BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا كۇنى قۇرمەتىنە ۇيىمداستىرىلعان اۆتوجارىس

ۇلكەن نارىننىڭ ورتالىق الاڭىندا وتكەن مەرەكەلىك شاراعا بۇل كۇنى اۋدان تۇرعىندارى مەن قوناقتارى جينالدى. ولاردىڭ نازارىنا استانا كۇنىنە ارنالعان «ەكس- پو-2017» كورمەسى ۇسىنىلدى. وعان ۇلكەن نارىن اۋىلدىق وكرۋگى اكىمدىگىمەن بىرلەسە وتىرىپ، ورتالىق كىتاپحانا قىزمەتكەرلەرى قىزىقتى ماتەريالدار ازىرلەدى. مەرەكەلىك شاراعا شىعارماشىلىق ٴۇيىنىڭ ۇجىمى بەلسەنە قاتىستى: جانار مۇحامەدوۆانىڭ تاربيەلەنۋشىلەرىنىڭ جۇمىستارى كوز تارتارلىق بولدى. تەحنيكالىق مودەلدەۋ بويىنشا وقىتۋشىلار قۋانىش ادىلبەك پەن ايدىن احمەروۆ قر ۇكىمەتىنىڭ ٴۇيى – اق وردانىڭ ماكەتىن دايارلاۋ بويىنشا ماستەر-كلاسس كورسەتتى. ماقسۇتحان ەربول اعاشتان ٴۇي اسپاپتارى كورمەسىن ۇيىمداستىردى. سونداي-اق، «مەن استانادامىن» فوتوكورمەسى ۇسىنىلدى.

اۋداندىق جاستار ورتالىعى مەن دوستىق ٴۇيىنىڭ ۇجىمدارى «ازيا-اۆتو» اق وتاندىق ٴوندىرىسىنىڭ ون اۆتوكولىگى قاتىسقان جارىس ۇيىمداستىردى. ولار مەملەكەتتىك تۋدى جەلبىرەتىپ، اۋدان ورتالىعىنىڭ كوشەلەرىن ارالادى. مادەنيەت جانە تۇرعىندار دەمالىسى ورتالىعىنىڭ ارتىستەرى كونسەرتتىك باعدارلاما كورسەتتى. كوكتەرەك اۋىلىنان كەلگەن «چيشما» تاتار فولكلورلىق توبى جانە كوروبيحادان «سۋدارۋش- كا» توبى ونەر كورسەتتى. كاتونقاراعاي اگرارلىق-تەحنيكالىق كوللەدجى با- زاسىندا ۇيىمداستىرىلعان ەڭبەك جانە دەمالىس لاگەرى ستۋدەنتتەرىنىڭ ونەرلەرى وتە قىزىقتى بولدى. ولار تاربيەشى دانا اسانوۆانىڭ باسشىلىعىمەن فلەش-موب ٴبيىن بيلەدى.

سەمەيدىڭ كولىك كوللەدجىنىڭ ستۋدەنتى مەدەۋ سەمباي ۇلى تاڭقالارلىق فوكۋستار كورسەتتى. ساحناعا «سەلتەتكىزەر» اتتى وبلىس بويىنشا كوڭىلدىلەر مەن تاپقىرلار ويىنىنىڭ جەڭىمپازدارى شىعىپ، ٴازىل-قالجىڭ نومىرلەرىن كورسەتتى. ونان سوڭ، «گازەل» اۆتوكولىگىن 20 مەتر قاشىقتىققا جىپپەن سۇيرەۋ بويىنشا سايىس وتكىزىلدى. بۇل سايىسقا قاتىسقان بىلەكتى جىگىتتەردىڭ ىشىندە اۋداندىق مادەنيەت ٴۇيىنىڭ قىزمەتكەرى رۋسلان قابانبايەۆ جەڭىسكە جەتتى. ول 14 سەكۋندتا سايىس شارتىن ورىنداپ، باس جۇلدە – قويدى ۇتىپ الدى. ۇيىمداستىرىلعان اۋىلشارۋاشىلىق ونىمدەرى جارمەڭكەسىندە نوۆوپولياكوۆكالىق ناتاليا كو- چەتكوۆا بال جانە بەلقاراعاي اۋىلدىق وكرۋگىنەن «قاراتال» شارۋا قوجالىعى (باسشىسى ا. قۇسمانوۆ) ەمدىك سۋسىن – قىمىزدى ساۋدالادى. جەرگىلىكتى كاسىپكەرلەر كاۋاپ جانە باسقا دا ٴتاتتى- دامدىلەردى تۇرعىندار نازارىنا ۇسىندى.

تاتيانا سامويلوۆا. سۋرەت اۆتوردىكى جانە ش. باگاۋتدينوۆتىكى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي