BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴسۇت تاپسىرۋ ماۋسىمى

نوۆوحايرۋزوۆكا اۋى- لىندا «ساماي» شارۋا قوجالىعى نەگىزىندە ٴسۇت قابىلداۋ پۋنكتى اشىلدى. اۋىل تۇرعىنى تاتيانا گەن- نادەۆنا بەليموۆا قوسالقى شارۋاشىلىعىنداعى ٴۇش باس سيىرىن كۇنىنە ەكى مارتە ساۋادى. ايتسە دە، ٴسۇت تاپ- سىرمايتىن، ويتكەنى اۋدان ورتالىعى ۇلكەن نارىنداعى ماي زاۋىتىن وسىدان بىرەر جىل بۇرىن ساتىپ العان «زي» ٴجشس-ى ٴسۇتتى تۇراقتى تۇردە قابىلدامايدى ٴارى ٴونىم ٴۇشىن وتەماقىنى ۋاقىتىلى بەرمەيدى. ساۋعان ٴسۇتىن تاتيانا گەننادەۆنا سەپاراتوردان وتكىزىپ، قايماق پەن ماي جاساپ، زىريان قالاسىنا اپارىپ وتكىزەتىن. بۇدان بىلاي، دەيدى ول، ٴسۇت قابىلداۋ مەن ونىڭ اقىسىن تولەۋ رەتتەلسە، ال باعاسى كوڭىلگە قونارلىقتاي بولسا، ٴسۇتتى «ساماي» شارۋا قوجالىعىنا تاپسىرۋدى ويلاستىرماق. بىرىنشىدەن، بۇل قارجى جاعىنان دا پايدالى، ەكىنشىدەن، ٴونىمدى وڭدەپ، ونى ساقتاۋمەن شۇعىلدانۋعا كەتەتىن ۋاقىتىڭدى ۇنەمدەۋگە دە ٴتيىمدى. نوۆوحايرۋزوۆكا اۋىلىنىڭ كوپتەگەن تۇرعىندارىنىڭ پىكىرى وسىنداي. نوۆوحايرۋزوۆكادا اشىلعان سۋت قابىلداۋ پۋنكتىنە سىيىمدىلىعى 1،5 توننا بولاتىن ٴسۇت سالقىنداتقىش – تانكەر ورناتىلعان، ول ٴونىمدى سەلسيي بويىنشا نەبارى ٴتورت گرادۋس جىلىلىققا دەيىن سالقىنداتادى. ال ونىڭ قاتارىنداعى بولمە الدەقايدا كەڭدەۋ، مۇندا بىردەن ەكى باس سيىردى قاتار قويىپ ارنايى اپپاراتپەن ساۋۋعا بولادى. -بۇل عيمارات كەزىندە كەڭشاردىڭ يەلىگىندە بولعان، ۇزاق ۋاقىت بويى مۇنى ەشكىم پايدالانبادى، كەيىننەن ٴبىز مۇنى ساتىپ الىپ، جوندەۋ جۇمىستارىن جۇرگىزدىك، ونان سوڭ، ٴتيىستى مەملەكەتتىك باعدارلاما بويىنشا نەسيە الىپ، مال ساتىپ الدىق،- دەيدى شارۋاشىلىق باسشىسى مالىك زيادا. –باستاپقىدا ەتتى باعىتتاعى مال وسىرۋمەن شۇعىلدانباق بولدىق، ونان سوڭ، ٴسۇت وندىرۋمەن شۇعىلدانۋعا بەل بۋدىق. نەگىزىنەن، الاتاۋ تۇقىمداس ٴسۇتتى باعىتتاعى سيىرلاردى ساتىپ الدىق. قۇرال-جابدىقتار ماسكەۋدەن اكەلىندى، ولاردى ٴبىز «اۋىلشارۋاشىلىعىن قارجىلاي قولداۋ قورى» اق ارقىلى نەسيەگە الدىق. سالالىق باعدارلاما اياسىندا «اگروبيزنەس-2020» باعدارلاماسى 50-100 باس ٴىرى-قارا مال باسىن ۇستايتىن ٴسۇتتى-تاۋارلى فەرمانى قۇرۋعا جانە كەڭەيتۋگە باعىتتالعان. شارۋاشىلىق باسشىسىنىڭ ايتۋىنشا، نەسيە ەش كەدەرگىسىز رەسىمدەلگەن. بيىلعى جىلدىڭ جازىندا ساۋىنعا 50 باس سيىر قويىلىپ، بولاشاقتا ولاردىڭ سانىن كوبەيتۋ جوسپارلانىپ وتىر. سونىمەن قاتار، جەكە سەكتوردان ٴسۇت ساتىپ الۋمەن دە شۇعىلدانباق. بۇل جۇمىستارعا ماشينامەن ساۋۋ وپەراتورى، جۇرگىزۋشى، ٴسۇت قابىلداۋشى جانە سالقىنداتۋشى – تانكەرمەن جۇمىس ىستەيتىن مامان تارتىلماق. زىريانداعى «تۋرايدى» جشس-مەن ٴسۇت تاپاسىرۋعا كەلىسىم-شارت جاسالعان. مالىك زيادانىڭ شارۋاشىلىعىندا 150 باس ٴىرى-قارا مالى، 800 گەكتار جايىلىمدىق، 300 گەكتارعا تاياۋ شابىندىق، 700 گەكتار جىرتىلمالى جەرلەر بار.

سەبۋ ناۋقانىن كاسىپورىن دەر كەزىندە اياقتاعان. ساۋىن سيىرلار تابىنىنىڭ ونىمدىلىگىن جاقسارتۋ ٴۇشىن مۇندا بيىلعى جىلى پىشەن ازىرلەۋ جوسپارلانۋدا، بىرتىندەپ سۇرلەم ازىرلەۋ دە قولعا الىنباق. ٴسۇت قابىلداۋ پۋنكتىنىڭ اشىلۋ راسىمىندە مالىك زيادانى اۋدان اكىمى احمەتقالي نۇرعوجين، اۋداندىق ٴماسليحات حاتشىسى دۇيسەن برالينوۆ، اۋىلشارۋاشىلىعى، ٴوندىرىس جانە كاسىپكەرلىك ٴبولىمىنىڭ باسشىسى راقىمعالي بايگەرەەۆ، ەڭبەك ارداگەرى، شارۋاشىلىق باسشىسىنىڭ اناسى افريما عابدۋلحالىققىزى سادۋەۆا قۇتتىقتاپ، ساتتىلىكتەر تىلەدى. -مەن اۋدانعا كەلىسىمەن، بىردەن مالىكپەن وسىنداي كاسىپورىن اشۋ جونىندە كەلىسىم-سوز جۇرگىزدىم،- دەدى اۋدان اكىمى. –ويتكەنى بۇل وبلىس اكىمى دانيال كەنجەتاي ۇلى احمەتوۆتىڭ تاپسىرماسى. مالىك سوزىندە تۇردى. الداعى ۋاقىتتا ٴبىزدىڭ اۋدانىمىزدا سولونوۆكا اۋىلىندا 100 باس سيىرعا ارنالعان ٴسۇت ٴوندىرۋ فەرماسىن سالۋ جونىندە جوبا جۇزەگە اسىرىلماق. بۇل تەك باستاما عانا. مۇنى كورگەن باسقالار دا ٴسۇت وندىرەتىن جانە باسقا دا فەرمالار اشۋدى قولعا الۋلارى مۇمكىن. ويتكەنى، بۇگىنگى كۇنى ٴسۇت ونىمدەرى ۇلكەن سۇرانىسقا يە، تۇتىنۋشىلار ساپاسى كۇماندى ٴسۇت ونىمدەرىن دۇكەندەردەن ساتىپ العانشا، تابيعي ٴسۇتتى ساتىپ الۋعا ۇمتىلاتىن بولادى. ونىڭ ۇستىنە، ٴسۇت تاپسىرۋ – وتباسىلىق بيۋدجەتتى تولىقتىرۋعا مۇمكىندىك بەرەدى. ٴبىز بۇل شاراعا ۇلكەن نارىن وڭىرىندەگى بەس اۋىلدىق وكرۋگتەردىڭ اكىمدەرىن بەكەر شاقىرىپ وتىرعان جوقپىز: ولار نوۆوحايرۋزوۆكالىقتاردان ۇلگى الۋلارى ٴتيىس.

ونان سوڭ، م. زيادا اۋىل تۇرعىندارى مەن اۋدان ورتالىعىنان كەلگەن قوناقتاردىڭ ساۋالدارىنا جاۋاپ بەردى. كوپشىلىكتى ٴسۇت جيناۋدىڭ شارتى، ونىڭ باعاسى جانە ەسەپتەسۋ ٴتارتىبى قىزىقتىردى. بۇل ساۋالدارعا جاۋاپ بەرگەن شارۋاشىلىق باسشىسى جينالعاندارعا ٴسۇت ساپاسىن انىقتايتىن جاڭا قۇرالدى كورسەتتى. ٴ-سۇتتىڭ باعاسى ونىڭ ساپاسىنا بايلانىستى بولادى،- دەدى ول. –بۇل قۇرال 40 سەكۋندتىڭ ىشىندە بەلوكتىڭ قۇرامىن، مايلىلىعىن جانە ونىمدەگى سۋدىڭ بار-جوق ەكەندىگىن انىقتايدى. سوندىقتان، سۋمەن سۇيىلتىلعان ٴسۇت بىزدە قابىلدانبايدى، جۇمىستى ادال ىستەۋ قاجەت. ٴسۇتتىڭ مايلىلىعى 3،6-3،9 پايىز بولسا، ونىڭ ٴاربىر ليترىنە شامامەن 50-55 تەڭگە تولەيتىن بولامىز. ەسەپتەسۋ اپتاسىنا ٴبىر مارتە نەمەسە ايىنا ەكى رەت جۇرگىزىلەتىن بولادى.

شاميل باگاۋتدينوۆ. سۋرەت اۆتوردىكى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي