BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يماندىلىق – ادامگەرشىلىكتىڭ اسىل قاسيەتى

ٴومىر – سىناق، جاقسىلىقپەن قوسا قيىندىقتار دا قاتار جۇرەدى. سول قيىندىقتارعا مويىماي سابىرلىق تانىتۋ – ٴبىزدىڭ ٴىسىمىز. ادامزاتتى ادامگەرشىلىك تۇعىرىنا جەتەلەيتىن، ادالدىققا، مەيىرىمدىلىككە، پاراساتتىلىققا اپاراتىن جول – يماندىلىق. مىنە، وسىنداي قاسيەتتەردى بويىنا ٴسىڭىرىپ، حالىقتى يماندىلىققا، سابىرلىققا شاقىراتىن ادامداردىڭ ٴبىرى - ساران قالالىق مەشىتىنىڭ باس يمامى ساليكوۆ مۇقامەتقالي ساپارعالي ۇلى. بيىل مۇقامەتقالي قاجى ساپارعالي ۇلى مەرەيلى 55 جاسقا تولىپ وتىر. وسىعان وراي باس يمامدى مەرەيتويىمەن قۇتتىقتاپ، سۇحباتتاسىپ قايتقان ەدىك.

- مۇقامەتقالي ساپارعالي ۇلى، مەرەيتويىڭىز قۇتتى بولسىن! ٴوزىڭىز جايلى ايتىپ وتسەڭىز؟

- راحمەت. مەن 1961 جىلى 5 جەلتوقساندا بۇرىنعى ۋليانوۆ اۋدانى، پۋشكين سوۆحوزى (قازىرگى بۇقار جىراۋ اۋدانى، اقبەل اۋىلى)، الاباس اۋىلىندا دۇنيەگە كەلدىم. 1979 جىلى 10 جىلدىق مەكتەپتى ٴبىتىرىپ، 1980 – 1982 جىلدارى əسكەر قاتارىندا ازاماتتىق بورىشتى وتەدىم. əسكەر قاتارىنان ورالعان سوڭ، رتب كەنتىندەگى تەحنولوگيالىق تەحنيكۋمىندا ٴبىلىم الىپ، 1994 جىلى ساران قالاسىنىڭ بۇرىنعى مەشىتىندە ازانشى جəنە مولدا بولىپ باستادىم. 2000 جىلى ساران قالالىق مەشىتىنە يمام بولىپ تاعايىندالدىم. 2003 جىلى الماتى قالاسىنداعى «يمامداردىڭ ٴبىلىمىن جەتىلدىرۋ» يسلام ينستيتۋتىندا وقىپ، ديپلوم الىپ شىقتىم. وسى جاقتا وتباسىن قۇرىپ، جۇبايىم گۇلميرامەن بىرگە 2 قىز، ٴبىر ۇل تəربيەلەپ وسىردىك. ۇلكەن قىزىمىز ٴمولدىر – ساران قالاسىندا ٴمۇعالىم قىزمەتىن اتقارىپ جۇرسە، ەكىنشى قى زىمىز ماحاببات – كəسىپكەر. نۇرسۇلتان اتتى ۇلىمىز كولىك تاسىمالداۋ سالاسىندا قىزمەت ەتسە، كەلىنىمىز ايگەرىم – سوت سالاسىنىڭ قىزمەتكەرى. نۇريسلام، اللانازار اتتى ەكى جيەن-نەمەرە ٴسۇيىپ وتىرمىز.

- ٴدىن سالاسىنا قالاي كەلدىڭىز؟

- اتام ناماز وقىپ، دىنگە بەرىلگەن ادام بولعان. بالا كەزىمىزدە ٴبىزدى قاسىنان تاستامايتىن ٴəلىپبيدى، تاسپيح تارتۋ ٴتəرتىبىن ۇيرەتتى. ۇنەمى ورازا كەزىندە سəرەسىنە وياتىپ، تاراۋىق نامازىنا قاتىستىراتىن. سودان بەرى ىنتا قويىپ، 90-جىلدارى نامازعا جىعىلىپ، مەشىتكە بارىپ ٴجۇردىم. ساران مەشىتىندە ەڭ ٴبىرىنشى ٴدəرىس العان ۇستازىم ايدوس دەگەن يمام جəنە 95 جىلدارىساران مەشىتىندە باس يمام بولعان قانات سانسىزبايەۆ بولدى. مىنە، سودان بەرى ٴدىن جولىندا ٴجۇرمىن.

- تىلەر تىلەگىڭىز

- ەڭ ٴبىرىنشى – يماندىلىق. يماندىلىق – ادامگەرشىلىكتىڭ اسىل قاسيەتى. حالىققا، əر وتباسىنا يماندىلىق پەن سابىرلىق تىلەيمىن. كوپ نəرسەگە سابىرلىق تانىتۋ قاجەت.

əر نəرسەگە اقىلمەن قاراۋ، قاناعاتشىلىق، جاناشىرلىقپەن قاراۋ كەرەك، ەلىنىڭ پاتريوتى بولۋ قاجەت دەپ ويلايمىن. əر ادام ٴوز ىسىنە جاۋاپتى بولسا، بەرەك، ىنتىماق بولادى. مىنە، سوندا باياندى بولاشاق بولماق. سوندىقتان، تىلەيتىنىم دە ايتارىم دا ول – يماندىلىق، سابىرلىق، قاناعاتشىلدىق. مۇقامەتقالي قاجى ساپارعالي ۇلى قىزمەت ەتكەن جىلدار ىشىندە ەڭبەگى ەلەنىپ، ەل- باسىنىڭ «تəۋەلسىزدىكتىڭ 10 جىلدىعىنا وراي» توسبەلگىسىمەن، وبلىس جəنە قالا əكىمىنىڭ بىرنەشە ماقتاۋ قاعازدارى مەن العىس حاتتارىنا يە بولعان. قالامىزدىڭ باس يمامى مۇقامەتقالي قاجى ساپارعالي ۇلىن مەرەيتويىمەن قۇتتىقتاپ، زور دەنساۋلىق، وتباسىنا اماندىق، ەڭبەگىنە جەمىس، قاجىماس قايرات تىلەيمىز!

سۇحباتتاسقان نۇربانۋ بايمۋحامبەتوۆا سۋرەتتى تۇسىرگەن اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي