BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالارىمەن باقىتتى

وبلىستىڭ باس حيرۋرگى مارات باشابايەۆ كاتونقاراعايعا كەل- گەن ٴىسساپارىندا كاتونقاراعاي اۋدانارالىق اۋرۋحاناسىنداعى دياگنوستيكالىق قىزمەتتەردىڭ جۇمىسىنا وڭ باعا بەرە وتى- رىپ، اسىرەسە ۋدز (ۋزي) مەن مەن زەرتحانا جاساعان زەرتتەۋلەردە ەشقانداي دا جاڭساقتىق بولمايتىندىعىن سەنىممەن ايتقان بولاتىن.

بۇل زەرتحاناداعى ٴتورت مامانمەن بىرگە زەرتحاناشى بولىپ ەڭبەك ەتىپ كەلە جاتقان عايشا شاكىرتوۆانىڭ ەڭبەگىنە دە بەرىلگەن ٴادىل باعا دەپ بىلگەن دۇرىس. ع. شاكىرتوۆانىڭ ەڭبەك كىتاپشاسىندا «1982 جىلى كاتونقاراعاي اۋداندىق اۋرۋحاناسىنا زەرتحاناشى بولىپ قابىلداندى» دەگەن ٴبىر عانا جازۋ بار. مىنە، سودان بەرى ول تابان اۋدارماي ٴبىر ورىندا 34 جىل تەر توگىپ كەلەدى. ع. شاكىرتوۆا نەگىزىنەن ستاسيونارلىق ٴبولىم زەرت- حاناشىسى. ياعني، ول ستاسيوناردا جاتىپ ەمدەلەتىن ناۋقاستاردان تالداۋ (اناليز) الىپ، ەمدەۋشى دارىگەرگە زەرتتەۋلەرىنىڭ ناتيجەلەرىن بەرىپ، سىرقاتتار اعزالارىنداعى ەم قابىلداعانعا دەيىنگى جانە ودان كەيىنگى وزگەرىستەردى انىقتاپ بەرىپ وتىرادى. عايشا ٴۋالحانقىزى زاماناۋي مەديسينالىق قوندىرعىلاردى جەتە مەڭگەرگەن. ول جاپونيانىڭ رد- 303 ساندىق سپەكتروفوتومەترىمەن دە اۆستراليانىڭ ميكروسكوپىمەن دە، رەسەيدىڭ قاننىڭ قويىلۋ جىلدامدىعىن تەكسەرەتىن اناليزاتورىمەن دە ەركىن جۇمىس ىستەي الادى.

-عايشا شاكىرتوۆا اۋرۋحاناداعى ەڭ تاجىريبەلى قىزمەتكەرلەرىمىزدىڭ ٴبىرى،-دەيدى ول تۋرالى اۋدانارالىق اۋرۋحانا ديرەكتورىنىڭ ورىنباسارى ا. سماعۇلوۆا.-ۇجىمدا سىيلى، ناۋقاستار اراسىندا بەدەلدى. -قىزمەتتە جاقسى مامان، ۇيدە ارداقتى انا بولا بىلگەن عايشا مەن جۇبايى سايران ەرساليننىڭ بالالارى دا مەرەيلەرىن ۇستەم ەتىپ، ۇلكەن ابىرويعا بولەپ كەلەدى. مەكتەپتى دە، جوعارى وقۋ ورىندارىن دا جاقسى باعامەن بىتىرگەن ۇلدارى ايقىن مەن دارحان، قىزدارى ەركەجان ومىردە ٴوز ورىندارىن تاۋىپ، جەتىستىكتەرىمەن اتا-انالارىن قۋانتۋدا.

ماتەريالداردى دايارلاعان جانىبەك قىزىر.

سۋرەتتەر اۆتوردىكى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي