BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەل مەرەيى

ٴاربىر ەلدىڭ ۇلتتىق ماقتانىشى مەن بايلىعى - ٴتىل. ول اتادان بالاعا ميراس بولىپ قالىپ وتىراتىن باعا جەتپەس مۇرا. دەمەك، ٴار ادام انا ٴتىلىن كوزىنىڭ قاراشىعىنداي قورعاۋعا، ونىڭ ورىنسىز شۇبارلانۋىنا جول بەرمەۋ كەرەك. ەجەلگى قازاق جەرىندە تاۋەلسىزدىك تاڭىنىڭ ەلەڭ-الاڭىندا، ياعني 1989 جىلى قازاق ٴتىلى مەملەكەتتىك مارتەبە يە بولعان-دى. 1995 جىلى قابىلدانعان اتا زاڭنىڭ 7-بابىندا «قازاقستان رەسپۋبليكاسىنداعى مەملەكەتتىك ٴتىل - قازاق ٴتىلى» دەپ تايعا تاڭبا باسقانداي ايقىن جازىلىپ، كونستيتۋسيالىق شەشىم جاسالدى. وسىدان ەكى جىل كەيىن قابىلدانعان "قازاقستان رەسپۋبليكاسىنداعى ٴتىل تۋرالى» زاڭىندا "قازاقستان رەسپۋبليكاسىنىڭ مەملەكەتتىك ٴتىلى - قازاق ٴتىلى" دەپ تاعى دا اتاپ كورسەتىلىپ، ونى بارشا ازاماتتاردىڭ ەركىن جانە تەگىن مەڭگەرۋىنە قاجەتتى بارلىق ۇيىمداستىرۋشىلىق ماتەريالدىق-تەحنيكالىق جاعدايلار جاسالاتىندىعى ايتىلعان بولاتىن. ۇكىمەت وسى زاڭنىڭ جۇزەگە اسۋى جونىندە كوپتەگەن قاۋلى-قارارلار الدى. تىلدەردىڭ قولدانىس اياسىن كەڭەيتۋ باعىتىندا ارنايى مەملەكەتتىك باعدارلامار جاسالدى.

ٴتىل - سويلەۋ مەن ويدى جەتكىزۋدىڭ قۇرالى بولۋمەن قاتار، وتكەندەگى ولجالاردى بۇگىنگى كۇنگە، ال بۇگىنگى پايىمدارىمىزدى كەلەشەككە جەتكىزۋ ۇردىسىندە دە وتە ماڭىزدى دانەكەرلىك مىندەت اتقارىپ كەلەدى. قابىرعالى ەل اتا-بابادان مۇرا بولىپ قالعان جانە قازىرگى ۋاقىتتا جاڭا سينتەزگە، جاڭا بەينەگە، جاڭا كەيىپكەرگە اينالىپ ۇلگەرگەن ٴبىرتۇتاس زەردەلى، اڭسار-مۇراتتى، عىلىمي جەتىستىكتەر مەن بايلىقتاردى يگەرە الاتىن قۇدىرەتتى ٴتىل ارقىلى عانا ماڭگىلىك تۇراقتىلىعىن ساقتاي الادى. سەبەبى، حالىق قاي دەڭگەيدە ٴتىلدىڭ باي قورى مەن كوركەمدىلىگىن ساقتاپ سويلەيتىن بولسا، سوعىرلىم ورەلى ويلايدى: قاي دەڭگەيدە ويلاسا، سول ايادا سويلەيدى. ٴاربىر جۇرەگىم ەلىم دەپ سوققان ادامنىڭ ٴوزىنىڭ حالقىنا، تىلىنە دەگەن ەرەكشە سەزىمى بولاتىنى ٴسوزسىز. ۇلتتىق ساناسى وياۋ عانا ادامنىڭ ٴوز ەلىنىڭ شىن جاناشىرى ەكەنى بەلگىلى. حالقىمىزدىڭ حالىقتىعىنىڭ باستى بەلگىسى - ٴتىلى بولسا، ونىڭ كوركەيۋى ٴۇشىن ٴالى دە تالاي جۇمىستار جاسالۋى قاجەت. وسىعان وراي ادىلەت باسقارماسىندا دا مەملەكەتتىك ٴتىل قازاق ٴتىلىمىزدىڭ دامۋىنا وركەندەۋىنە ەرەكشە نازار اۋدارىلعان. قازاق ٴتىلىنىڭ مارتەبەسىن كوتەرۋ ماقساتىندا قىزمەتكەرلەر اراسىندا سەمينار-كەڭەستەر، دوڭگەلەك ۇستەلدەر وتكىزىلىپ وتىرادى. ٴبىزدىڭ انا ٴتىلىمىزدىڭ تۇعىرىنىڭ مىقتى بولۋى ٴاربىر قازاقستاندىقتاردىڭ مىندەتى.

د.كينديكبايەۆا، ادىلەت باسقارماسىنىڭ ينسپەكتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي