BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەز-كەلگەن جەردە ساۋدا جاساماۋ قاجەت

قازىرگى زاماندا كولىكسىز ٴبىر كۇندى ەلەستەتۋدىڭ ٴوزى قيىن. ونسىز جۇمىس جۇرمەي، قول-اياق بايلانىپ قالاتىنداي. شىندىعىندا دا سولاي. ٴبىراز اۋىردى جەڭىلدەتىپ، الىستى جاقىنداتاتىن كولىك قۇرالدارى - مىنۋگە ات، ۇشۋعا قانات، جۇك ارتۋعا ىڭعايلى كەرۋەن، جول جۇرسەڭ، وڭتايلى سەرۋەن. سوندىقتان كولىكتىڭ قىزمەتىنە اركىم ٴار كۇنى جۇگىنەدى. ٴبىرى – تاس جولىن تاڭداسا، باسقاسى تەمىر نە تەڭىز جولىمەن تۇرمىستىق قاجەتىن وتەيدى. بارىس-كەلىس پەن الىس-بەرىس بولعاندىقتان ارنايى مامانداردىڭ سانيتارلىق رەتتەۋىنسىز تاعى بولمايدى. ماڭعىستاۋ بولىمشەلىك كولىكتەگى تۇتىنۋشىلاردىڭ قۇقىقتارىن قورعاۋ باسقارماسىنىڭ باسشىسى اعزيا تەمىرقاسوۆامەن وسى جونىندە اڭگىمەلەسكەن ەدىك.

− اعزيا ٴبورىبايقىزى، كولىكتەگى جەكە جانە زاڭدى تۇلعالارعا مەملەكەتتىك قىزمەت قالاي كورسەتىلەدى؟

− مەملەكەتتىك قىزمەتتى كورسەتۋ مەرزىمى كورسەتىلەتىن قىزمەتتى الۋشى قۇجاتتار توپ- تاماسىن تاپسىرعان، سونداي-اق پورتالعا جۇگىنگەن ساتتەن باستاپ – 15 جۇمىس كۇنى. مەملەكەتتىك قىزمەتتى كورسەتۋ ەلەكتروندىق نەمەسە قاعاز تۇرىندە جۇرگىزىلەدى. كورسەتىلەتىن قىزمەتتى بەرۋشى كورسەتىلەتىن قىزمەتتى الۋشىنىڭ قۇجاتتارىن العان كۇننەن باستاپ 2 جۇمىس كۇنى ىشىندە ۇسىنىلعان قۇجاتتاردىڭ تولىقتىعىن تەكسەرەدى. مەملەكەتتىك قىزمەتتى كورسەتۋ ناتيجەسىن ۇسىنۋ نىسانى: ەلەكتروندىق نەمەسە قاعاز تۇرىندە جۇرگىزىلەدى. كورسەتىلەتىن قىزمەتتى الۋشى قىزمەتتى بەرۋشىگە ٴوتىنىش جاساعان جاعدايدا، مەملەكەتتىك قىزمەتتى كورسەتۋ ناتيجەسى قاعاز جەتكىزگىشتە راسىمدەلەدى، باسىلىپ شىعارىلادى، مورمەن جانە كورسەتىلەتىن قىزمەتتى بەرۋشىنىڭ ۋاكىلەتتى تۇلعاسىنىڭ قولىمەن كۋالاندىرىلادى. پورتال ارقىلى جۇگىنگەن كەزدە كورسەتىلەتىن قىزمەتتى الۋشىعا «جەكە كابينەتىنە» سانيتارلىق-ەپيدەميولوگيالىق قورىتىندى بەرۋ تۋرالى حابارلاما جىبەرىلەدى. مەملەكەتتىك قىزمەت جەكە جانە زاڭدى تۇلعالارعا تەگىن نەگىزدە كورسەتىلەدى. كورسەتىلەتىن قىزمەتتى الۋشى (نە ونىڭ سەنىم- حات بويىنشا وكىلى) ٴوتىنىش جاساعان كەزىندە مەملەكەتتىك قىزمەتتى كورسەتۋ ٴۇشىن قاجەتتى قۇجاتتاردىڭ تىزبەسىن ۇسىنادى. قۇجاتتاردى كورسەتىلەتىن قىزمەتتى بەرۋشىنىڭ كەڭسەسى ارقىلى قابىلداعان كەزدە كورسەتىلەتىن قىزمەتتى الۋشىعا وسى مەم- لەكەتتىك كورسەتىلەتىن قىزمەت ستاندارتىنا سايكەس تالون بەرىلەدى. پورتال ارقىلى جۇگىنگەن كەزدە كورسەتىلەتىن قىزمەتتى الۋشىنىڭ «جەكە كابينەتىنە» مەملەكەتتىك كورسەتىلەتىن قىزمەت ناتيجەسىن الاتىن كۇنى مەن ۋاقىتىن كورسەتە وتىرىپ، مەملەكەتتىك قىزمەتتى كورسەتۋ ٴۇشىن سۇراۋ سالۋدىڭ قابىلدانعانى تۋرا- لى مارتەبە جىبەرىلەدى. تاعى ٴبىر ايتا كەتەرلىگى، باسقارما ماماندارىمەن وتكەن جىلى زاڭدى جانە جەكە تۇلعالاردان 101 ٴوتىنىش قارالىپ، 32 سانيتارلىق- ەپيدەميولوگيالىق قورىتىندى بەرىلسە، 2016 جىلدىڭ 8 ايىنا زاڭدى جانە جەكە تۇلعالاردان 58 ٴوتىنىش ٴتۇسىپ، 28 سانيتارلىق- ەپيدەميولوگيالىق قورىتىندى جانە 12 دالەلدى باس تارتۋ بەرىلدى. بارلىق مەملەكەتتىك قىزمەتتەر ەلەكتروندىق تۇردە كورسەتىلدى.

− ەل اۋماعىنا كارانتيندىك جانە اسا ٴقاۋىپتى جۇقپالاردىڭ تاسىمالدانۋىنا، تارالۋىنا قارسى پروفيلاكتيكالىق ٴىس- شارالاردى ۇيىمداستىرۋ بارىسى قالاي؟

− كارانتيندىك جانە اسا ٴقاۋىپتى جۇقپالاردىڭ تاسىمالدانۋىنا، تارالۋىنا قارسى باسقارما بويىنشا كارانتيندىك جانە اسا ٴقاۋىپتى جۇقپالاردىڭ تاسىمالدانۋىنا جانە تارالۋىنىڭ الدىن الۋ، سانيتارلىق-ەپيدەمياعا قارسى ٴىس-شارالاردى ۇيىمداستىرۋ، وتكىزۋ تۋرالى كەشەندى جوسپار جاساقتالعان بۇل جوسپاردا مامانداردىڭ جۇمىستى نەدەن باستاۋى كەرەكتىگى تۋرالى الگوريتمدەرىمەن قوسا، جەدەل حابارلاما سىزبالارى بار. جەدەل حابارلاما سىزبالارى قتج ۇك اق-نىڭ فيليال باسشىلارىمەن جانە جەر- گىلىكتى مەديسينا مەكەمەلەرىمەن كەلىسىلگەن. جىل سايىن وبلىسىمىزدا ورنالاسقان سانيتارلىق– كارانتيندىك پۋنكتتەردىڭ ماماندارىمەن جانە كەشەندى جوسپار بويىنشا ٴتيىستى مەكەمەلەرمەن جاتتىعۋ جۇمىسى جۇرگىزىلەدى، دايىندىعىمىزدى پىسىقتايمىز، ەسەپ بەرەمىز. بەينەۋ اۋدانى وزبەكستانمەن شەكتەسەتىندىكتەن 2016 جىلدىڭ ماۋسىم ايىندا بەينەۋ تەمىر جول ستانساسىندا بەينەۋ سانيتارلىق-كارانتيندىك پۋنكتتەرىنىڭ ماماندارىمەن جانە وسىعان قاتىستى تەمىر جول مەكەمەلەرىمەن، دەنساۋلىق ساقتاۋ باسقارماسىنىڭ ماماندارىمەن، كەدەن قىزمەتكەرلەرىمەن بىرلەسە وقۋ-جاتتىعۋلار وتكىزدىك. جىل باسىنان بەرى 8 اي ىشىندە تەمىر جول سانيتارلىق- كارانتيندىك پۋنكتىنىڭ ما- ماندارىمەن 494 تەمىر جول كولىگىنە تەكسەرۋ جۇرگىزىلىپ، 306367 جولاۋشى، 988 لوكوموتيۆ بريگاداسى، 15996 جولسەرىگى باقىلاۋدان ٴوتتى.

− تۇتىنۋشىنىڭ قۇقىعى قالاي قورعالۋدا، بۇل تۇرعىدا ارىز-شاعىمدار بولدى ما؟

− ارينە، قاي كولىك قۇرالى بولماسىن جولاۋشىلار جۇرگەن جەردە ارىز-شاعىم بولماي تۇرمايدى. ۇستىمىزدەگى جىلدىڭ 8 ايىنداعى اقپاراتقا سۇيەنسەك، بيىل 3 جەكە تۇلعادان شاعىم-ارىز جانە ماڭعىستاۋ كولىك پروكۋراتۋراسىنىڭ تالابى بويىنشا جولاۋشىلاردىڭ 2 شاعىم-ارىزى ٴتۇستى. بيىلعى شاعىم-ارىزدىڭ نەگىزگى مازمۇنى جولاۋشىلار پويىزىنىڭ سانيتارلىق جاعدايى تۋرالى بولدى. تۇسكەن شاعىم-ارىزدار بويىنشا جولاۋشىلار پويىزدارى تەكسەرىلىپ، قۇقىق بۇزۋشىلىققا جول بەرگەن زاڭدى تۇلعالارعا 84840 تەڭگە كولەمىندە 2 ايىپپۇل سالىندى. 1 شاعىم «جەكە جانە زاڭدى تۇلعالاردىڭ وتىنىشتەرىن قاراۋ تۋرالى» قر زاڭىنىڭ ٴتارتىبى ورىندالماۋىنا بايلانىستى قاراۋسىز كەرى قايتارىلدى.

− كولىك نىساندارىنا جانە قۇرالدارىنا قاتىستى قانداي باقىلاۋ جۇمىستارى جۇرگىزىلەدى؟

− سانيتارلىق-ەپيدەميولوگيالىق باقىلاۋعا جانە قاداعالاۋعا جاتاتىن وبەكتىلەر تاۋەكەل دارەجەسىنە قاراي 3 توپقا، ياعني تاۋەكەل دارەجەسى جوعارى، تاۋەكەل دارەجەسى ورتاشا، تاۋەكەل دارەجەسى ەلەۋسىز وبەكتىلەر بولىپ بولىنەدى. قر زاڭناماسىندا بەلگىلەنگەن سانيتارلىق- ەپيدەميولوگيالىق قاداعالاۋ سالاسىنداعى تالاپتاردىڭ ساقتالۋىن تەكسەرۋ ٴۇشىن ەپيدەميالىق ماڭىزدىلىعى جوعارى وبەكتىلەردە تەكسەرۋ جارتى جىلدا ٴبىر رەت، ال تاۋەكەل دارەجەسى ورتاشا وبەكتىلەردە جىلىنا ٴبىر رەت جۇرگىزىلەدى. قر باس پروكۋراتۋراسى تەكسەرۋلەر جۇرگىزۋدىڭ جارتىجىلدىق جيىنتىق كەستەسىن اعىمداعى كۇنتىزبەلىك جىلدىڭ جيىرما بەسىنشى جەلتوقسانىنا دەيىنگى جانە اعىمداعى كۇنتىزبەلىك جىلدىڭ جيىرما بەسىنشى مامىرىنا دەيىنگى مەرزىمدە قر باس پروكۋراتۋراسىنىڭ رەسمي ينتەرنەت-رەسۋرسىندا ورنالاستىرادى. وسى اتالعان زاڭدىلىقتارعا سايكەس جىل باسىنان بەرى تەمىر جول نىساندارىنا بارلىعى 32 تەكسەرىس جۇرگىزدىك. ونىڭ ٴ25-ى جوسپارلى تۇردە. جوسپاردان تىس 7 تەكسەرىس ٴوتتى. جىبەرىلگەن بۇزۋشىلىقتار بويىنشا جەكە جانە زاڭدى تۇلعالارعا 827 190 تەڭگە كولەمىندە 20 ايىپپۇل سالىندى. قر حالىقتىڭ سانيتارلىق- ەپيدەميولوگيالىق سالاۋاتتىلىعى سالاسىنداعى زاڭناماسىنىڭ تالاپتارىن بۇزۋدى جويۋ جونىندەگى 21 نۇسقاما بەرىلدى.

− سانيتارلىق-كارانتيندىق پۋنكتتەردىڭ جۇمىسى جايىندا ايتىپ بەرسەڭىز؟

− باسقارما جۇزەگە اسىراتىن فۋنكسيالارىنىڭ ٴبىرى – ٴوز قۇزىرەتىنىڭ شەگىندە ٴتيىستى اۋماقتى ينفەكسيالىق، پارازيتتىك اۋرۋلاردىڭ اكەلىنۋى مەن تارالۋىنان سانيتارلىق قورعاۋ جونىندەگى ٴىس-شارالاردى وتكىزۋ. سوندىقتان اسا جاۋاپتىلىقتى تالاپ ەتەتىن سانيتارلىق-كارانتيندىك پۋنكتتەردىڭ جۇمىسىنىڭ نەگىزگى ماقساتى - وتە ٴقاۋىپتى جۇقپالى جانە پارازيتارلىق اۋرۋلاردىڭ جانە ادام دەنساۋلىعىنا ٴقاۋپى بار دەگەن ونىمدەردىڭ (تاۋارلاردىڭ) كەدەن شەكاراسىنا جانە كەدەن وداعى اۋماعىنا سىرتتان كەلۋىنە، تارالۋىنا قارسى ٴىس-قيمىلداردى ۇيىمداستىرۋ. اۋە، تەڭىز، تەمىر جولدارى ارقىلى كەلگەن تاۋار وسى جولداردىڭ بىرىنەن ەكىنشىسىنە تاسىمالدانىپ، جولدار بىر-بىرىمەن بايلانىسقا تۇسەتىندىكتەن بەينەۋ، بولاشاق ستانسالارىندا، اقتاۋ حالىقارالىق اۋەجايىندا، اقتاۋ تەڭىز پورتىندا سانيتارلىق كارانتيندىك پۋنكتتەر ورنالاسقان. ولار كەدەندىك وداق كوميسسياسىنىڭ شەشىمىمەن بەكىتىلگەن ەرەجەگە جانە كەدەندىك وداق كوميسسياسىمەن بەكىتىلگەن مەملەكەتتىك تىركەۋگە جاتاتىن تاۋارلار ٴتىزىمىن باسشىلىققا الىپ، جۇمىس جاسايدى. بۇل تاۋارلار تىزىمىنە بالالاردىڭ تاماق ونىمدەرى، زالالسىزداندىرۋ، دەزينسەكسيا، دەراتيزاسيالىق قۇرالدار، تۇرمىستىق حيميالىق قۇرالدار، شارۋاشىلىق-اۋىز سۋ جابدىقتارى جانە ماتەريالدارى، قۇرالدارى، جەكە گيگيەنا تاۋارلارى، تاماق ونىمدەرىنە جاقىنداساتىن بۇيىمدار (ىدىس-اياقتار مەن تەحنولوگيالىق قۇرالداردان باسقا)، وتە ٴقاۋىپتى حيميالىق، بيولوگيالىق جانە وسى پرەپاراتتاردىڭ نەگىزىندە جاسالعان زاتتار جاتادى. سوندىقتان سانيتارلىق-كارانتيندىك پۋنكتتەردىڭ ماماندارى بولاشاق ستانساسى تۇرىكمەنستانمەن، بەينەۋ ستانساسى قاراقالپاقستان ارقىلى وزبەكستانمەن شەكتەسەتىندىكتەن ەكى ەل ارقىلى وتەتىن ونىمدەردىڭ ٴتيىستى تالاپتارعا ساي بولۋىن قاداعالايدى. قۇجاتتارى جوق ونىمدەر شەكارادان اسىرىلمايدى. بولاشاق سانيتارلىق- كارانتيندىك پۋنكتى تەمىر جول ستانساسىنىڭ اكىمشىلىك عيماراتىندا ورنالاسقان، كەدەندىك وداق كوميسسياسىنىڭ شەشىمىمەن بەكىتىلگەن ەرەجەگە ساي جاساقتالعان، ال بەينەۋ سانيتارلىق-كارانتيندىك پۋنكتى بەينەۋ ۆوكزالىنىڭ جانىندا. سانيتارلىق-كارانتيندىك پۋنكتتەر ٴوز قۇزىرەتىنە ساي كەدەندىك وداق كوميسسياسىنىڭ شەشىمىمەن بەكىتىلگەن ەرەجەدەن باسقا قر زاڭدارىنا، «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قر كودەكسىندە كوزدەلگەن ەرەجەلەر مەن سانيتارلىق-كارانتيندىك پۋنكتتەردىڭ ەرەجەسىنە، سونىمەن قوسا تەمىر جول مەملەكەتتىك شەكاراسىنان كولىك قۇرالدارى جانە تاۋارلاردى وتكىزۋگە قاتىستى بارلىق ۇيىمدارمەن بەكىتىلگەن تەحنولوگيالىق سىز- باسىنا ساي جۇمىس جاسايدى. بارلىق سانيتارلىق-كارانتيندىك پۋنكتتەر قاجەتتى قۇرال-جابدىقتارمەن قامتىلعان. ونىڭ ىشىندە ادامنىڭ دەنە تەمپەراتۋراسىن ولشەيتىن تەپلوۆيزور، پيرومەتر قۇرالدارى دا بار. بۇل سايماندار ارنايى ليسەنزياسى بار مەكەمەلەرمەن جىل سايىن تەكسەرىستەن وتكىزىلىپ، سەرتيفيكات بەرىلەدى.

− تەمىر جول نىساندارى، تەمىرجولشىلاردى شارۋاشىلىق اۋىز سۋمەن قامتاماسىز ەتۋ جۇيەسى قالاي جولعا قويىلعان؟

− بارلىق تەمىر جول بويىنداعى، وپورنىي ستانساسىنان باستاپ، ماڭعىستاۋ ستانساسىنا دەيىن تۇتىنۋشىلار سۋ جۇيەسىمەن ورتالىقتاندىرىلعان جۇيە ارقىلى قامتىلعان. ال رازەزد تۇرعىندارىنا سۋ ۆاگون-سيستەر- نالارمەن تاسىمالدانادى. 2014 جىلدان باستاپ وزەن-بولاشاق تەلىمى بويىنشا 9 دانا سۋ ايداۋ ستانساسى ىسكە قوسىلدى، سۋمەن قامتۋ اۆتوماتتى رەجيمدە جۇرگىزىلەدى. «قازاقستان تەمىر جولى» ۇك اق-نىڭ 2012 جىلى 27 قاڭتارىندا بەكىتىلگەن شەشىمى بويىنشا 2012- 2016 جىلدارعا ارنالعان «ٴمولدىر بۇلاق » باعدارلاماسى اياسىندا «تەمىرجولسۋ» اق جانە «ماگيسترالدى جەلى ديرەكسياسىنا» قاراستى سۋمەن قامتۋ جۇيەلەرىنە جاڭعىرتۋ جانە قايتا قۇراستىرۋ جۇمىستارى جاسالدى. بۇل جۇمىستاردا كولىكتەگى تۇتىنۋشىلاردىڭ قۇقىقتارىن قورعاۋ باسقارماسى نۇسقاعان سانيتارلىق تالاپتاردىڭ نەگىزى دە ەسكەرىلدى. وسى جىلدار ىشىندە اۋىز سۋمەن قامتۋ جۇيەلەرىندە 9،25 شاقىرىمنان استام سۋ قۇبىرى جاڭاسىنا اۋىستىرىلدى. قىسىمدى سۋ مۇنارالارىنا كۇردەلى جوندەۋ جۇمىستارى جاسالدى. بارلىق ستانسالارعا سۋ زالالسىزداندىرۋ قۇرىلعىلارى قويىلدى.

سۋ تازارتۋ قوندىرعىلارى ورناتىلدى. بۇدان باسقا كارىز سۋ قوندىرعىلارى، وندىرىستىك عيماراتتار جوندەۋدەن وتكىزىلدى. جالپى سۋ كوزدەرى، شارۋاشىلىق-اۋىز سۋمەن جابدىقتاۋعا ارنالعان سۋ جيناۋ ورىندارى جىلىنا 1 رەت تەكسەرىلەدى. وسى جىلدىڭ 8 ايىندا سۋ جيناۋ ورىندارىنان 21 سۋ سى- ناماسى الىندى. بارلىق سۋ سىنامالارى سانيتارلىق قاعيدانىڭ تالاپتارىنا ساي بولىپ شىقتى. وعان قوسا سۋدىڭ ساپاسىنا جاۋاپتى «تەمىرجولسۋ-ماڭعىستاۋ» جشس ليسەنزياسى بار ساراپتاۋ ورتالىقتارىمەن كەلىسىم- شارت ارقىلى وندىرىستىك باقىلاۋ جاساتىپ، توقسانىنا 1 رەت سۋ سىناماسى الىنادى. ەگەر سۋ سىناماسى سانيتارلىق تالاپتارعا ساي ەمەستىگى انىقتالسا، باسقارماعا شۇعىل حابارلاما كەلىپ تۇسەدى. قۇبىرلار جۋىلىپ، زالالسىزداندىرىلادى. تازارتۋ جۇمىسىنان سوڭ سۋدىڭ ساپاسى قايتا تەكسەرىلەدى.

− تەمىر جول بەكەتتەرى مەن جولاۋشىلار پويىزىندا زاڭسىز ساۋدا تۇرلەرىن بولدىرماۋعا قاتىستى نە ايتاسىز؟

− تەمىر جول ۆوكزالىنىڭ پەرروندارىندا بەلگىلەنبەگەن جەردەن زاڭسىز ساۋدا تۇرلەرىن بولدىرماۋ – بۇگىنگى كۇننىڭ وزەكتى ماسەلەسى نەمەسە الەۋمەتتىك ماسەلە دەپ ايتۋعا دا بولادى. قر 2015 جىلدىڭ 29 قازانىنىندا شىققان كاسىپكەرلىك كودەكسىندە جانە 2009 جىلدىڭ 18 قىركۇيەگىندەگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىندە كوزدەلگەن ەرەجەلەردە بەلگىلەنبەگەن ورىنداردا ساۋدا جاساعان جەكە تۇلعالارعا قاتىستى ٴبىزدىڭ قۇزىرەتىمىز ايقىندالماعان. قر اكىمشىلىك قۇقىق بۇزۋشىلىق تۋرالى كودەكسىنىڭ 204-بابىنا سايكەس بەلگىلەگەننەن تىس ورىنداردا ساۋدا جاساۋ ەسكەرتۋ جاساۋعا نەمەسە بەس ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى. ال وسى باپتىڭ ٴبىرىنشى بولىگىندە كوزدەلگەن اكىمشىلىك جازا قولدانىلعاننان كەيىن ٴبىر جىل ىشىندە قايتالاپ جاسالعان ارەكەت ون ايلىق ەسەپتىك كورسەتكىش مولشەرىندە ايىپ- پۇل سالۋعا اكەپ سوعادى، دەلىنگەن. سوندىقتان جەكە تۇلعالاردىڭ بەلگىلەنبەگەن جەردە ساۋدا جاساۋىنا توسقاۋىل قويۋ جەرگىلىكتى اتقارۋشى ورگانداردىڭ قۇزىرەتىندە.

الايدا جولاۋشىلار پويىزدارىنىڭ جولاۋشىلارى اراسىندا پەرروندا بەلگىسىز ادامداردان تاماق الىپ، «جەدەل ىشەك ينفەكسياسى» دەگەن دياگنوزبەن اۋرۋحاناعا ٴتۇسىپ جاتاتىن جاعدايلار دا كەزدەسەدى. وسىعان بايلانىستى قر «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنىڭ 90-بابىن باسشىلىققا الا وتىرىپ، ۆوكزالداردىڭ ورنالاسۋ اۋماعى بويىنشا اۋداندىق اكىمدەرگە تەمىر جول ۆوك- زالى مەن تەمىر جول ۆوكزالىنىڭ پەررونىندا ورىن الىپ وتىرعان زاڭسىز ساۋدا تۇرلەرىن بولدىرماۋعا شۇعىل شارا قولدانۋ تۋرالى حات جولداپ وتىرامىز. وكىنىشكە وراي، بەلگىلەنبەگەن جەردەن ساۋدا جاسايتىن جەكە تۇلعانىڭ دەرەكتەرى بولماۋ سەبەپتەرىنەن اكىمشىلىكتە جازا قولدانىلماي جاتقانى ٴبىزدى دە تولعاندىرادى. وسى سۇحباتتى پايدالانىپ، جولاۋشىلارعا كەز كەلگەن جەردە ساۋدا جاساپ، اسىرەسە، تاماق ونىمدەرىن ساتىپ الماۋعا كەڭەس بەرەمىن.

– تۇتىنۋشىلارعا قانداي كەڭەس بەرەسىز؟

– ٴاربىر تۇتىنۋشى ٴتيىستى ساپاداعى ٴومىرى مەن دەنساۋلىعىنا ٴقاۋىپسىز تاۋارلاردى ساتىپ الۋعا، ورىندالاتىن جۇمىستاردى، كورسەتىلەتىن قىزمەتتەردى الۋعا، تاۋار جونىندە اقپارات الۋعا، دايىنداۋشىعا كىنا قويۋعا تولىقتاي قۇقىلى. سوندىقتان تۇتىنۋشى ٴونىمدى، تاۋارلاردى ساتىپ الاردا الدىمەن ونىڭ قۇجاتتىنا، ساقتالۋ مەرزىمىنە اسا كوڭىل بولگەنى، ٴوز قۇقىقتارىن بىلگەنى ٴجون.

– سۇحباتىڭىزعا راحمەت! شاحيدا جۇمان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي