BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اللانىڭ جەردەگى ٴۇيى

سەنبى، 5 قاراشا كۇنى اۋدانىمىزدىڭ كيريللوۆكا دەپ اتالاتىن اۋىلىندا سارى مايدان قىل سۋىرعانداي شەشەن اتا-بابالارىمىزدىڭ ادەمى سوزىمەن ايتقاندا اق تۇيەنىڭ قارىنى جارىلعان كۇن بولدى. اۋىلدا «ناۋرىز-سىزدىق» اتىنداعى ەڭسەلى مەشىت ٴۇيى قولدانىسقا بەرىلدى. سەبەبى، ەل تاۋەلسىزدىگىنىڭ 25 جىلدىعى قارساڭىندا اۋىلدىڭ ٴدال ورتالىعىندا اللاھ تاعالاعا قۇلشىلىق ەتەتىن يماندىلىق ورداسىنىڭ اشىلۋى اۋىل تۇرعىندارى ٴۇشىن جاراتقاننىڭ ٴدال وزىنەن كەلگەندەي ەرەكشە سىي بولدى. مەشىتتىڭ سالتاناتتى اشىلۋ تاسپاسى كەسىلمەس بۇرىن ٴارۋاقتارعا ارناپ قۇران باعىشتالدى. مەشىتتىڭ اشىلۋ راسىمىندە پەتروپاۆل قالاسى ورتالىق مەشىتىنىڭ نايب يمامى ازامات سارسەكوۆ قۇران وقىدى.

سودان كەيىن ٴسوز العان اۋدان اكىمى اعزام تاستەمىروۆ اۋىل تۇرعىندارىن قۇتتىقتاپ، مەشىتكە قاسيەتتى جاينامازدىڭ بەينەسى ادىپتەلگەن كولەمدى ەستەلىك سىيلىعىن تابىستادى. سونداي - اق، سولتۇستىك قازاقستان وبلىسىنىڭ باس يمامى كەنجەتاي قاجى بايكەمەل ۇلى، سولتۇستىك قازاقستان وبلىسى ٴدىن ىستەرى باسقارماسىنىڭ باسشىسى مۇراتبەك زەينۋلين جانە سالتاناتتى شارانىڭ قۇرمەتتى قوناعى بولات ماعاجى ۇلى جاڭا مەشىتتىڭ اشىلۋى- مەن كيريللوۆكالىقتاردى قۇتتىقتادى. مەشىتتىڭ سالىنۋىنىڭ باستا- ماشىسى، ٴارى دەمەۋشىسى، كيريل- لوۆكا ەلىنىڭ تۋماسى اقىلباي سىزدىق ۇلى ساعىندىقوۆقا يمامداردىڭ ٴبىرى ەلى ٴۇشىن جاساعان ازاماتتىق يگى ىسىنە العىسىن ٴبىلدىرىپ، قاسيەتتى قۇران كارىمدى سىيعا تارتتى. اللاھ تاعالا ٴناسىپ ەت- كەن ريزىعىن بەيبىت كۇننەن تابۋدى كوزدەگەن يماندى مۇسىلمان باۋىرلارىمىزدىڭ اسپانى اشىق، زامانى بەيبىت، اۋزىندا كاليماسى بولسىن دەپ تىلەيمىز!

ٴوز تىلشىمىزدەن. سۋرەتتى تۇسىرگەن ناتاليا ەرەمەنكو


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي