BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اياز - ٴالىڭدى ٴبىل

فوتو: depositphotos.com

بيىل ايماققا قىس ەرتە جەتتى، قاراشانىڭ 1821 كۇندەرى ارالعىندا 30 گرادۋسقا دەيىن تومەندەگەن اۋا رايىنا تەمىرتاۋ لىقتار توتەپ بەردى. ارينە، جىلۋ كوزى تەس2دە از دا بولسا تەمپەراتۋرالىق اۋىتقۋ بولعانىنا جانە سۋىق سۋ قۇبىرى جارىلعانىنا، ال كەيبىر پاتەرلەردىڭ سۋىقتىعىنا قاراماستان جالپى العاندا قالا بۇل سىناقتان سۇرىنبەي ٴوتتى دەۋگە ابدەن نەگىز بار. بۇل كۇندەرى قالا ۇستاۋشى «ارسەلورميتتال تەمىرتاۋ» اقدا جاعىمدى جاڭالىق بولدى. كوپتەن بەرى جوندەۋدە تۇرعان №4 دومنا پەشى ىسكە قوسىلدى. قاتتى اياز كۇندەرى قالا بويىنشا ٴتيىستى ورىندارعا تەك ون پاتەردەن عانا ٴۇيدىڭ سۋىقتىعى جونىندە شاعىم تۇسكەن. بۇل ەندى كوپ رەتتە ىشكى قۇرىلعىلاردىڭ كىناسى ەكەنى سول مەزەتتە انىقتالىپ، شارالار قولدانىلدى. جالپى تەمىرتاۋلىقتار تەس2 جۇمىسىن ينتەرنەت ارقىلى باقىلاۋعا مۇمكىندىك العان. ماسەلەن، سىرتتا قاقاعان اياز تۇرعاندا جىلۋ ورتالىعىنان 96 گرادۋس ىستىق جونەلتىلدى، ارينە، تەحنيكالىق مولشەردەن ٴسال ازداۋ بولعانىمەن مۇنىڭ ٴوزى قالا پاتەرلەرىن قاجەتىنشە جىلىتۋعا جەتكىلىكتى ەدى. تۇرعىندار بيىل ۇيدەگى باتارەيالاردىڭ جىلداعىدان ىستىق ەكەنىن مويىنداپ وتىر، وسى كۇندەرى مىڭ توننادان ارتىق قوسىمشا سۋ پايدالانىلعانىنا قاراماستان، جىلۋ بەرۋ ستانسياسىنىڭ جۇمىسى ٴبىرقالىپتى تالاپتارعا ساي بولدى. تاعى ٴبىر جاڭالىق، بيىل كوپ جىلداردان بەرى جاياۋ جۇرگىنشىلەر جولى قاردان تازارتىلا باستادى، بۇل قىستا جولدى كۇتۋگە قارجىنىڭ كوبىرەك بولىنگەنىن كورسەتسە كەرەك. ٴتىپتى كەيبىر كوشەلەردە مەردىگەرلەر اۋلالاردى دا قاردان تازارتتى، كۇن سايىن مىڭنان اسا تەكشە مەتر قار سىرتقا شىعارىلدى. ارينە، اسا قاتتى اياز ادام تۇرماق تەكحنيكاعا دا كۇش تۇسىرگەنىن ٴبارىمىز بىلەمىز. اۆتوبۋستاردىڭ تارتىمى ناشارلاپ، ەسىكتەرى جابىلماي قالعانىن كوزبەن كوردىك. جۇرگىزۋشىلەر ايازعا تەحنيكانىڭ دا شىداماي جاتقانىن ايتتى.

ماسەلەن، №10 مارشرۋتتا ٴبىر عانا اۆتوبۋس قالدى، ٴبارى ايازعا شىداماي سىنعانىنا قاراماستان كەلەسى كۇنى جوندەپ، مارشرۋت كەستەسىنە ايتارلىقتاي وزگەرىس ەنگەن جوق. ايازعا قاراماستان 18 قاراشادا اۋىل شارۋاشىلىق ٴجار مەڭ كەسى دە بۇرىنعىشا ٴوتتى. سونىڭ ناتيجەسىندە نانمەن جانە كوكونىسپەن قامتاماسىز ەتۋدە ەشبىر كىدىرىس بولمادى. ويتكەنى كاسىپكەرلەر قاراعاندىمەن بايلانىس توقتاپ قالار دەگەن قاۋىپپەن قاجەتتى ٴونىمدى جەتكىلىكتى مولشەردە جەتكىزىپ العان ەدى. وسىلايشا، قالا قىستىڭ العاشقى سىناعىنان سۇرىنبەي ٴوتتى. اۋا رايىن بولجاۋشىلار قاراشانىڭ قالعان كۇندەرى جىلىناتىنىن ايتۋدا، دەگەنمەن قىستىڭ قاقارلى كۇندەرى ٴالى الدا. سوندىقتان اياز ٴالىن بىلەر دەپ توقمەيىلسىمەي، مۇقيات بولعان ٴجون.

ٴوز تىلشىمىزدەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي