BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وبىر سىرقاتى وسۋدە

سوڭعى جىلدارى مەديسينادا سىرقاتتىڭ الدىن الۋ سكرينينيگتىك تەكسەرىستەر جۇيەلى تۇردە جۇرگىزىلە باستادى. سونىڭ ناتيجەسى بولار سىرقاتتاردى ەرتەرەك انىقتاۋ، العاشقى باستالعان كەزىندە ەسەپكە الۋ كۇرت جاقساردى.

اسىرەسە وبىر اۋرۋلارىنىڭ سانى كوبەيۋى ٴدال وسىنداي تەكسەرىستىڭ ناتيجەسى دەيدى ماماندار. بۇل جونىندە قالالىق اكىمدىكتىڭ ماجىلىسىندە دە ايتىلدى. ٴقازىر ۇستىمىزدەگى جىلدىڭ ٴبىرىنشى توقسانىنىڭ تەكسەرىستەرى ٴار 100 مىڭ تۇرعىنعا شاققاندا وبىرعا ۇشىراعان سىرقاتتار سانى 86،2 بولىپ وتىر، بىلتىر بۇل سيفر 75 ادام ەدى. وبلىستىق كورسەتكىش 68،3 ەكەنىن ايتساق ٴبىزدىڭ قالاداعى جاعداي اسا كۇردەلى ەكەنىن ٴتۇسىنۋ قيىن ەمەس. ماماندار سىرقاتتىڭ العاشقى باستالۋ كەزەڭىندە انىقتالۋى ەمدى ەرتەرەك باستاۋعا جول اشاتىنىن ايتۋدا. سىرقاتتاردىڭ جاستارى بويىنشا سارالاساق 35-40 جاس ارالىعىنداعى تۇرعىندار اراسىن- دا مۇنداي سىرقاتتاردىڭ سانى ٴسال ازايعانىمەن 60-تان كەيىن ولاردىڭ قاتارى وسكەنىن بايقاۋعا بولادى. مۇنداي اۋرۋعا نەگىزىنەن ايەلدەر جانە جۇمىس ىستەمەيتىن توپتاعىلار كوبىرەك شالدىعادى. وبىر اۋرۋىنىڭ ٴتۇرى كوپ. ادام اعزاسىنىڭ ٴتۇرلى بولىگىندە شامامەن 20 ٴتۇرلى وبىر سىرقاتى ٴورىس الۋى كەزدەسىپ ٴجۇر. سونىڭ ىشىندە ەڭ كوپ تاراعانى جانە بۇگىنگى تاڭدا ٴبىرىنشى ورىندا تۇرعانى تەرى وبىرى، ال ايەلدەردىڭ ٴسۇت بەزى سىرقاتى ەكىنشى، وكپە وبىرى ٴۇشىنشى ورىندا بۇلاردان كەيىن تىك ىشەك، ەرلەر اراسىنداعى سىرقاتتار كوبىرەك تارالعان. تەمىرتاۋ قالاسىندا تۇرعىنداردىڭ جاس، فيزيولوگيالىق، جۇمىس ەرەكشەلىكتەرىنە وراي دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىستارىمەن وندىرىستىك جانە تۇقىمقۋالاۋشىلىق اۋرۋلاردى دەر كەزىندە انىقتاۋ، اسقىنۋلارعا جول بەرمەۋ شارالارى جاسالعان. سوعان قاراماستان وسى سىرقات سالدارىنان قايتىس بولعاندار سانى دا ٴوسىپ وتىر. ماسەلەن سوڭعى ٴبىر جىلدا ٴاربىر 100 مىڭ تۇرعىنعا شاققاندا ٴولىم كورسەتكىشى 4،6 سانعا ٴوستى. سوندىقتان اركىم ٴوزىنىڭ تۇرعىلىقتى جەرى بويىنشا ەمحانالارعا دەر كەزىندە بارىپ سكرينينگتىك تەكسەرىستەرگە مۇقيات قاتىسىپ ٴوز دەنساۋلىقتارىنا جاۋاپكەرشىلىكپەن قاراۋى قاجەت.

ٴوز تىلشىمىزدەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي