BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتباسى - كىشكەنتاي وتان

فوتو: news.kaznmu.kz

ىزگىلىكتىڭ باستاۋىدا باق باسى، بولاتۋعىن شاتتىق داۋرەن قاقپاسى. ۇيالاعان مول مەيىرىم، ىنتىماق، جۇماق ٴتوردىڭ سايا باعى -وتباسى. وتباسى - سىيلاستىق، جاراستىق ورناعان، ادام ٴۇشىن ەڭ جاقىن الەۋمەتتىك ورتا. ول بەلگىلى داستۇرلەردىڭ، جاعىمدى ونەگەلەردىڭ مۇرالار مەن سالت-داستۇرلەردىڭ ساقتاۋشىسى. وتباسىندا بالا العاش رەت ومىرمەن، قورشاعان ورتامەن تانىسىپ، مىنەز-ق ۇلىق نورمالارىن يگەرەدى. وتباسى، الەۋمەتتىك ينستيتۋت بولعاندىقتان، ٴسوزسىز، قوعامنىڭ ىقپالىندا بولادى. وتباسىنىڭ وزگەرۋىنىڭ زاڭدىلىعى جالپى قوعامدا بولىپ جاتقان وزگەرىستەرمەن باعىتتاس. سوندىقتان قازىرگى كەزدەگى وتباسىنىڭ جاعدايىن ٴتۇسىنۋ ٴۇشىن جانە ونىڭ دامۋىنىڭ بولاشاعىن باعالاۋ ٴۇشىن بۇكىل 20-شى عاسىر بويى قوعامدىق ٴومىر مەن بۇقارا ساناسىندا بولعان تۇبەگەيلى وزگەرىستەردى ەسكەرۋ كەرەك. وتكەن عاسىردىڭ ورتاسىنان باستاپ وتباسى ينستيتۋتى ەلەۋلى جانە قايتالانباس وزگەرىستەرگە ۇشىرادى. قازىرگى تاڭداعى كوپتەگەن وتباسىلارىندا بولىپ جاتقان كەلەڭسىز وزگەرىستەر (عۇمىرلىق نەكەگە تۇراقتىلىقتان باس تارتۋ، ايىرىلىسۋ مەن نەكەنىڭ بۇزىلۋى، ۇرپاقتى تاربيەلەۋدەگى رياسىز قارىم-قاتىناستان باس تارتۋ، تولىق ەمەس وتباسى مەن وگەي اتا-انالى وتباسى سانىنىڭ ارتۋى، بالانى الدىرىپ تاستاۋ مەن نەكەسىز بالا تۋۋ) ادامزات بالاسىن ٴسوزسىز الاڭداتۋدا.

وتباسى — ادام بالاسىنىڭ وسىپ-ونەر التىن ۇياسى. بالا ٴومىرىنىڭ العاشقى كۇنىنەن باستاپ اتا-اناسىنىڭ شەكسىز ماحابباتىنا بولەنىپ، جاعىمدى ىس-ارەكەتتەرىنە قانىعىپ ٴوسۋى قاجەت ەمەس پە؟ الايدا قازىرگى نارىقتىق قوعامدا كوپتەگەن اتا-انالار تىرشىلىك قامىمەن جۇمىس باستى بولىپ كەتكەندىكتەن بالا تاربيەسى ەكىنشى ورىندا قالىپ قويدى. ال ۇيدە قالعان جاۋدىركوزدەردى كوگىلدىر ەكرانداعى شەتەلدىك تەلەحيكايالار مەن عالامتورىڭ ٴتۇپسىز تۇڭعيىققا تولى كورىنىستەرى تاربيەلەۋدە.سوندىقتان دا وتباسى قۇندىلىعى السىرەپ، پەرىشتەدەي پاك سابيلەر ادام اۋزى بارمايتىن سۇمدىقتاردىڭ قۇربانىنا اينالىپ جاتسا، ەندى بىرەۋلەرى سونىڭ جاندى كەيىپكەرى بولىپ وتىر. جوعارىدا ايتقانىمىزداي، وتان - وتباسىنان باستالاتىنىن ەسكەرسەك، وسىنداي كەلەڭسىز جايتتاردىڭ الدىن الۋعا ٴتيىستى ەكەنىمىز ايتپاسا دا بەلگىلى سياقتى. ارينە، كوپكە توپىراق شاشۋدان اۋلاقپىز...كوپكە ۇلگى بولارلىق، نەمەرە-شوبەرە سۇيگەن، «كۇمىس»، «التىن»، ٴتىپتى «بريلليانت تويلارىن» جاساپ، ۇلكەن بايتەرەكتەي جايقالىپ، تەرەڭگە تامىر جايعان ۇلگىلى وتباسىلارىمىز جەتەرلىك. قالاي دەسەك تە، قوعامنىڭ دامۋىنا بىردەن ٴبىر سەبەپكەر ول، ارينە وتباسى. وتباسىنىڭ باستى قىزمەتى بالانى تاربيەلەۋ. وتباسى تاربيەسى - بۇل جالپى تاربيەنىڭ ەڭ باستى بولىگى. اتا-انا جانە وتباسى مۇشەلەرى جاس نارەستە دۇنيەگە كەلگەن كۇننەن باستاپ، ونىڭ ومىرىنە قامقورلىق جاساپ، بولاشاعىن جوسپارلايدى جانە سانالى ازامات بولىپ ٴوسۋى ٴۇشىن قاجەت جاعداي جاسايدى. بۇعان بالانىڭ قاجەتتىگىن تولىق قاناعاتتاندىرۋ، ونى دەنە جانە وي ەڭبەگىنە ۇيرەتۋ، كۇن ٴتارتىبىن دۇرىس رەتتەۋگە، سالاۋاتتى ٴومىر سۇرۋگە، ادال بولۋعا تاربيەلەۋ، جاقسىلىقتى ۇيرەتۋگە، جاماندىقتان جيرەنۋگە ۇيرەتۋ، بويىندا جاستايىنان مادەني قۇندىلىقتار مەن ادامگەرشىلىك قاسيەتتەردى قالىپتاستىرۋ جاتادى. وتباسىندا ەڭبەككە تاربيەلەۋ، باۋلۋ مەن كاسىپتىك باعدار بەرۋ بالانىڭ قوعامعا پايدالى، ٴونىمدى ەڭبەككە تىكەلەي قاتىسۋى وقۋعا دەگەن ساپالى كوزقاراستى تاربيەلەۋدىڭ، جەكە ادامدى ادامگەرشىلىك جانە زيالىلىق جاعىنان قالىپتاستىرۋدىڭ نەگىزگى كوزى بولىپ تابىلادى. سوندىقتان دا وتباسى قۇندىلىقتارى ارتا بەرسىن دەگىمىز كەلەدى... ٴسوز سوڭىندا جەرلەستەرىمىزدى «وتباسى كۇنى» مەرەكەسىمەن قۇتتىقتاي وتىرىپ، شاڭىراقتارىنا شاتتىق، ومىرلەرىنە باقىت تىلەيمىز.

ليدا جانبوتاقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي