BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارداگەرلەر ازايىپ بارا جاتىر...

شىنىندا سولاي، زىمىراعان ۋاقىتقا قولدان كەلەر امالدىڭ جوقتىعىنان وسىلاي دەيمىز. بىلتىرعى ۇلى جەڭىستىڭ 70 جىلدىق مەرەكەسىندە ارامىزدا بولعان ارداگەرلەردىڭ ٴبىرقاتارى ومىردەن وزدى، كەيبىرى „كەلمەستىڭ كەمەسىن كۇتىپ، جاعادا تۇر„، ال ەندى ٴبىرى توسەككە تاڭىلىپ، وزدىگىنەن ٴجۇرىپ- تۇرا المايدى. ولاردى كورگەن سايىن كوز الدىمىزعا سوناۋ سۇراپىل سوعىس جىلدارىنداعى قولىنا قارۋ الىپ، قاسىق قانى قالعانشا وتان قورعاعان ەرجۇرەك جاۋىنگەر- لەر، وتان ٴۇشىن وتقا تۇسكەن باتىرلار ەلەستەيدى. قارتتارعا قۇرمەت كورسەتۋ، ارداگەرلەردى ايالاۋ — بارشامىزدىڭ باستى مىندەتىمىز. وسى پارىزدى وتەۋ جولىندا قالالىق ارداگەرلەر كەڭەسىنىڭ 8 - ىقشاماۋدانداعى باستاۋىش ۇيىمى كوپتەگەن ٴىس-شالاردى اتقارىپ، مايدانگەرلەردى ماراپاتتاپ، ولارعا سىي-سياپات كورسەتۋدى داستۇرگە اينالدىرعان. قازىرگى كۇنى مەن جەتەكشىلىك ەتەتىن بۇل ۇيىمنىڭ ەسەبىندە بار بولعانى ٴۇش سوعىس ارداگەرى، ٴۇش لاگەر تۇتقىنى جانە 54 تىل ەڭبەككەرى ەسەپتە تۇرادى. ىقشاماۋدانداعى №17 ورتا مەكتەپ ٴبىزدىڭ باس قوسىپ، مەرەكەلىك شا- رالار وتكىزەتىن مادەني وشاعىمىز دەسەم، ارتىق ايتقاندىق ەمەس. ول ٴۇشىن مەكتەپ ديرەكتورى ت.احمەتجانوۆاعا مىڭ العىس. جاقىندا ۇلى جەڭىستىڭ 71 جىل دىعىنا ارنالعان ٴماندى دە ماعىنالى كەش بولىپ ٴوتتى. وعان قاتارى سيرەپ بارا جاتقان ارداگەرلەرىمىز شاقىرىلدى، ورتامىزعا ۆاسيليي تيموفەەۆيچ زايسەۆ پەن ياكوۆ الەكسان- دروۆيچ يسايەۆ كەلىپ، ٴبىر قۋانتتى. وقۋشىلار قارت سولدات اتانعان اتالارىن قارسى الىپ، قۇرمەت- قوشەمەت كورسەتتى. سودان سوڭ بىلتىر عانا اشىلعان „داڭق„ مۇراجايىن ارالادى قوناقتار. ال سالتاناتتى جيىندا قالالىق ارداگەرلەر كەڭەسى ٴتورايىمىنىڭ ورىنباسارى ۆ.ل.انوسوۆا مەن س.ب ۇلىمبايەۆا دا قۇرمەتتى قوناق- تار قاتارىندا بولدى، ولار ىستىق ىقىلاستارىن ٴبىلدىرىپ، مۇنداي مەرەكەنىڭ جاس ۇرپاق ٴۇشىن تاربيە مەكتەبى ەكەنىن ايتتى. سونىمەن قاتار وسى ىقشاماۋداننان سايلانعان قالالىق ٴماسليحات دەپۋتاتى م.ا.كونوۆالوۆ مىرزاعا دا شەكسىز ريزامىز. ال قارجىلىق دەمەۋشىلىك كورسەتكەن „قالا-كولىك„ جشس باسشىسى م.ٴابىلدينوۆتىڭ ازاماتتىعىنا دا ٴدان ريزامىز. نەگىزىندە، - 8 ىقشاماۋداندا ون ەكى مىڭنان اسا تۇرعىن تۇرادى ولار №10 وكمس پەن ٴتورت پيك- كە بىرىگىپ، ورتاق مۇددە جولىن- دا بىرلەسە ەڭبەك ەتىپ، قالانىڭ، ىقشاماۋداننىڭ دامۋىنا ٴوز ۇلەستەرىن قوسىپ كەلەدى. - ارداگەرلەرىمىزدى ەشقاشان نازاردان تىس قالدىرعان ەمەسپىز، ۇنەمى حابارلاسىپ، مەرەكەلەردە قۇتتىقتاپ، ٴتىپتى تۋعان كۇندەرىن دە لايىقتى اتاپ ٴوتۋدى داستۇرگە اينالدىردىق. مەكتەپ وقۋشىلارى اتالارىنان سوعىس تۋرالى، ٴار قالانى جاۋدان ازات ەتۋدەگى ەرلىكتەر جايىندا سۇراپ، جازىپ الىپ، فوتو-سۋرەتكە ٴتۇسىرىپ، مۇراجايعا مۇراعاتتار جيناستىرادى. وسىلايشا ۇرپاقتار ساباقتاستىعىن جالعاستىرۋدامىز،- دەيدى مەكتەپ ديرەكتورى ت.احمەتجانوۆا. راسىندا سولاي، وقۋشىلارمەن بىرلەسە جۇمىس اتقارىپ، ٴبىرىنشى كەزەكتە ٴوزىمىز تۇراتىن اۋداننىڭ ارداگەرلەرىن ارداقتايمىز. بۇل ٴىس- شارانىڭ ٴوتۋى بارىسىندا اعا ۇرپاق وكىلدەرىنىڭ باسىنان كەشكەندەرى، سوعىستاعى ەرلىكتەرى اڭگىمە وزەگىنە اينالدى. سوڭىنان شاقىرىلعان قوناقتارىمىزعا ٴدام تاتتىرىپ، باتاسىن الدىق. ٴمان-ماعىناسى تەرەڭدە جاتقان مۇنداي ٴىس-شارادان ٴاربىر وقۋشى ەرەكشە اسەر الاتى- نى انىق. ەرلىك داڭقى ەشقاشان وشپەيدى، ۋاقىت وتكەن سايىن الىپتارىمىزدىڭ تۇلعالارى ودان سايىن ىرىلەنىپ، ەرلىكتەرى جارقىراي تۇسەدى. بيىلعى جەڭىس مەرەكەسىمەن بارشا ارداگەرلەردى، تىل ەڭبەككەرلەرىن شىن جۇرەكتەن قۇتتىقتاپ، مىقتى دەنساۋلىق، ۇزاق عۇمىر تىلەيمىن. ەڭبەگىمىز بەرەكەلى بولسىن دەمەكپىن.

بىرلىكباي وردابايەۆ، قالالىق ارداگەرلەر كەڭەسىنىڭ 8 ىقشاماۋدانداعى باستاۋىش ۇيىمىنىڭ ٴتوراعاسى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي