BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساتۋ دەگەن اۋىزعا الىنباسىن

بەيسەن امانج ولوۆ، زەينەتكەر، زاڭ سالاسى ارداگەرى سوڭعى ۋاقىتتا ەل ٴىشىن دۇرلىكتىرگەن اڭگىمەلەر جەرگە بايلانىستى بولىپ وتىر. شىنىندا دا قازاق ٴۇشىن جەر كەۋدەسىندەگى جانىمەن بىردەي قىمبات نارسە. سوندىقتان بۇل ماسەلەگە پىكىر قوسىپ ازاماتتىق ۇستانىمىمدى ٴبىلدىرۋدى ٴجون دەپ بىلەمىن. شەتەلدىكتەرگە جەردى جالعا بەرۋ دۇرىس ەمەس، ال ساتۋ دەگەن ٴسوز مۇلدە اۋىزعا الىنباۋى كەرەك. جەر قازاقستان ازاماتتارىنىڭ وزىنە دە ساتىلماي تەك ۋاقىتشا پايدالانۋعا بەرىلۋى ٴتيىس. ٴقازىر قازاقستان ازاماتتىعىن الۋ قيىن ەمەس، شەتەلدىك تىلەك بىلدىرسە ٴبىرشاما ۋاقىت وتكەن سوڭ ٴبىزدىڭ ەلدىڭ ازاماتتىعىن الا الادى. وسىلايشا جيرينوۆسكيي سياقتىلار بوس جاتقان جەردىڭ ٴبارىن ساتىپ الىپ، كۇنى ەرتەڭ ونى رەسەيدىڭ اۆتونومياسى دەپ جاريالاۋى ابدەن مۇمكىن. بۇل جاعداي بۇۇ-نىڭ ەرەجەسىنە سايكەس كەلەدى. ٴقازىر مولدوۆيادا تيراسپول ولكەسى ٴدال وسىنداي جولمەن ٴبولىنىپ الدى ەمەس پە؟ تالاي جىلدار بويى تالاس تۋدىرعان قاراباقتىڭ تاريحى دا وسىنداي. حالقىمىزدىڭ تاريحىندا بۇرىن- سوڭدى جەر جالداۋ، ساتۋ دەگەن ماسەلە بولماعان. قانداي قيىندىق زاماننىڭ وزىندە ٴارىسىن ايتپاي، بەرگى 550 جىل حاندىق قۇرعان بابالارىمىز ٴبىر مەتر جەردى دە ساتۋدى ويلاماعان ەكەن. ويتكەنى جەر جاۋگەرشىلىكتە نايزامەن، قىلىشپەن ات ۇستىندە ٴتۇن قاتىپ ٴجۇرىپ قورعالعان بايلىعىمىز. اتا-بابالارىمىز قازاقتىڭ جەرىن تۇتاس ساقتاۋ ٴۇشىن، جوڭعاردان قۇتقارۋ ٴۇشىن ٴوز ەركىمەن رەسەيگە قوسىلدى، اۆتونوميالىق ەركىندىك، ٴوزىن-وزى باسقارۋ، جەردى تولىق ساقتاۋ ىقتيارلىعىنا قول جەتتى. ٴقازىر تاۋەلسىزدىك الىپ ەگەمەن ەل بولىپ ەڭسەمىزدى ەندى كوتەرە باستاعان شاقتى قازاقتىڭ جەرى قانشالىقتى ۇلانعايىر بولعانىمەن ونىڭ ٴبىر قادامى دا جات جەرلىكتىڭ تابانىنا باسىلماۋى، يەلىگىنە وتپەۋى، ساتىلماۋى كەرەك. جەردى نارىق اينالىمىنا قوسۋدىڭ باسقا جولدارى بار، سونى ىزدەستىرگەن ٴجون. ماسەلەن جەردەن پايدا تابۋ ٴۇشىن جەر سالىعىن ٴوسىرىپ، جەرگىلىكتى حالىققا جالعا بەرىپ جاناشىرلىق تانىتۋ قاجەت. جەر ماسەلەسى قاي ەلدە بولماسىن ايتىلىپ ٴجۇر. ەكونوميكالىق قيىندىقتار كەزىندە جالعا بەرۋ، ساتۋ ماسەلەسىن وڭتايلى جولدارمەن شەشە العان مەملەكەتتەر الەم تاريحىندا از ەمەس. ٴبىزدىڭ عالىمدار، اۋىلشارۋاشىلىق ماماندارى وسىنداي نارسەلەردى ويلاستىرىپ ۇلتتىڭ تۇبەگەيلى مۇددەسىنە ساي كەلەتىن ەڭ دۇرىس شەشىمگە كەلەدى دەپ سەنەمىز. جاھاندانۋ جەتتى، نارىق كەلدى دەپ اتالاردىڭ ۇرپاعىنا اماناتتاعان جەرىن شەتەلدىككە جالعا بەرۋ بۇل ماسەلەنى تۇبەگەيلى شەشۋدىڭ جولى ەمەس. مەن ۇزاق جىل زاڭ، قۇقىق قورعاۋ سالاسىندا ەڭبەك ەتكەن تاجىريبەلى مامان رەتىندە، حالقىمنىڭ ارداگەر ازاماتى رەتىندە شەتەلدىكتەرگە جەر بەرۋگە مۇلدە قارسىمىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي