BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەمنىڭ جاڭا عاجايىبى

استانا – الەمدەگى جاڭا عاجايىپ 1997 جىلى ەگەمەندى قازاقستاننىڭ پرەزيدەنتى نۇرسۇلتان نازاربايەۆ استانانى الماتىدان اقمولاعا كوشىرۋدى ۇسىندى. بۇل شەشىمدى قابىلداۋعا قالانىڭ گەوساياسي ورنالاسۋىنىڭ ماڭىزدىلىعى، قازاقستان مەن ەۋرازيا كونتينەنتىنىڭ ورتاسىندا ورنالاسۋى، قاجەتتى كولىك جانە كوممۋنيكاسيالىق ينفراقۇرىلىمنىڭ بولۋى اسەر ەتتى. جاڭا استانانى تاڭداۋدا ايرىقشا ٴرولدى قالانىڭ دامۋى ٴۇشىن بوس جەرلەردىڭ بولۋى دا اتقاردى. «باتىستىڭ اتى باتىس، شىعىستىڭ اتى شىعىس، ەكەۋى ەشقاشان بىرىگە بولا الماي- دى» دەگەن كىم ەكەن؟ قازاقستاندا وسىناۋ بۇلجىماستاي كورىنگەن پىكىردى جوققا شىعارعان قالا بار.1998 جىلى جاڭا ەلورداعا جاڭا اتاۋ بەرىلىپ، ول استانا دەپ اتالدى. استانانى بۇكىل الەم بولىپ سالدى كوز الدىمىزدا وزگەرگەن جاس ەلوردا قازاقستان حالقىنىڭ جاسامپازدىعىنىڭ، شىعارماشىلىعى مەن ورلەۋىنىڭ سيمۆولى. استانانى سالۋعا ەلىمىزدىڭ 71 قالاسى، 432 قۇرىلىس كومپانيالارى قاتىستى، 135 زاۋىت قۇرىلىستى ماتەريالدارمەن جابدىقتاپ وتىردى. جەرگىلىكتى فيرمالارمەن بىرگە جاڭا استانانى تۇرىك، يتاليان، فرانسۋز، شۆەيسار كومپا- نيالارى دا كوتەردى. جىل سايىن 60-تان 100-گە دەيىن ورتاشا جانە ٴىرى نىساندار بەرىلىپ وتىردى. قارقىندى قۇرىلىس پەن بۇكىلحالىقتىق قولداۋ ون جىل ىشىندە قازاقستان دالاسىندا قازىرگى زامانعى، جاڭعىرتىلعان، ٴوز قايتالانباس كەلبەتى بار قالا سالۋعا مۇمكىندىك بەردى. استانانى الەمنىڭ ەڭ تاڭداۋلى ساۋلەتشىلەرى سالدى قالانىڭ ساۋلەتتىك كونسەپسياسىن ازىرلەۋدە پرەزيدەنت ن.نازاربايەۆتىڭ قالاعا ەۋروپالىق كەلبەت بەرۋ يدەياسى ەسكەرىلدى. استانا قۇرىلىسىنىڭ باس جوباسىنىڭ اۆتورى بەلگىلى جاپون ساۋلەتشىسى كيشيو كۋروكاۆا (kisho kurokawa) بولدى، ول امستەردامداعى ۆان گوگ مۇراجايىنىڭ، كۋالا-لۋمپۋرداعى حالىقارالىق اۋەجايدىڭ، وساكاداعى ۇلتتىق ەتنولوگيالىق مۇراجايدىڭ اۆتورى. كۋروكاۆانىڭ باس جوبالارى بويىنشا جاسالاتىن ساۋلەتتىك انسامبلدەر قازىرگى زامان ديزاينى مەن ازيالىق ايشىقتى ۇيلەستىرەدى. بۇل قالاعا قايتالانباس كەلبەت بەردى، ال سۇلۋلىعى مەن عيماراتتارىنىڭ بيىكتىگى بويىنشا قالا توكيو، نيۋ-يورك جانە دۋبايمەن تالاسقا تۇسە الادى. استانادا نورمان فوستەر الەمدەگى بىرەگەي ٴدىن ٴۇيىن - بەيبىتشىلىك سارايىن سالدى. ساۋلەتشىنىڭ كومانداسى سونىمەن قاتار قازاقستان استاناسى ٴۇشىن جاڭا ويىن-ساۋىق ورتالىعى - «حان شاتىردى» سالدى. استانا – «قازاقستاندىق برەندتىڭ» ٴبىر بولىگى 1999 جىلدىڭ ماۋسىمىندا قالا يۋنەسكو- نىڭ «بەيبىتشىلىك قالاسى» سىيىنا يە بولدى. جاس ەلوردانىڭ الەمدەگى ەڭ تاڭداۋلى وتىز قالانىڭ قاتارىنا ەنۋىنە بارلىق نەگىز بار. قازاقستاننىڭ قازىرگى زامانعى استاناسى ٴوسىپ، وزگەرىپ كەلەدى، ول قازاقستان تۇرعىندارى ٴۇشىن دە، شەتەلدىك قوناقتار ٴۇشىن دە تارتىمدى بولا تۇسۋدە. ەۋروپا مەن شىعىس مادەنيەتتەرىنىڭ تاڭداۋلى ۇلگىلەرى مەن داستۇرلەرى ۇندەسكەن قازىرگى زامانعى ساۋلەتتىك ٴستيلى جاڭا ەلوردانىڭ ەكونوميكا، ساياسات پەن مادەنيەت ورتالىعى رەتىندەگى كەلبەتىن مەيلىنشە تولىق اشادى. بارىنشا قىسقا مەرزىم ىشىندە قالا كورىنىسى وزگەرىپ سالا بەردى جانە قالا قۇرىلىسى قارقىندى جالعاسۋدا. قالانىڭ تۇنگى كورىنىسى دە وزگەرگەن – عيماراتتاردى، كوشەلەردى جارىقتاندىرۋدىڭ ۇتىمدى شەشىمدەرى،سامساعان شامدار تىزبەگى مەن ەسىل وزەنىندەگى ٴتۇرلى-تۇستى فونتاندار، اسەم وزەن جاعالاۋى، دۇكەندەر مەن بار، تۇنگى كلۋبتاردىڭ جايناعان ۆيترينالارى كوز تارتادى. استانا حالقى استانانىڭ بۇگىنگى جەر اۋماعى – 710، 2 ش. كم. حالىق سانى –700 مىڭنان استام ادام. استانا – بۇل جاقسى ٴبىلىم الىپ، جۇمىسقا ورنالاسۋعا مۇمكىندىك بەرەتىن قالا. تۇرعىندار سانىنىڭ قارقىنداپ ٴوسۋى ٴبىرىنشى كەزەكتە كوشى-قون اعىنى ەسەبىنەن جۇرەدى – نەگىزىنەن بۇل 20-45 جاس ارالىعىنداعى جوعارى بىلىكتى ماماندار. قالا ۇكىمەتىنىڭ باعالاۋى بويىنشا، ەڭبەكاقىنىڭ ورتاشا دەڭگەيى مۇندا مۇناي-گاز وندىرەتىن ايماقتاردان كەم تۇسپەيدى، ال جۇمىسسىزدىق دەڭگەيى قازاقستانداعى ەڭ تومەندەردىڭ ٴبىرى. استانا قالاسى تۇرعاندارىنىڭ تابيعي قوزعالىسىنداعى وڭ فاكتور بولىپ بالا تۋۋ دەڭگەيى مەن نەكە قييۋ دەڭگەيىنىڭ جوعارىلاۋى تابىلادى. استانا - قازاقستاننىڭ ماڭىزدى مادەني جانە عىلىمي ورتالىعى. مۇندا ۇلتتىق عىلىم اكادەمياسى، ۇلتتىق كىتاپحانا، ۇلتتىق مۇراجاي، قازىرگى زامانعى ارت-گالەرەيالارى، الەۋمەتتىك-ەكونوميكالىق تەحنولوگيالار ورتالىعى، بيزنەس-ورتالىقتار، سۋ اتتراكسي- وندارى اشىلدى. استانا بۇگىنگى كوپۇلتتى جانە كوپكونفەسسيالى قازاقستاننىڭ ايناسى: مۇندا بارلىق ٴناسىل مەن الەم دىندەرىنىڭ وكىلدەرى تۇرىپ، ەڭبەك ەتىپ جاتىر. قالانىڭ ەتنوسارالىق قارىم-قاتىناس پەن ٴتۇرلى ٴدىن وكىلدەرىنىڭ ىنتىماقتاستىعى ماسەلەلەرىنە ارنالعان ٴبىرقاتار قوعامدىق فورۋمداردى وتكىزۋ ورنىنا اينالعانى تەك ەمەس. استانانىڭ كورىكتى ورىندارى استانانىڭ ساۋلەتتىك كەلبەتىندە شىعىس داستۇرلەرى مەن جەتەكشى باتىس ساۋلەتشىلەرىنىڭ كوركەم ويلارىنىڭ شالقۋى ۇيلەسىمىن تاپقان. ويلاپ كورىڭىز: قالانىڭ باس جوباسىن جاساعان جاپوندىق كيشيو كۋروكاۆا، قايتالانباس بەيبىتشىلىك جانە كەلىسىم سارايمەن «حان شاتىر» جوباسىنىڭ اۆتورى - نورمان فوستەر، ال كينوكونسەرت زالىن جوبالاعان - يتالياندىق مانفرەدي نيكولەتتي. قالانىڭ باس الاڭىن قالىپتاپ تۇرعان - سەنات، پارلامەنت عيماراتتارى، قر پرەزيدەنتىنىڭ اق ورداسى مەن ٴبىرقاتار ۇكىمەتتىك عيماراتتار، ال ونىڭ ەكى جاعىنان تۇرعىن ٴۇي جانە قوعامدىق كەشەندەردى قوسا العاندا بارلىعى 650 نىسان كوتەرىلۋدە. بەيبىتشىلىك جانە كەلىسىم سارايى – 2006 جىلى كورنەكتى بريتاندىق ساۋلەتشى نورمان فوستەر سالعان ەرەكشە پيراميدا. ونىڭ بيىكتىگى 62 مەتر، پيراميدا 15 مەتر بيىكتىكتە سالىنعان. ونىڭ ورتاشا اۋدانى – 25،5 مىڭ شارشى مەتر. پيراميدانىڭ تابانىندا 1،5 مىڭ ورىنعا ارنالعان وپەرا زالى، جوعارعى بولىگىندە – عيماراتتىڭ نەگىزگى بولمەسى - كونفەسسيا زالى ورنالاسقان. عيماراتتىڭ ىشىندە ٴدىني ٴىس-شارالارعا ارنالعان زالدار، قازاقستان حالىق اسسامبلەياسىنىڭ كەڭسەلەرى، مۇراجايلار، كورمە زالدارى ورنالاسقان. ينتەرنەت ماتەريالدارى بويىنشا دايىندالعان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي