BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەڭبەك - ەر اتاندىرادى

قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ «قازاقستان رەسپۋبليكاسىنداعى كاسىبي مەرەكەلەر جانە اتاۋلى كۇندەر تۋرا- لى» جارلىعىنا سايكەس قاراشا ايىنىڭ ٴۇشىنشى جەكسەنبىسىندە اۋىل شارۋاشىلىعى قىزمەتكەرلەرىنىڭ كۇنى اتاپ وتىلەدى. ەگەمەندى ەلىمىزدىڭ دامۋىندا ەلەۋلى ۇلەسى بار اۋىل شارۋاشىلىعىنىڭ ەڭ باستى جانە ماڭىزدى سالاسى ەگىن شارۋاشىلىعى. قازىرگى تاڭدا بۇل سالا جوعارى دەڭگەيدە مەحانيكالاندىرىلعان. مەرەكە اياسىندا «ەشىم-استىق» جاۋاپكەرشىلىگى شەكتەۋلى سەرىكتەستىگىندە مەحانيزاتور بولىپ قىزمەت ەتەتىن توربايەۆ سەرىكپاي ايتجان ۇلىمەن جۇزدەسىپ، ەڭبەكقور ازاماتتىڭ تى- نىس تىرشىلىگىمەن تانىسىپ قايتتىق. «ەشىم-استىق» جاۋاپكەرشىلىگى شەكتەۋلى سەرىكتەستىگى بيىلعى ەگىن جيناۋ ناۋقانىڭ قىركۇيەك ايىندا ويداعىداي اياقتادى. جينالعان داقىلداردىڭ ورتاشا ونىمدىلىگى وتكەن جىلمەن سالىستىرعاندا ٴبىرشاما جوعارى. اعىمداعى جىلدىڭ بەرەرى مول بولاتىنى ىلعالدىڭ جاقسى تۇسۋىنەن بولجام جاسالسا دا، جاقسى ٴونىم الۋدا شارۋاسىن دۇرىس قامداعان جۇمىسكەرلەردىڭ ۇلەسى زور بولدى. بىتىك شىققان ەگىندى تەز ارادا جيناپ، قامباعا قۇيىپ الۋ وڭاي شارۋا ەمەس. ەشىم اۋىلىنىڭ تۇرعىنى سەرىكپاي ايتجان ۇلى ارقالىق كاسىپتىك – تەحنيكالىق وقۋ ورنىن «اۋىل شارۋاشىلىعىن اۆتوماتتاندىرۋ-ەلەكترافيكاسيالاۋ» ماماندىعى بويىنشا ٴتامامداپ، وتان الدىڭداعى ازاماتتىق بورىشىن الماتى قالاسىندا وتەگەن. ەڭبەك جولىن ەڭ العاشىندا جارقايىن اۋدانىنان باستاپ، شەتەلدىڭ وزىق تەحنيكاسىمەن تانىسىپ، قىزىعۋشىلىعى ارتا تۇسكەن. «ەشىم-استىق» سەرىكتەستىگىندە 8 جىلدان بەرى وزىنە جۇكتەلگەن مىندەتتەردى ابىرويمەن اتقارىپ كەلە جاتىر. وسى جىلدار توڭىرەگىندە مول تاجىريبە جيناپ ۇلگەرگەن مەحاني- زاتور، ەگىن شارۋاشىلىعىنىڭ قىر- سىرىن مەڭگەرگەنىڭ جاسىرمادى. ەگىن شارۋاشىلىعىنىڭ دامۋى كوپتەگەن فاكتورلارعا تاۋەلدى. ەڭ باستىسى، بۇل ارينە تابيعاتتىڭ جومارتتىعى. ايتۋىنشا، سەرىكتەستىككە كەلگەن جىلدارى 4 ماۋسىم بويى «اكروس» كومباينىڭدا ىستەگەن. سوڭعى ەكى جىلدان بەرى «دجوندير» شەتەل كومباينىندا جۇمىس ىستەپ جاتىر. بيداي، ارپا، س ۇلى ەگۋدە كۇندىز- ٴتۇنى تەر توگىپ، ەكى اۋىسىم بويىنشا ون التى جۇمىسشى ىستەيدى ەكەن.

تاجىريبەسى مول مەحانيزاتور ەگىن ەگۋدە جاڭا زاماننىڭ سۇرانىسىنا ساي كەلەتىن «كەيس» كەشەنىنىڭ تيىمدىلىگىن اتاپ ٴوتتى. بيىلعى جىلى ەگىن جيناۋ ناۋقانىنا 14 كومباين قاتىسقان: 4 «دجوندير»، 4 «اكروس»، 6 «كەيس». سەرىكپاي ايتجان ۇلى جۇمىستىڭ تابىستىلىعىن ارتتىرۋدا ماڭىزى زور زاماناۋي تەحنيكالارعا كۇتىمنىڭ قاجەتتىلىگىن جانە بۇل ٴار جۇمىسشىعا جۇكتەلگەن ۇلكەن جاۋاپكەرشىلىك ەكەندىگىن ايتتى. تاتۋلىعى مەن بىرلىگى جاراسقان ۇجىمدا قازىرگى ۋاقىتتا جاستار دا قىزۋ جۇمىسقا كىرىسىپ كەتكەن. ال جاڭا تەح- نيكالاردى ەش قيىندىقسىز مەڭگەرگەن اعا بۋىن جاس ۇرپاقتى ۇيرەتۋدە. جاستاردىڭ زور ىقىلاسپەن وسىنداي قىزۋ ەڭبەككە اتسالىسۋى ماقتانارلىق جاعداي ەكەنى ٴسوزسىز. اۋىلدا ەكى قولعا ٴبىر كۇرەك تاۋىپ، وسىلايشا ەگىس دالا- سىندا ەڭبەك ەتۋ پايداسى زور ٴىس.

بۇل سالا ەڭبەكقورلىقتى، جاۋاپكەرشىلىك پەن ۇلكەن شىدامدىلىقتى تالاپ ەتەدى. قازاق حالقىنىڭ قايتالانباس دانا تۇلعالارىنىڭ ٴبىرى ج.ايماۋىتوۆتىڭ مىنا سوزدەرى ەسكە ٴتۇسىپ وتىر: «قازاق جاستارىنا ماماندىقتىڭ جامانى جوق، ٴبىراق، مۇنىڭ كەز كەلگەنىنە يكەمدىلىك قاجەت، بۇل ٴجاي كۇنەلتۋ، تاماق، اسىراۋدىڭ عانا جولى ەمەس، ۇلكەن ونەردى، زور شەبەرلىكتى قاجەت ەتەتىن پروسەسس». كۇزگى جۇمىستاردى اياقتاپ، كوكتەمگى ەگىس ناۋقانىنا دايىندىق جاساپ، ەرتەڭىنە زور سەنىممەن قاراعان اۋىل ازاماتى بۇل جاعدايىنا شۇكىرشىلىك ەتەدى. وتباسىنىڭ اسىراۋشىسى، ارقاسۇيەر وتاعاسى سەرىكپاي ايتجان ۇلى اياۋلى جارىمەن بەس بالا تاربيەلەپ وتىرعان اسقار تاۋداي اكە. تاۋەلسىز ەلىمىزدىڭ ەرتەڭگى تىرەگى بولاتىن بۇلدىرشىندەردىڭ تاربيەسىنە كوپ كوڭىل بولەدى. وتباسى تاربيەسىنىڭ ٴمان-ماڭىزىن اشىپ كورسەتە وتىرىپ، بالالاردى ەڭبەككە باۋلۋ الداعى ومىرگە دايارلاۋدا وتە ماڭىزدى ەكەندىگىن اتاپ ٴوتتى. اۋىل شارۋاشىلىعى قىزمەتكەر- لەرىنىڭ كۇنى قارساڭىندا مەكتەپتە مەرەكەلىك ٴىس-شارا ۇيىمداستىرىلىپ، ەگىن سالاسىندا ايانباي قىزمەت ەتىپ جۇرگەن جۇمىسشىلاردىڭ مەرەيىن ارتتىردى. ەڭبەكقور ازاماتتىڭ ايتۋىن- شا، وقۋشىلار اشارشىلىق جىلدارىن سيپاتتاپ، نان تۋرالى كورىنىس قويعان. وسكەلەڭ ۇرپاقتىڭ ەگىن شارۋاشىلىعىن قۇرمەت تۇتىپ، «اس اتاسى -نان» دانالىعىنىڭ ەستەرىنەن شىعارماي قاستەرلەۋى قۋانتارلىق جاعداي. ەڭبەكقورلىعىمەن ەلگە ۇلگىلى مەحانيزاتور سەرىكپاي ايتجان ۇلى «ەڭبەك ەر اتاندىرادى» دەگەن ماتەلدىڭ تەگىن ايتىلماعانىن دالەلدەي ٴتۇستى.

گ. داۋرەنبەكوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي