BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۇيىكتى ماماندىعىم

ادام ومىرىنە اراشا تۇسەتىن دəرىگەرلىك ماماندىقتى تاڭداۋ ۇلكەن جاۋاپكەرشىلىكتى جۇكتەيدى. سەبەبى، دəرىگەر ادام اناتومياسىن تەرەڭ بىلۋمەن قاتار، كەز كەلگەن جاعدايداعى ناۋقاستى تۇسىنەتىن، قاننان قورىقپايتىن، ادام تاعدىرىنا نەمقۇرايلى قارامايتىن، كۇيزەلىسكە ٴتوزىمدى، جۇيكەسى مىقتى جان بولۋى كەرەك. مەديسينا سالاسى ٴوز ىشىنەن بىرنەشە سالاعا بولىنەدى. ولار ادامداردى ەمدەيتىن دəرىگەرلەر، ادام ەمىنە قاجەتتى دəرىلەردى شىعاراتىن فارماسەۆتتەر جəنە تۇتىنۋشىلاردىڭ قۇقىقتارىن قورعايتىن باسقارمالار، تۇسىنىكتى تىلدە سانەپيدەمستانسيا قىزمەتكەرلەرى بولىپ بولىنەدى. جاقسى اۋداندىق تۇتىنۋشىلاردىڭ قۇقىقتارىن قورعاۋ باسقارماسىنىڭ قىزمەتكەرى بەكتەميروۆا عاليا امانبولاتقىزى جايلى ٴسوز قوزعاساق. بەكتەميروۆا عاليا قوستاناي وبلىسىنىڭ ارقالىق قالاسىندا تۋعان. عاليانىڭ əكەسى ىشكى ىستەر بولىمىندە ەڭبەكتەنگەن، ال اناسى ٴۇي شارۋاسىنىڭ ادامى بولعان. بەكتەميروۆتار شاڭىراعىنان 10 بالا تəربيەلەنگەن. عاليا امانبولاتقىزى ۇلكەن وتباسىنان شىققان، ونىڭ وزىنەن باسقا 9 باۋىرلارى بار. əكەسىنىڭ جۇمىس ورىنىن اۋىستىرۋىنا بايلانىستى عاليا 5 سىنىپقا كوشكەن كەزىندە، وسى جاقسى اۋدانىنىڭ نوۆوكي- ەنكا اۋىلىنا كوشىپ كەلگەن. 1988 جىلى نوۆوكيەنكا مەكتەبىن اياقتاپ، ماماندىق بويىنشا وقۋعا ٴتۇسۋ ٴۇشىن جاس تۇلەك ٴوزىنىڭ بولاشاق ٴومىرىن مەديسينا سالا- سىمەن بايلانىستىرعىسى كەلەتىندىگىن تۇسىنگەن. بۇل ماماندىقتى تاڭداعانىنا اناسى بىردەن كەلىسىمىن بەرەدى، ال əكەسى بولسا عاليانىڭ ٴوزى سياقتى زاڭ ورگاندارىندا ىستەگەنىن قالاعان ەكەن. ٴبىراق، امانبولات اعا قىزىنىڭ مەديسينا سالاسىنا قىزىعۋشىلىعى مول ەكەنىن كورىپ، كوپ ۇزاماي ٴوز كەلىسىمىن بەرەدى. جاقىندارى قولداپ، ٴوزى شىن ىقىلاسىمەن تاڭداپ العان ماماندىقتىڭ يەسى اتانۋ ٴۇشىن، ول ارقالىق قالاسىنىڭ مەديسينالىق كوللەدجىنە قۇجاتتارىن تاپسىرادى. -عاليا، بۇل ماماندىقتى تاڭداۋعا ٴسىزدى نە يتەرمەلەدى؟ -بالا كەزىمدە ٴوزىم اۋىرىپ قالعاندا نەمەسە جاقىندارىمنىڭ ناۋقاستانىپ قالعاندارىن كورگەندە جانىم اشيتىن، ويتكەنى سول مەزەتتە مەن ولارعا ەشبىر كومەگىمدى تيگىزە المايتىنىما قاتتى قاپالداناتىنمىن، باستى سەبەپ وسى بولار. سول كەزدە- اق مەكتەپتى اياقتاعاسىن مەدبيكە بولامىن دەپ شەشتىم. ۇيدە سىڭلىلەرىممەن دəرىگەر بولىپ وينايتىنبىز، ولار بارلىعى مەنىڭ الدى- ما كەلگەن ناۋقاستار بولاتىن، ال مەن بولسام دəرىگەرمىن. ول كەزدەر ەسىمە تۇسكەندە، بالالىق شاعىم كوز الدىما ەلەستەپ، جۇرەگىم ٴبىر جىلۋلىق سەزىمگە بولەنەدى. بۇل ماماندىقتى تاڭداۋ كەزىمدە اتا-انام قولداعاندارىنا دا قۋانىشتىمىن، ولارعا ايتار العىسىم شەكسىز. ويتكەنى ەڭ جاقىن ادامدارىم ماعان ۇلكەن ٴۇمىت ارتتى. مەن دە جاقىندارىمنىڭ ارتقان سەنىمدەرىن جاي تاستاماي، وقۋدا ٴوزىمدى تەك جاقسى جاعىمنان كورسەتە ٴبىلدىم. ەندىگى مىندەتىم، جۇمىسىمدا وزىمە جۇكتەلگەن ىستەردىڭ بارلىعىن تياناقتى ورىنداۋ. 26 جىلدان بەرى وسى مىندەتتى ويداعىداي ورىنداپ كەلە جاتقانىما سەنىمدىمىن،- دەيدى عاليا امانبولاتقىزى. ع.ا. بەكتەميروۆا 1991 جىلى جاقسى اۋداندىق اۋرۋحاناسىنا ورنالاسىپ 2001 جىلعا دەيىن ەڭبەكتەنگەن. ال 2001 جىلدان باستاپ بۇگىنگى كۇنگە دەيىن جاقسى اۋداندىق تۇتىنۋشىلاردىڭ قۇقىقتارىن قورعاۋ باسقارماسىندا جۇمىس ىستەۋدە. بۇل جەردە ٴəربىر مەكەمەنىڭ سانيتارلىق نورمالارىن تەكسەرۋمەن اينالىسادى. عاليا امانبولاتقىزىنىڭ جەكە ٴومىرى جايلى ايتساق. ول جارى ەكەۋى 4 بالانى تəربيەلەۋدە. تۇڭعىش قىزى انار ەكونوميست ماماندىعى بويىنشا ٴقازىر استانا قالاسىندا ەڭبەكتەنۋدە، ەكىنشى قىزى انيرا ستۋدەنت، سونىمەن قاتار، بوكسپەن شۇعىلدانادى، سپورت سالاسىندا انيرا كوپتەگەن جەتىستىكتەرگە قول جەتكىزىپ كەلەدى، جəنە اسىلحان مەن ەراسىل ەسىمدى كىشكەنتاي ۇلدارى بار. ٴوز جۇمىسىندا تەك جاقسى قىرىنان تانىلا بىلگەن مامان باسشى الدىندا دا بەدەلگە يە. əرىپتەستەرىمەن دە قارىم-قاتىناسى جاقسى. سۇيىكتى جار، اياۋلى انا، بىلىكتى مامان عاليا امانبولاتقىزىنا الداعى ۋاقىتتا دا ۇلكەن جەتىستىكتەر مەن تابىس تىلەيمىز.

ب.دوسانوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي