BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وبلىس اكىمىنىڭ جۇمىس ساپارى

27 مامىر كۇنى سولتۇستىك قازاقستان وبلىسىنىڭ اكىمى ەرىك سۇلتانوۆ جۇمىس ساپارىمەن اۋدانىمىزدا بولىپ، ٴبىرقاتار نىساندار مەن جول قۇرىلىسى جانە كوكتەمگى دالا جۇمىستارىنىڭ بارىسىمەن تانىستى. ەڭ الدىمەن ٴوڭىر باسشىسى ەرىك حامزا ۇلى «جۋراۆكا» جاۋاپكەرشىلىگى شەكتەۋلى سەرىكتەستىگىنىڭ ەگىستىك القابىنا ات باسىن تىرەدى. شارۋاشىلىق باسشىسى سەرگەي پونومارەۆ وبلىس اكىمىمەن اڭگىمەلەسۋ بارىسىندا قولايلى اۋا رايىنىڭ جانە تاۋلىك بويى تىنىمسىز ەڭبەك ەتۋدىڭ ناتيجەسىندە ٴدان ٴسىڭىرۋ جۇمىسىنىڭ ەكى كۇن ىشىندە تامامدالۋى ٴتيىس ەكەندىگىن ٴسوز ەتتى. ٴوز كەزەگىندە ەرىك سۇلتانوۆ وسىمدىك شارۋاشىلىعى بويىنشا مەملەكەتتىك سۋبسيديانى قايتارۋ جونىندەگى جۇمىس جايىندا ايتىپ بەردى. ول، سونداي-اق، اگروقۇرىلىم باسشى- لارىنا جۇمىسشىلاردىڭ جالاقىسىن كوتەرۋ جانە شارۋا قوجالىقتارىنا ساتىلاتىن ٴشوپ پەن ساباننىڭ قۇنىن ارزانداتۋ ماسەلەسىن قاراستىرۋدى ۇسىندى. ساۋمالكولگە بەت العان وبلىس باسشىسى جولدا اقان سەرى اۋىلىنداعى بوس تۇرعان الەۋمەتتىك نىسانداردىڭ (مەكتەپ، مادەنيەت ٴۇيى، كىتاپحانا) جاعدايىمەن تانىسىپ، بولاشاقتا اۋىلداعى بوس ۇيلەرگە وڭتۇستىك وڭىردەن بىرنەشە وتباسىن كوشىرىپ اكەلۋ ماسەلەسىنە دە توقتالدى. وبلىس اكىمى اۋدان ورتالىعى – ساۋمالكولدە اۋىل ىشىندەگى جولداردى جوندەۋ جۇمىستارىنىڭ بارىسىمەن دە تانىستى. بۇل ماقساتقا بيىلعى جىلى بيۋدجەتتەن 38 ملن. تەڭگە قاراجات بولىنگەن. سونىمەن قاتار، مۇندا اۋماعى 1 مىڭ شارشى مەتردەن استام جابىق حوككەي قورابشاسىنىڭ قۇرىلىسىنىڭ جۇمىسىمەن دە تانى- ستى. اۋدان ورتالىعىنداعى «ماڭگىلىك ەل» ساياباعىنداعى ورناتىلعان ترەناجەرلەردى دە ارالاپ كوردى. سونداي-اق، اۋدانىمىزدا ٴجۇزۋ باسسەينى مەن ستاديون قۇرىلىسىنىڭ جوباسىمەن اۋدان اكىمىنىڭ ورىنباسا- رى مافرۋزا ناۋانوۆا تانىستىردى. اۋداندىق مادەنيەت ۇيىندە بولعان وبلىس اكىمى ەرىك سۇلتانوۆقا اۋداننىڭ مادەنەيەت جانە تىلدەردى دامىتۋ ٴبولىمىنىڭ باسشىسى گۇلنار وتەۋلينا بيىلعى جىلى اتالمىش مادەني وشاقتىڭ شاتىرىن جوندەۋگە بيۋدجەتتەن 30 ملن. تەڭگە قارجى بولىنگەنىن جانە جاقىن ارادا جوندەۋ جۇمىستارى باستالاتىنى جايلى، مادەنيەت ۇيىندەگى مۇراجاي جادىگەرلەرىمەن، اۋداننىڭ كوركەمونەرپازدار ۇجىمىنىڭ جۇمىسىمەن تانىستىردى. وبلىس باسشىسى ساۋمالكولدەگى مودۋلدىك جىلىتۋ قازاندىعىندا دا بولىپ، ونىڭ كەلەسى قىسقى جىلىتۋ ماۋسىمىنا دايىندىق جۇمىستارىنىڭ بارىسىمەن دە تانىستى. بۇدان سوڭ ەرىك سۇلتانوۆ «كيريللوۆكا - ايىرتاۋ» جاۋاپكەرشىلىگى شەكتەۋلى سەرىكتەستىگىنىڭ ەگىستىك القابىندا اۋىل شارۋاشىلىعى قۇرىلىمدارى باسشىلارىنىڭ جانە ينۆەستورلاردىڭ قاتىسۋىمەن جەرگە بايلانىستى نەگىزگى ماسەلەلەردى تالقىلادى. وبلىس اكىمى كيريللوۆكا اۋىلىندا ٴسۇت قابىلداۋ پۋنكتىن اشقان جەكە كاسىپكەر ولجاباي مۇستافينمەن دە كەزدەستى. جەرگىلىكتى كاسىپكەر اۋىل تۇرعىندارىنان ٴسۇتتىڭ ٴبىر ٴليترىن 55 تەڭگەدەن ساتىپ الىپ، ٴونىمدى «ماسلودەل» زاۋىتىنا جونەلتەدى. بۇل كاسىپورىن جەكە كاسىپكەرگە ٴبىر ٴسۇت سالقىنداتقىشىن الىپ بەرسە، ەكىنشىسىن ولجاباي مۇستافين ٴوز قاراجاتىنا ساتىپ العان. وبلىس اكىمى بىلتىرعى جىلى مەملەكەتتىك باعدارلاما ارقىلى كيريللوۆكا اۋىلىنا قىزىلوردا وبلىسىنان كوشىپ كەلگەن ەمبەرگەنوۆتار مەن بەكجانوۆتاردىڭ شاڭىراعىندا دا بولىپ، ٴار وتباسىنا تۇرمىستىق تەحنيكالاردى سىيعا تارتتى. ولار قازىرگى كەزدە اۋىلعا تۇراقتانىپ، جۇمىس ورىندارىمەن قامتىلىپ، شاعىن شارۋاشىلىقتارىمەن اينالىسۋدا.

باعلان قوجاقوۆ. سۋرەتتى تۇسىرگەن اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي