BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستانايلىقتاردىڭ قۋانىشى ەسەلەنە ٴتۇستى

ۇلىق مەيرام قۇربان ايت قارساڭىندا قوستانايلىقتاردىڭ قۋانىشى ەسەلەنە ٴتۇستى. وبلىس ورتالىعىندا ٴدال وسى ۋاقىتقا دەيىن قۇرىلىسى توقتاپ تۇرعان اللا ٴۇيى مەرەكە كۇنى ەسىگىن ايقارا اشىپ، جۇرتشىلىقتى قۋانىشقا بولەدى. سونداي-اق، ارمان-1 مولتەك اۋدانىنداعى "ارمان قالا" تۇرعىن ٴۇي كەشەنى ٴوز يەلەرىن قارسى الدى. بۇگىن باسپانا كەزەگىندە تۇرعان دارىگەرلەر مەن مۇعالىمدەر، كوپ بالالى وتباسىلار قونىس تويىن تويلاپ وتىر. ٴۇي يەلەرىنە پاتەر كىلتىن وبلىس اكىمى ارحيمەد مۇحامبەتوۆ كەلىپ تاپسىردى.

-الدىمەن، بارشاڭىزدى قۇربان ايت مەرەكەسىمەن شىن جۇرەكتەن قۇتتىقتايمىن! مىنە، ەلباسى نۇرسۇلتان ٴابىش ۇلىنىڭ تاپسىرماسىمەن قابىلدانعان "نۇرلى جول" باعدارلاماسىنىڭ اياسىندا وسىنداي قۋانىشقا كەنەلىپ وتىرمىز. بۇگىن 94 قوستانايلىق وتباسى باسپانالى بولىپ، ٴوز قونىستارىنا كەلىپ جايعاسۋدا. قازىرگى تاڭدا تۇرعىن ٴۇي ماسەلەسىن شەشۋ ٴۇشىن ٴبىرقاتار جوبالار قولعا الىنعان. بۇدان بولەك، اۋەجاي شاعىن اۋدانىندا كوپقاباتتى ۇيلەردىڭ قۇرىلىسى قارقىندى ٴجۇرىپ جاتىر. جۋىق ارادا ول جاقتا دا قونىس تويى تويلاناتىن بولادى. سونىمەن قاتار، رۋدنىي قالاسىندا، قوستاناي اۋدانىنداعى زاتوبول كەنتىندە دە كوپ قاباتتى ۇيلەر سالامىز. تاعى دا قونىس تويلارىڭىز قۇتتى بولسىن!-دەدى وبلىس اكىمى. كەيىن ٴوڭىر باسشىسى جاس وتباسى قايران مەن سالتانات مۇحانعاليەۆالاردىڭ جاڭا پاتەرىنە باس سۇقتى.

قۋانىشتى بولىسۋگە وتاعاسى قايراننىڭ اكە-شەشەسى دە كەلىپتى. قوس قاريانىڭ قۋانىشىندا شەك جوق. كەلگەن قوناقتارعا العىستارىن جاۋدىرىپ، استان ٴدام تاتقىزدى. مۇحانعاليەۆتەر 2014 جىلى پاتەر كەزەگىنە تۇرعان. مىنە، اراعا بار-جوعى ەكى-اق جىل سالىپ، قونىس قۋانىشىنا قول جەتكىزىپ وتىر. قايران قوستانايداعى سالىق باسقارماسىندا ەڭبەك ەتەدى. ەكى قىز تاربيەلەپ وتىرعان جۇبايى ەكەۋى كەزەكتىڭ جىلدام وتە شىققانىنا ٴدان ريزا.-ازىرشە ايتارعا ٴسوز تابۋ قيىن. بىزگە بۇدان اسقان سىي جوق شىعار. جاڭا اۋداندا، جاڭا پاتەرگە يە بولىپ وتىرمىز. ەلىمىزدەگى بارلىق جاس وتباسىلاردا ٴدال وسىنداي قۋانىش بولسىن! — دەيدى جاڭا پاتەر يەسى قايران مۇحانعاليەۆ.

كەنجە قونىسباي.

سۋرەتتەردى تۇسىرگەن ايبەك ٴجۇزباي

www.kostanaytany.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي