BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قۇرىلىس جۇمىسىندا توقتاۋ جوق

بۇكىل الەمدى جايلاعان ەكونوميكالىق داعدارىس كەزىندە دە ٴبىزدىڭ مەملەكەتىمىز ٴبىرىنشى كەزەكتە الەۋمەتتىك نىسانداردىڭ حالىققا ٴمىنسىز قىزمەت كورسەتۋىن، ولارداعى جاعدايلاردىڭ قازىرگى تالاپقا ساي بولۋىن باستى نازاردا ۇستاپ وتىر. بۇعان دالەلدى الىستان ىزدەپ تە قاجەتى جوق. ماسەلەن، بۇرىنعى 27 مىڭنان ون ەكى مىڭنىڭ ار جاق بەر جاعىندا حالقى قالعان ٴبىزدىڭ كاتونقاراعاي وڭىرىندە سول بۇرىنعىسىنشا اۋرۋحانا مەن مەدپۋنكتتەر، اۋىلدىق دارىگەرلىك امبۋلاتوريالار ۇستالىنىپ، جىل سايىن ولار كەزەكپەن اعىمداعى جوندەۋدەن وتكىزىلىپ كەلەدى. بيىلعى جازدا كاتونقاراعاي اۋدانارالىق اۋرۋحاناسى بويىنشا جەتى مەدپۋنكتتى اعىمداعى جوندەۋدەن وتكىزۋ جوسپارلانعان بولاتىن.

بۇگىندە ولاردىڭ التاۋىندا قۇرىلىس جۇمىستارى جۇرگىزىلىپ جاتىر. مەملەكەتتىك تاپسىرىستاردى كونكۋرستا ۇتىپ العانداردىڭ ىشىندە ەسكى عيماراتتاردى قالپىنا كەلتىرۋ ىسىندە بىرنەشە جىلدان بەرى مول تاجىريبە جيناپ، ساپالى جۇمىسىمەن، ەلگە، جەرگە دەگەن پاتريوتتىق سەزىمىمەن تانىلعان «يساتاي» جشس دە بار.بيىل ول بارلىق ، كوروبيحا جانە شىڭعىستاي اۋىلدارىنداعى مەدپۋنكتتەردى جوندەۋدى قولعا الىپتى. تاپسىرىس بەرۋشى وبلىستىق دەنساۋلىق ساقتاۋ باسقارماسىنىڭ جەرگىلىكتى جەردەگى وكىلى ا. قادىربايەۆتىڭ ايتۋىنشا، ٴۇش نىساندا دا قۇرىلىس جۇمىستارى ٴوز ۋاقىتىندا باستالعان.

سونىمەن بىرگە، ولارداعى جۇمىس قارقىنى جامان ەمەس. ماسەلەن، شىڭعىستاي اۋىلىنداعى سمەتالىق قۇنى بەس ميلليونعا جۋىق تەڭگە تۇراتىن مەدپۋنكت ٴۇيىنىڭ قۇرىلىس جۇمىستارى ەندى ٴبىر ونشاقتى كۇننىڭ ىشىندە تولىعىمەن اياقتالماق. مۇندا نەگىزىنەن تۇرعىلىقتى ازاماتتاردان قۇرالعان بريگادا ەڭبەك ەتەدى. وتكەن ايدىڭ ونىنان جۇمىستارىن باستاعان ايدارحان نۇرساپاروۆ، ازامات مۇقاشەۆ، ارحات مۇكەنوۆ، دامير تالعاتوۆ، ەربولات بوگىستانوۆ مەدپۋنكتتىڭ شاتىرىن شاتىرلاپ، سىرتىن قاپتاپ، اينالاسىن قورشاپ، ىشكى قابىرعالارىن تۇزەتىپ، تەمىردەن ەسىك قويعان. ەندىگى كەزەكتە پلاستيكالىق تەرەزەلەردى قويىپ، سىرتقى تابالدىرىقتى ورناتىپ، ەلەكترمەن جىلىتۋ جۇيەسىن جۇرگىزۋ جۇمىستارى تۇر.

- قۇرىلىس ماتەريالدارىنان ەش تاپشىلىق جوق،-دەيدى بريگادير ا. نۇرساپاروۆ.-كۇن ارالاتىپ سەرىكتەستىكتىڭ باسشىسى ەرتاي كەشىلبايەۆ كەلىپ، مۇنداعى جاعدايدى كورىپ، جۇمىسىمىزدى باقىلاپ كەتەدى. ازىرگە تاپسىرىس بەرۋشى مەن باسشىمىزدان ونداي ەسكەرتۋ العامىز جوق. كەيبىر ماسەلەلەردى بىرلەسىپ، اقىلداسىپ شەشىپ كەلەمىز. ە. كەشىلبايەۆ العاشقى كۇننەن جۇمىستىڭ ساپاسىن باستى نازاردا ۇستاۋدى تالاپ ەتكەن. سول تالاپتى مۇلتىكسىز ورىنداۋمەن كەلەمىز. تالاپ پەن جاۋاپكەرشىلىك بار جەردە، جۇمىستىڭ دا ناتيجەلى، ساپالى بولاتىنى بەلگىلى. ولاي بولسا، شىڭعىستاي مەدپۋنكتىنىڭ يەلەرى مەن اۋىل تۇرعىندارىن قولايلى مەدپۋنكت ۇيىمەن قۋانتانتىن كۇن دە الىس ەمەس.

ماتەريالداردى دايارلاعان جانىبەك قىزىر.
سۋ رەت اۆتوردىكى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي