BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقشا شاقىراتىن ىرىمداردى بىلەسىز بە؟

فوتو: Timeskz.kz

قاي ۇلتتىڭ ىرىم-جورالعىلىرىن الساڭ دا اقشاعا دەگەن ەرەكشە قاتىناستى بايقايسىز. بارلىعىندا دا ٴبىر ماقسات - اقشا تاپشىلىعىن كورمەۋ، ونى كەرىسىنشە - كوبەيتۋ. اقشانىڭ سيقىرلى كۇشى نەمەسە ەنەرگەتيكالىق قاسيەتى بار ەكەندىگى جايىندا سوڭعى كەزدەرى كوپ ايتىلىپ ٴجۇر. قولىڭىزدا ميلليون تەڭگە تۇرىپ، ودان ەشقانداي پايدا كورە الماۋىڭىز دا مۇمكىن، كەرىسىنشە ون مىڭ تەڭگە بۇكىل بايلىقتىڭ نەگىزى بولىپ جاتاتىن اسەرلەرى دە از ەمەس. اقشاعا بايلانىستى ىرىمداردى ٴسىز دە جاساپ كورىڭىز، بالكىم ٴسىزدىڭ دە قالتاڭىز قالىڭدار... اقشانى ەشقاشاندا ۇستەل ۇستىنە قويۋعا بولمايدى. سونىمەن قاتار، كىلتتى، ماشينانىڭ كىلتىن ۇستەلدىڭ ۇستىنە قويۋعا بولمايدى. بۇل ىرىمنىڭ جورالعىسى - ماشينانىڭ كىلتىن قويساڭىز، ايداپ كەتەدى، ٴۇيدىڭ كىلتىن قويساڭىز ۇرلاپ كەتەدى. داستارحاننىڭ ٴۇستىن قولمەن سىپىرۋعا بولمايدى، مىندەتتى تۇردە شۇبەرەكپەن، ٴارى قيقىمدى قولعا ەمەس، ىدىسقا سالۋ قاجەت. ۇدايى جاساپ كورىڭىز، ٴارى قارجىلىق جاعدايىڭىزداعى وزگەرىستى دە باقىلاۋدى ۇمىتپاڭىز. كۇن باتقاننان كەيىن اقشا ساناماۋعا تىرىسىڭىز.

ەگەر ساناۋعا تۋرا كەلسە بىرەۋگە جاساتقانىڭىز ٴجون. ەگەر ٴسىز ساتۋشى بولساڭىز، اقشانى قولما-قول الىپ، ال قايتاراردا ۇستەل ۇستىنە قويعانىڭىز ٴجون. باي، قالتالى ادامداردان قولما-قول اقشا الۋعا تىرىسىڭىز. كوپ جاعدايدا ۇيدە بوس شىنى ىدىستارى - بانكا، جاشىكتەر تۇرىپ قالادى. بۇلار - “قارا ۇڭگىرلەر” ۇيگە كەلگەن كىرىستىڭ ٴبارىن تارتىپ كەتەدى. ەگەر ٴسىز بوس ىدىستاردى تاستاۋعا شاماڭىز كەلمەسە ىشىنە مىندەتتى تۇردە بىرنەشە ٴدان نەمەسە تيىندار تاستاڭىز. ۇستەل ۇستىنە بوس شىنى قويماۋ دا وسىدان شىققان. جاڭا اي تۋعاندا باسىڭىزدى ٴيىپ سالەم بەرىپ، سوسىن اقشا نەمەسە التىن، كۇمىس كورسەتىپ: “جاڭا اي قالاي ٴوسىپ كەلە جاتسا، ماعان سونداي اقشا كەلسىن” دەپ ايتۋ كەرەك. سەيسەنبى كۇنى قارىز سۋراۋدان اۋلاق بولىڭىز، كەم دەگەندە ٴبىر اي بويى قارىزدا جۇرەسىز دەگەن ۇعىم بار. ٴارۋاقىتتا اقشاڭىزدى ٴامياندا ۇستاڭىز. اقشا قالتاڭىزدا قالاي بولسا، سولاي شاشىلىپ جاتسا كىرىس كىرمەيدى. ياعني، بۇل اقشانىڭ دا ٴوزىن باپتامايتىن جەرگە بارعىسى كەلمەيتىندىگىمەن تۇسىندىرىلەدى. ٴاميانىڭىز جىرتىلماعان، ٴارى تازا تەرىلەردەن تىگىلگەن بولۋى كەرەك.

سونىمەن قاتار ٴاميانعا اقشالاردى رەت-رەتىمەن جانە دە مىجىماي سالعانىڭىز ابزال. ٴاميانىڭىزدا دوللار بولماسا تۇمار رەتىندە ەسكى تيىن سالىپ ٴجۇرىڭىز. كەلەسى اقشانى شاقىراتىن بولادى. قالاي دا بولسا قولدان كەلەرلىك ەرەجەلەر... ۇستانساق مۇمكىن ٴبىزدىڭ دە قالتامىز قالىڭدار. نە دەگەنمەن ٴقازىر كوپ نارسە اقشاعا كەلىپ تىرەلۋى - اقيقات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي