدىعى مەرەيتويلارىنا ٴدوپ كەلىپ وتىر. «جىگەر» ستاديونىندا وتكەن جالپى قالالىق مەكتەپ ٴبىتىرۋ كەشىندە قالا اكىمى عازيز بەكمۇحامەدوۆ تۇلەكتەرگە اق جول تىلەپ، ۇزدىك بەلگى يەگەرلەرىنە وبلىس اكىمىنىڭ العىس حاتى مەن سىيلىقتارىن سالتاناتتى تۇردە تابىس ەتتى. قالانىڭ ٴبىلىم بەرۋ دەڭگەيى جىل سايىن جاقسارىپ كەلەدى. ارقالىقتىقتار ۇبت رەيتينگى بويىنشا وبلىستا ەكىنشى ورىنعا تۇراقتادى. جيناقتالعان ورتاشا بالل 82. وتكەن جىلعى بۇل كورسەتكىش 74 بولاتىن. تەست تاپسىرۋشىلاردىڭ 49%-ى جوعارى جەتىستىككە قول جەتكىزدى. 54 تۇلەك 100-دەن استام بالل جينادى. 5 تۇلەك «التىن بەلگى» يەگەرى اتاندى. ولار: ى.التىنسارين اتىنداعى گيمنازيانىڭ تۇلەكتەرى نازىم فايزوللا، ەلدوس مۇقاتاي، ٴلاتيپا ەربولات، №1 مەكتەپتىڭ تۇلەگى اسىلبەك جاقىپوۆ، №4 مەكتەپتىڭ تۇلەگى ادينا فازىل. سونداي-اق، گيمنازيا تۇلەگى حيۆاز بەيسەنبەكوۆا مەن ا.قۇنانبايەۆ اتىنداعى №6 مەكتەپتىڭ تۇلەگى گۇلزات ٴامىرحان ٴبىلىم بايگەسىندەگى جوعارى جەتىستىكتەرى ٴۇشىن سىناق تاپسىرماي-اق گرانت جەڭىمپازى اتاندى.

ارقالىق قالاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي