BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۋ ٴ-تىلسىز جاۋ

سۋعا ٴتۇسۋ ماۋسىمى اشىلعالى بەرى، قاراعاندى وبلىسىندا سۋعا كەتكەندەردىڭ سانى كۇرت وسكەن. وبلىس بويىنشا جىل باسىنان بەرى 18 ادام سۋعا كەتكەن، ونىڭ سەگىزى – بالا.

سۋعا باتقانداردىڭ كوپشىلىگى قۇتقارۋ ستانسيالارى جوق جەرلەردە شومىلعان. مۇنداي قاراۋسىز ورىندار ادام ٴومىرى ٴۇشىن وتە قاتەرلى، سوندىقتان تىيىم سالىنعان. وبلىستاعى احۋالعا ايماق باسشىسى نۇرمۇحامبەت ابدىبەكوۆ تە نازار اۋدارىپ، الاڭداۋشىلىق ٴبىلدىردى. – ادامدار رۇقسات ەتىلمەگەن جەرلەردە سۋعا شومىلادى. ٴبىز بۇل تۋرالى ٴجيى ايتامىز، ٴبىراق ەش شارا قولدانبايمىز. سونىڭ كەسىرىنەن وسىنداي ستاتيستيكانى كورىپ وتىرمىز. اسىرەسە بالالاردىڭ قازا بولۋى – اۋىر قايعى. سوندىقتان حالىقتى كوبىرەك اقپاراتتاندىرۋ قاجەت. اقمولا وبلىسىنىڭ تاجىريبەسىن الايىق. ولار جۇمىسسىز جۇرگەن جاستاردى قوعامدىق جۇمىسقا تارتىپ، سۋ ايدىندارىنا كەزەكشىلىك شىعارعان. كەزەكشىلەر تۇرعىندارعا قاي جەرگە شومىلۋعا بولاتىنىن ايتىپ، ٴجون سىلتەپ وتىرادى. ولار وسى ارقىلى شومىلۋ ماۋسىمىنىڭ قورىتىندىسى بويىنشا سۋعا كەتكەندەردىڭ سانىن ايتارلىقتاي ازايتقان، – دەيدى وبلىس اكىمى. ايماق باسشىسى ايتقان ۇسىنىستى شەنەۋنىكتەر ٴبىراۋىزدان قولداپ، اقمولا وبلىسىنىڭ تاجىريبەسىن بىزگە دە ەنگىزۋگە ٴسوز بەردى. ال ونىڭ قالاي ورىندالاتىنىن جانە ادام ٴومىرىن ساقتاۋعا اسەرى قالاي بولارىن ۋاقىت كورسەتەدى ■


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي