BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باتالوۆقا باتا بەرگەن كەيۋانا: وسى جولدان تايماي، ەلگە قىزمەت ەتىڭدەر!

الماتى وبلىسىنىڭ قۇرمەتتى ازاماتى، بەلگىلى مەملەكەت جانە قوعام قايراتكەرى، زەينەتكەر ٴباتيما ساقاۋوۆا 90 جاسقا تولدى. ٴباتيما ەسبولاتقىزىن مەرەيلى مەرەكەسىمەن وبلىس اكىمى اماندىق باتالوۆ ارنايى بارىپ قۇتتىقتادى.

– وزىڭىزدەي اقىلى كەمەل، اۋزى دۋالى ەلدىڭ اناسى ارامىزدا امان جۇرگەنى – بىزگە ۇلكەن مارتەبە. ەل باسقارىپ جۇرگەن ازاماتتاردىڭ ٴاربىر قادامىن سىرتتان باقىلاپ ٴبىلىپ وتىراسىز، تىلەكتەس بوپ، قاجەت كەزىندە جول كورسەتىپ، كەڭەس بەرەسىز. ٴسىزدىڭ ٴومىرىڭىز كەيىنگى جاستارعا ۇلگى-ونەگە، ولار ويىن دا، بويىن دا سىزدەرگە قاراپ تۇزەۋى كەرەك. سوندىقتان عيبراتتى عۇمىر جولىڭىزدى باق-تا جازىپ، كورسەتۋىمىز قاجەت. ەل وزىڭىزدەي قايراتكەر تۇلعالارىمەن، حالىققا ادال قىزمەت كورسەتكەن ۇل-قىزدارىمەن ەڭسەلى. جاسىڭىز جۇزگە جەتسىن، الدىمىزدا اقىلشى ابىز انامىز بولىپ امان ٴجۇرىڭىز، – دەدى ا. باتالوۆ.

بۇل كۇن اقجاۋلىقتى انا ٴۇشىن اق تۇيەنىڭ قارنى جارىلعان كۇن بولدى. تاۋەلسىزدىكتىڭ 25 جىلدىعىمەن تۇسپا-تۇس كەلگەن 90 جاسقا تولعان ٴباتيما اجەيدىڭ ٴجۇزى جايناپ، ەزۋىنە كۇلكى ٴۇيىرىلدى. تەك 90 جاسقا تولعانىنا ەمەس، ەلدىڭ ەلەپ، ەسكەرىپ كەلىپ جاتقانىنا كوڭىلى مارقايدى. ٴباتيما ەسبولاتقىزى قالامىزدىڭ تۇرالاپ قالعان شاعىندا ەلدىڭ سابىر ساقتاپ، بىرلىگىنەن اجىراماۋىنا، قيىندىقتى قايىسپاي كوتەرىپ شىعۋىنا جىگەر بەرگەن اقىلمان اناسى دا، داناسى دا بولا ٴبىلدى. جاستايىنان ەل ىسىنە ارالاسىپ، بايكەن اشىموۆپەن بىرگە تالدىقورعان وبلىسىن قۇرۋدا بىلەك تۇرە ەڭبەك ەتتى. جەتىسۋ ٴوڭىرىنىڭ يدەولوگياسىنىڭ مىعىم بولۋىنا، الەۋمەتتىك دامۋىنا بار ٴبىلىمى مەن كۇش-جىگەرىن جۇمساعان جان. تەك قيىن ساتتە ەمەس، بۇگىنگىدەي ەگەمەندى ەل بولىپ، دامىپ جاتقان كەزىمىزدە دە تىلەۋلەس بولا بىلگەن ٴباتيما اپامىز ٴوز كەزەگىندە اق تىلەگىن ٴبىلدىرىپ، باتاسىن بەردى.

– وزدەرىڭدەي ەل ازاماتتارى اتقا ٴمىنىپ، ەل ىسىنە ارالاسقاندا مەن دە ۇيدە وتىرىپ تاقىمىمدى قىسىپ وتىرامىن. وسى جولدان تايماي، ەلگە قىزمەت ەتىڭدەر. اللا وسى بەرگەن ابىرويىنان ايىرماسىن! ماعان دەگەن اق پەيىلدەرىڭە رازىمىن. ازاماتتار امان بولسىن، ەل امان بولسىن! – دەگەن جۇرەكجاردى لەبىزىن ايتتى.

وبلىس اكىمى اماندىق عابباس ۇلى ٴباتيما ەسبولاتقىزىن «كوزى ٴتىرى شەجىرە، بۇگىنگى كۇننىڭ باتىرى» دەسە، ابىز انانىڭ ٴتالىمىن كورىپ، تاجىريبەسىن شىڭداعان، الدىڭعى تولقىن ارداگەرلەردىڭ ٴبىرى كۇلاش تۇمەنبايەۆا «پاراسات پاتشايىمى» دەپ اتادى. ودان كەيىن، ٴباتيما ساقاۋوۆانى مەملەكەتتىك باسقارۋ ىسىندە ۇستاز ساناعان ٴبىرقاتار ازامات جاستارعا قىزمەت كور- سەتۋ ورتالىعىندا جاستارمەن كەزدەسۋ وتكىزىپ، وبلىستىق «جەتىسۋ» تەلەارناسىنان ەستەلىك- پىكىرلەرىمەن ٴبولىستى. وندا ٴباتيما اپا تۋرالى كوپتەگەن دەرەك ايتىلىپ، جاساعان ەڭبەكتەرى تۋرالى باياندالدى. مەملەكەتتىك جاستار ساياساتىن جۇزەگە اسىرۋ، جاستاردى ادام- گەرشىلىك قاسيەتتەرگە تاربيەلەۋ، جەكە ادام ومىرىنە دەگەن ٴسۇيىس- پەنشىلىكتى قالىپتاستىرۋ، جاستاردى قايىرىمدىلىققا، مەيىرىمدىلىككە، ادالدىققا باۋلۋ، ازاماتتىق پاتريوتيزمگە تاربيەلەۋ، وسكەلەڭ ۇرپاقتىڭ مورالدىق تۇرعىداعى تاربيەسىنە ٴمان بەرۋ ماقساتىندا ۇيىمداستىرىلعان كەزدەسۋگە كەلگەن جاستاردىڭ قاراسى دا كوپتەپ كورىندى.

سولاردىڭ ٴبىرى تالدىقورعان پوليتەحنيكالىق كوللەدجىنىڭ 3 كۋرس ستۋدەنتى تۇردىبەك قوڭىرتايەۆ. ول وسى كەزدەسۋگە كەلىپ، ٴباتيما ەسبولاتقىزىنىڭ ەرەن ەڭبەگى، قالامىزدىڭ وسىنداي كوركەيۋىنە اتسالىسقانى، كوپتەگەن جاقسى ىستەر اتقارعانى تۋرالى اقپارات الىپ، ٴوز بويىنا دا جاقسى قاسيەتتەرى مەن، كەرەمەت سوزدەرىن ۇلگى ەتىپ العاندىعىن ايتتى. «شىنىمدى ايتسام، ٴباتيما ساقاۋوۆا اپامىزدى اسا بىلمەپپىن. «جەتىسۋ» تەلەارناسىنىڭ تۇسىرگەن ەستەلىكتەرىنەن كورىپ، ايەل ادامنىڭ وسىنشا قىزمەت اتقارعانىنا تاڭقالدىم. قالامىزدا وسىنداي انامىز بارىن ماقتانىشپەن ايتۋعا بولادى ەكەن. جاستاردىڭ باسىن قوسىپ، يگى ىستەردەن حاباردار ەتكەن، بويىمىزعا جاقسى قاسيەتتەردى ۇيالاتاتىن اقپاراتتارمەن سۋسىنداتقان ۇيىمداستىرۋشىلارعا العىسىم شەكسىز. ادەتتە ساباقتان كەيىن كوشەگە شىعىپ نەمەسە سوتكامەن وتىراتىنبىز. بۇگىنگى كۇنىم پايدالى ىسپەن تولىقتى. وسىعان قۋانىپ تۇرمىن» – دەگەن ستۋدەنت الداعى كەزدە دە قالامىزداعى ۇلگى تۇتار ازاماتتارمەن كەزدەسۋ ٴجيى وتكىزىلىپ تۇرسا دەگەن ۇسىنىسىن ايتتى. بۇگىندە ەل اناسىنا اينالعان ٴباتيما ساقاۋوۆانىڭ شەجىرەلى عۇمىرى جاس ۇرپاققا ۇلگى-ونەگە.

ٴوز ٴتىلشىمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي