BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالارعا قۋانىش سىيلايىق

ساۋمالكول اۋىلىنىڭ ورتالىعىندا ورنالاسقان قازاقستان رەسپۋبليكاسى مەملەكەتتىك رامىزدەرى كومپوزيسياسىنىڭ جانىندا 1 ماۋسىم –حالىقارالىق بالالاردى قورعاۋ كۇنىنە وراي سالتاناتتى مەرەكەلىك ٴىس-شارا بولىپ ٴوتتى. سالتاناتتى شارا اۋدان ورتالىعىنداعى مەكتەپتەر مەن بالاباقشالاردىڭ 5-12 جاستاعى بۇلدىرشىندەرى مەن جاسوسپىرىمدەرىنىڭ ٴتۇرلى-تۇستى شەرۋىمەن باستاۋ الدى. سالتاناتتى مەرەكەدە اۋدان اكىمى، «نۇر وتان» پارتياسى اۋداندىق فيليالىنىڭ ٴتوراعاسى اعزام تاستەمىروۆ: «بۇگىن ايرىقشا كۇن – حالىقارالىق بالالاردى قورعاۋ كۇنى. بۇل ٴار بالانى قورعاپ، ونىڭ قۇقىقتارىن قۇرمەتتەپ، بەرەكەلى جانە امان وسىپ-جەتىلۋىنە بارلىق جاعدايلاردى جاساۋ كەرەكتىگىن بىلدىرەتىن جارقىن جانە مەيىرىمگە تولى مەرەكە. بىزدەر ٴۇشىن باستى بايلىق – سەندەردىڭ كۇمىس كۇلكىلەرىڭ مەن شاتتىققا تولى كوڭىل-كۇيلەرىڭ. جازعى دەمالىستارىڭدى قىزىقتى وتكىزىپ، كۇش-قايرات جيناپ، دەنساۋلىقتارىڭدى نىعايتۋلارىڭىزعا تىلەكتەسپىن. كوبىرەك وقىپ، وي-ورىستەرىڭدى كەڭەيتىپ، وقۋدا جوعارى جەتىستىكتەرگە جەتىڭدەر. بولاشاقتا تاۋەلسىز مەملەكەتىمىزدىڭ ٴقادىرلى ازاماتتارى بولىپ، وتانىمىزدىڭ يگىلىگى ٴۇشىن ەڭبەك ەتەتىندەرىڭە سەنىمدىمىن» - دەي كەلە، بارشا بالعىنداردى مەرەكەلەرىمەن قۇتتىقتادى. سونىمەن قاتار، اۋدان باسشىسى شىعارماشىلىق جانە وقۋ پروسەسىنە سانالى قارىم-قاتىناسى ٴۇشىن «رودنيچوك» ياسلي-باقشاسىنىڭ تاربيەلەنۋشىلەرى ارمان ەركەمىرزاعا، ناديم گيزاتۋللينگە، «كولوسوك» ياسلي-باقشاسىنىڭ تاربيەلەنۋشىلەرى دامير بيباتىروۆقا، ەنينا دانيليناعا، «بالاۋسا» شاعىن ورتالىعىنىڭ تاربيەلەنۋشىلەرى فارحاد ساليمجۋاروۆقا، مەرۋەرت تولەگەنوۆاعا، ساۋمالكول قازاق ورتا مەكتەبىنىڭ وقۋشىلارى ايسۇلتان بايتەنگە، ارسەن ەشمۇحامبەتوۆكە، №1 ساۋمالكول ورتا مەكتەبىنىڭ وقۋشىلارى ۆالەريا يششەنكوعا، ۆيولەتتا سۋحوۆاعا، جەتىم جانە اتا-انا قامقورلىعىنسىز قالعان بالالارعا ارنالعان ايىرتاۋ مەكتەپ-ينتەرناتىنىڭ وقۋشىلارى دەنيس پوليەنكوعا، رومان يسايكينگە، №2 ساۋمالكول مەكتەپ-گيمنازياسىنىڭ وقۋشىلارى كارينا كوروتيناعا، مەرەي بايماعامبەتكە العىس ايتىپ، قازاقستان رەسپۋبليكاسى – وتانىمىزدىڭ يگىلىگى ٴۇشىن جاڭا جەتىستىكتەرگە جەتە بەرۋلەرىنە تىلەكتەستىگىن ٴبىلدىردى. جانە دە اتالمىش مەرەكەلىك شارادا «شەبەرلەر قالاشىعى» جۇمىس جاساپ، وندا اۋدان ورتالىعىنداعى مەكتەپ وقۋشىلارى مەن بالاباقشا تاربيەلەنۋشىلەرىنىڭ جىل بويى جاساعان قولونەر بۇيىمدارىنىڭ ۇزدىك شىعارماشىلىق جۇمىستارى قويىلعان. جالعاسى اسەم ٴان مەن ىرعاقتى بيگە ۇلاسقان مەرەكەلىك شارانىڭ بارىسىندا ونەرلى، قابىلەتتى بالالارعا ارنالعان «اۆياسالون»، «ۆەرنيساج»، «كوپىرشىكتەر پاۆيلونى»، «شار ۇرلەۋشىلەردىڭ جاتتىعۋ زالى»، «سپورتتىق لاگەر»، «جاس شاحماتشىلار، دويبىشى- لار، قازاقتىڭ ۇلتتىق ويىندارىن ٴسۇيىپ ويناۋشىلار كلۋبى»، «مەنىڭ سۇيىكتى ويىنشىعىم» سەكىلدى ٴتۇرلى سايىستار مەن ويىندار دا ۇيىمداستىرىلدى. 31 مامىر كۇنى ايىرتاۋ اۋدانىنىڭ جۇمىسپەن قامتۋ جانە الەۋمەتتىك باعدارلامالار ٴبولىمىنىڭ ۇيىمداستىرۋىمەن 1 ماۋسىم – حالىقارالىق بالا- لاردى قورعاۋ كۇنىنە وراي «بالالارعا مەيىرىمدىلىك سىيلايىق!» اتتى مۇمكىندىگى شەكتەۋلى بالالارعا ارنالعان مەرەكەلىك ەرتەڭگىلىك بولىپ ٴوتتى. الەمدى تەك قانا جارقىن تۇستە كورەتىن بۇل بالالاردىڭ مەرەكەسىنە اۋدان اكىمى، «نۇر وتان» پارتياسى اۋداندىق فيليالىنىڭ ٴتوراعاسى اعزام تاستەمىروۆ، اردا- گەرلەر كەڭەسىنىڭ ٴتوراعاسى ارميا ٴابىلقايىروۆ، اۋداندىق ٴماسليحاتتىڭ حاتشىسى بەرىك جاناحمەتوۆ قاتىسىپ بالا- لاردى ەلەۋلى مەيرامدارىمەن قۇتتىقتادى. مەرەكەگە وراي اۋدان باسشىسى اعزام احمەتجانوۆتىڭ ٴوز قولىنان سىيلىق تولى قالتا العان بالعىنداردىڭ ٴجۇزى وسى ٴبىر قۋانىشقا تولى كۇندە بال-بۇل جانىپ تۇردى. مەرەكەلىك ەرتەڭگىلىكتىڭ ٴسانىن كىرگىزىپ، بالالاردى مەرەكەمەن قۇتتىقتاعان ونەرپازداردىڭ ورىنداۋىندا ٴان ايتىلىپ، بي بيلەنىپ، قازاقتىڭ قارا دومبىراسىنىڭ كۇمبىرلەگەن قوڭىر ۇنىمەن كۇي دە تارتىلدى. شارانىڭ سوڭىندا ٴسوز سويلەۋ قۇرمەتىنە يە بولعان اتا- انالار بالاپاندارىمىزدىڭ دەنساۋلىعىن تارازى سالعان بۇل دا ٴبىر تاعدىردىڭ سىناعى بولىر، ەڭ باستىسى بالالارىمىز اۋىرماسىن، اتا-انالارعا ٴتوزىم بەرسىن دەگەن جاسقا تولى جانارمەن جۇرەكجاردى لەبىزدەرىن ارنادى.

ماقپال الماعانبەتوۆا، سۋرەتتى تۇسىرگەن اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي