BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باعا باقىلاۋدا

قالامىزداعى „كاسىپكەرلىك جانە اۋىل شارۋاشىلىعى ٴبولىمىنىڭ تىكەلەي ۇيىتقى بولۋىمەن اۋىلشارۋاشىلىق جارمەڭكەلەرىنىڭ تۇراقتى تۇردە ٴوتىپ كەلە جاتقانىن اتاپ ايتۋعا بولادى. ٴار سەنبى سايىن تۇرعىندار وزدەرىنە قاجەتتى ازىق- تۇلىكتەرىن، ياعني ەت، ٴسۇت، باۋ-باقشا ونىمدەرىن قولجەتىمدى باعامەن ساۋدالۋدا. ەڭ باستىسى، ەشقانداي دەلدالسىز، ٴونىم وندىرۋشىلەردىڭ وزدەرىنەن تىكەلەي ساتىپ الۋ ارقىلى باعانى تۇراقتاندىرۋعا قول جەتىپ وتىر، اسىرەسە، قازىرگى داعدارىس جاعدايىندا بۇل وتباسىلىق بيۋدجەتكە ايتارلىقتاي سالماق سالماي، ەسەسىنە ٴتيىمدى سا- ۋدا جاساۋعا مۇمكىندىك تۋدىرىپ وتىر. قورىتىندىسىندا، تاۋار ٴوندىرۋشى دە، تۇتىنۋشى دا ٴدان ريزا، وعان قوسا جارمەڭكەدەگى باعا قالامىزداعى ساۋدا ورتالىقتارى مەن بازارداعىدان 15-20 پايىز تومەن. - ۇستىمىزدەگى 2016 جىلدىڭ ٴقاڭتار-ساۋىر ايلارىندا قالادا 16 الەۋمەتتىك جارمەڭكە ٴوتىپ، ناتيجەسىندە جالپى سوماسى 37،3 ملن. تەڭگە تۇراتىن - 79،1 توننا ٴونىم ساۋدالاندى. ونىڭ ىشىندە ەت ونىمدەرى — 33،2 توننا، ال كوكونىس ونىمدەرى — 45،9 توننا. جارمەڭە كورىگىن قىزدىراتىندار وبلىس اۋماعىنداعى بۇقار جىراۋ، وساكاروۆ جانە اباي اۋداندارىنىڭ شارۋالارى، سونىمەن قاتار جەرگىلىكتى اۋىل شارۋاشىلىعى تاۋارىن وندىرۋشىلەر، - دەيدى كاسىپكەرلىك جانە اۋىلشارۋاشىلىعى ٴبولىمىنىڭ باسشىسى سامات زياشەۆ. ەگەر وتكەن جىلدارعا زەر سالار بولساق، 2011 جىلدان كۇنى بۇگىنگە دەيىن جارمەڭكەلەر سانى جىل سايىن ارتىپ كەلە جاتقانىن بايقاۋعا بولادى. ۇستىمىزدەگى جىلى وسىعان وراي 510 مەموراندۋم جاسالعانىن ايتساق تا جەتكىلىكتى. ارينە، قىس بويى تۇرعىنداردى ساپالى ونىمدەرمەن قامتۋدىڭ ماڭىزى ەرەكشە، بۇل رەتتە ەكى كوكونىس ونىمدەرىن ساقتايتىن ورىننىڭ جۇمىسى جايىندا دا ايتا كەتكەنىمىز ابزال. ولاردىڭ العاشقىسى „تەمىر اگرو„ جشس، وندا 200 توننا ٴونىمدى ساقتاۋ مۇمكىندىگى بار، مىسالى، بيىل 28 توننا كارتوپ، 4،7 توننا قىرىققابات، 6،1 توننا پياز، 3،6 توننا قىزىلشا ساقتالعان. ال ەكىنشى ساقتاۋ ورنى „اگروپرودتورگ„ جشس-نىڭ ەنشىسىندە. مۇنىڭ سىيىمدىلىعى 400 تونناعا جەتەدى، 43 توننا كارتوپ پەن 16 توننا پياز ساقتالىپ، ٴار اپتا سايىن تۇرعىندارعا قولجەتىمدى باعامەن ۇسىنىلىپ وتىردى. بۇعان قوسا ايتارىمىز، قالامىزداعى باعا باعامىن ۇستاپ تۇرۋعا وبلىستىق تۇراقتاندىرۋ قورىنان جەتكىزىلەتىن ونىمدەردىڭ وڭ اسەرى بار. جىل باسىنان بەرى بۇل قوردان 14،2 كوكونىس ونىمدەرى قالا دۇكەندەرى مەن الەۋمەتتىك پاۆيلوندارعا جول تارتتى. سونىمەن اپتا سايىن جارمەڭكەلەر وتكىزۋدىڭ ناتيجەسىندە باعانىڭ نەگىزسىز شارىقتاۋىنا جول بەرىلمەدى، ەسەسىنە تۇرعىندار ٴجيى تۇتىناتىن ەت، كارتوپ باعالارىنىڭ اراسىندا ايتارلىقتاي ايىرماشىلىق بايقالدى. مىسالى، دۇكەندەردە ەت باعاسى ورتاشا ەسەپپەن العاندا 1293 تەڭگە بولسا، جارمەڭكەدە ول 1100 تەڭگەدەن، ال كارتوپتىڭ ٴار كەلىسى دۇكەندەردە 61،1 تەڭگەدەن بول- سا، جارمەڭكەدە 45 تەڭگەدەن ساۋدالانۋدا. ەگەر قالامىزدا 1151 ساۋدا نىسانى بارىن ەسكەرسەك، تۇرعىنداردىڭ جارمەڭكەلەرگە تۇراقتى تۇردە بارىپ، قاجەتتى تاۋارلارىن ارزان باعامەن ساتىپ الۋعا دەگەن قۇلشىنىسىن تۇسىنۋگە بولادى. سوندىقتان بولار، ٴار سەنبى سايىن زەينەتكەرلەر، ساپالى دا ارزان ونىمدەردى تىكەلەي تاۋار وندىرۋشىلەردەن ساتىپ الىپ، قالا بيلىگىنە العىستارىن ايتۋدى ۇمىتقان ەمەس. - دەگەنمەن، ٴبىز ۇنەمى باعا باعامىنا مونيتورينگ جۇرگىزىپ وتىرامىز، سولاي بولا تۇرا كەيبىر تاۋار تۇرلەرىنىڭ باعاسىنىڭ وسكەنى اڭعارىلادى. مۇنىڭ سەبەبىن انىقتاپ، ساراپتاما جاساعانىمىزدا ول كوتەرمە ساۋدا باعاسىنىڭ وسۋىنە تىكەلەي تاۋەلدىلىكتەن تۋىندايتىنى بەلگىلى بولدى. سەبەبى، تەمىرتاۋ قارا عاندىمەن قاناتتاس قالا بولعان دىقتان، بارلىق ٴىرى كوتەرمە ساۋدا ورتالىقتارى مەن قويمالارى وبلىس اۋماعىندا ورنالاسقان. سوندىقتان دۇكەن سورەلەرىندەگى باعانىڭ ٴوسۋى سولارداعى باعامەن بايلانىستى بولىپ وتىر،- دەيدى باعا ماسەلەسىنە قاتىستى سامات زياشەۆ. ٴسوز رەتى كەلگەندە وتاندىق تاۋار وندىرۋشىلەردى قولداۋ جانە ينفلياسيا دەڭگەيىن ۇستاپ تۇرۋ ماقساتىندا قولعا الىنعان „قازاقستاندا جاسالعان„ اكسياسىنىڭ ماڭىزدى ٴرول اتقارعانىنا توقتالا كەتكەنىمىز ٴجون. بۇل اكسيا تىكەلەي ەلباسىنىڭ ۇسىنىسىمەن 2015 جىلدىڭ 11 اقپانىندا جول تارتقان بولاتىن. وسىعان وراي قالامىزداعى ساۋدا ورتالىقتارى مەن دۇكەندەردە وتاندىق تاۋارلارعا ار نالعان سورەلەر پايدا بولىپ، بارشا- سىندا „قازاقستاندا جاسالعان„ بەلگىسى مەنمۇندالاپ، ساپالى دا قولجەتىمدى تاۋارلار تۇرعىندارعا ۇسىنىلدى. مىنە، مۇنداي ىس-ارەكەتتەردىڭ دە باعانىڭ تۇراقتانۋىنا ٴوز سەپتىگىن تيگىزگەنى انىق. ەگەردە تۇرعىنداردىڭ كوڭىلىندە وسى ازىق-تۇلىك باعاسىنىڭ نەگىزسىز وسۋىنە وراي سۇراقتار تۋىندايتىن بولسا، وندا كاسىپكەرلىك جانە اۋىلشارۋاشىلىعى بولىمىندەگى „جەدەل جەلىگە„ جۇمىسى اشىلعان، 92-20-39، 44-44-50 تەلەفوندارى ارقىلى حابار لاسۋعا بولاتىنىن تۇرعىندار ەسىنە سالامىز.

رۋزا الداشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي