BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قالتا شايىنىڭ زيانىن بىلە ٴجۇرىڭىز...

قازىرگى اسىققان زاماندا شاينەك قايناتىپ، شايدى جاقسىلاپ دەمدەيتىن ۋاقىت تابىلماي قالادى. سۋدى قايناتۋدىڭ ٴوزىن ەلەكترگە مىندەتتەدىك. ونىڭ زيانى تۋرالى كەيىنىرەك. بۇگىن تەز دەمدەلەتىن قالتا شايىنىڭ زيانى تۋرالى ٴسوز قوزعايىق.

شايدى قالتاشالارعا وراۋدى كىم ويلاپ تاپتى؟ بۇل جايلى بىرنەشە پىكىر بار. كەيبىر جازبالاردا 780 جىلى قىتايلىق لۋك لۋدىڭ شايدى جۇقا قاعازعا وراپ دايىنداعانى جازىلعان. باسقالارى شاي قالتاشالارى سوعىس كەزىندە، شاي جانە كوفە ماماندارى كەزدەيسوق پايدا بولدى دەپ جاتادى. شاي قالتاشالارى تەك 1952 جىلى ليپتون كومپانياسىمەن پاتەنتتەلدى. قالتاشاداعى شاي ۇنتاعى ساپاسىز، ناشار شاي تۇرلەرىنەن جاسالادى، ٴتىپتى دەنساۋلىققا زيان، قاتتى ۇنتاقتالعان شايدىڭ اراسىندا توزاڭ، كىر بولۋى مۇمكىن دەگەن پىكىر قانشالىقتى دۇرىس؟ شىن مانىندە قالتاشاداعى شاي قاتتى ۇنتاقتالعان بولۋى كەرەك، سەبەبى شايدىڭ جاپىراقتارى قالتاشادا مۇلدەم ٴتۇس پەن ٴدام بەرمەيدى.

كەرىسىنشە، قاتتى ۇنتاقتالعاندىقتان، مۇنداي شاي تەزىرەك قىزارىپ، ٴدام بەرەدى. زەرتتەۋلەر كورسەتكەندەي، قالتاشاداعى شايدا كوفەين، تانين، باسقا دا بيولوگيالىق بەلسەندى زاتتاردىڭ مولشەرى قاراپايىم شايدان از ەمەس. مامانداردىڭ ايتۋىنشا، قالتاشا شايى قاراپايىم شايدان كەم ەمەس. ٴبىراق بۇل تەك جوعارى ساپالى، قىمبات شاي قالتاشا تۇرلەرى جايلى ايتىلعان. جاقسى قالتاشا شايىنىڭ باعاسى قاراپايىم شايدان الدەقايدا جوعارى بولادى. بۇل قالتاشاعا وراۋعا كەتكەن قاراجاتقا بايلانىستى. ال ارزان، ساپاسىز تۇرلەرى شاي قالدىقتارى، بوياعىش زاتتار، دامدەۋىشتەرگە تولى بولادى. سونداي- اق قۇرامىندا حيميالىق قوسپالار تىم كوپ شاي قالتاشالارىندا فتوريد شاماسى جوعارى. بۇل حيميالىق تۇزداردىڭ كوپ مولشەرى اعزاعا وتە ٴقاۋىپتى. ارينە، قالتاشاداعى شاي تەك پايدالى نە تەك زيان دەپ ايتۋعا بولمايدى. بۇل ونىڭ تۇرىنە، ساپسىنا، قۇرامىنا بايلانىستى بولادى. مىسالعا جاقسى شاي تۇرلەرى ارنايى تەحنولوگيالار ارقاسىندا وزىنە شايدىڭ جاقسى قاسيەتتەرىن ساقتاپ قالادى. شايدىڭ ساپاسىن تەكسەرۋ ٴۇشىن ونى سۋىق سۋعا مالىپ كورىڭىز. سۋ تەز قىزىلعا بويالسا، دەمەك سىزدەگى شاي بويالعان. ونىڭ ساپاسى ناشار، ٴدامى دە ويداعىداي ەمەس. قالتاشاداعى شايدى ىشۋ-ىشپەۋ سۇراعىنا جاۋاپ ىزدەگەندە التىن ورتالىقتى ۇستانعان ٴجون. جۇمىستا، جولدا قالتاشا شايىن ىشۋگە ابدەن بولادى، الايدا ونىڭ جاقسى، ساپالى تۇرلەرىن تاڭداڭىز. ال ۇيدە قالتاشاداعى شايعا جوق دەپ ايتىڭىز دا، اسىقپاي شاي دامدەۋگە ەرىنبەڭىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي