سىر كۇرىشىنىڭ ٴباسى جوعارىلايدى - ەكونوميكا|06 قىركۇيەك 2016، 17:10
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سىر كۇرىشىنىڭ ٴباسى جوعارىلايدى

ماقسات – الەمدىك نارىقتان بەرىك ورىن الۋ

قىزىلوردا وبلىسىنىڭ ديقاندارى وزدەرىنىڭ ماڭداي تەر، تابان اقىلارىمەن وسىرىلگەن اق مارجان كۇرىشتىڭ ريزىعىن ەمىن-ەركىن كورەتىن كۇنگە دە جەتىپ وتىر. ويتكەنى، ٴقازىر سىر كۇرىشىنىڭ الەمدىك نارىقتاعى ٴباسى تىم جوعارىلاپ، بەدەلى ارتا تۇسۋدە. اسىرەسە، قىزىلوردانىڭ عانا ىستىعىندا ٴپىسىپ، تولىسقان اق كۇرىشتىڭ دامدىلىگىنە قىزىعۋشىلار جىلدان-جىلعا كوبەيە تۇسۋدە. سوندىقتان دا الەمدىك نارىقتا سىر كۇرىشىنە سۇرانىس جوعارى.

بۇگىندە قازالى اۋدانىنداعى «سىر مارجانى» سەرىكتەستىگى ٴونىم قاۋىپسىزدىگى مەن وزىق مەنەدجمەنت جۇيەلەرىن ەنگىزگەن كاسىپورىن رەتىندە كوپ جەرلەرگە تانىمال بولىپ وتىر. مۇندا ەگىنمەن قاتار مال شارۋاشىلىعىن وركەندەتىپ وتىرعان كاسىپكەرلىك قۇرىلىم الەۋمەتتىك جاۋاپكەر­شىلىككە دە اسا ٴمان بەرەدى. 1999 جىلى 350 گەكتار جەرگە كۇرىش ەگىپ، 35 اداممەن شارۋاسىن باستاعان سەرىكتەستىكتىڭ ٴقازىر 4500 گەكتارداي ەگىس القابى بار. بۇل ۇجىم جىلىنا 5-6 مىڭ توننا سىر مارجانىن كورشىلەس مەملەكەتتەرگە ەكسپورتتايدى. وتكەن جىلدان باستاپ تۇقىم شارۋاشىلىعى مارتەبەسىن الىپ، ايماق ديقاندارىن ساپالى كۇرىش تۇقىمىمەن قامتىپ كەلەدى.
«سىر مارجانى» جشس ديرەكتورى ٴمىناجادين وتەەۆتىڭ ايتۋىنشا، بيىلعى جىلى سەرىكتەستىك بويىنشا ٴار گەكتاردان 52 سەنتنەردىڭ ۇستىندە ٴونىم الۋدى مەجە تۇتۋدا. بۇل جامان كورسەتكىش ەمەس. باسقانى ايتپاعاندا سەرىكتەستىك وسى ارقىلى وبلىسقا كەم دەگەندە 1000 توننا تۇقىم ساتا الادى ەكەن. سەرىكتەستىكتەن ٴونىم ساتىپ الىپ وتىرعان وزبەكستان، تاجىكستان، تۇركىمەنستان ەلدەرى ٴداننىڭ ساپالىلىعىنا ٴدان ريزا. «سىر مارجانى» سەرىكتەستىگىنىڭ كۇرىشى نەگىزىنەن وڭتۇستىك كورەيا تەحنولوگياسى بويىنشا وڭدەلەدى.
زاۋىتتا ٴداندى داقىل قابىلدانىپ، وڭدەلىپ، كراحمال مەن باسقا دا پايدالى زاتتاردى بويىندا ساقتاي وتىرىپ، اقتاۋدىڭ بارلىق كەزەڭىنەن وتكىزىلەدى. اۋىسىمدا 18 ادام جۇمىس ىستەيدى. ەڭبەك ونىمدىلىگى جوعارى. جۇمىس توقتاۋسىز جۇرەدى. تاۋلىگىنە اۋىسىم مۇشەلەرى 18 توننا كۇرىشتى اقتاپ شىعارادى. قىستا دا جۇمىس توقتامايدى.
سەرىكتەستىك 2015 جىلدىڭ جەلتوقسان ايىندا 500 باسقا ارنالعان مال بورداقىلاۋ الاڭىن اشقان بولاتىن. استىقتىڭ قالدىعى سوندا جولدانادى. جەمدەلىپ، تىڭايعان ٴىرى قارالار ٴقازىر قىزىلوردا، بايقوڭىر قالالارى مەن اۋدان كولەمىن ەتپەن قامتۋعا جۇمسالادى. ويتكەنى، حالىقتان ەتكە دەگەن سۇرانىس تا جوعارى. سەرىكتەستىكتە ەندى قالبىرداعى بۇقتىرىلعان ەت، شۇجىق، سۇبە شىعارۋ ٴىسى دە قولعا الىنعالى وتىر. جۇمىس كوپ، ماقسات ٴتىپتى جوعارى. «سىر مارجانى» سەرىكتەستىگى اتىنا زاتى ساي بولعاندى ۇناتادى. سەرىكتەستىك مۇشەلەرىنىڭ قالاۋى – بولاشاپقتا «التىن ساپانى» جەڭىپ الۋ. ولار سىر كۇرىشىنىڭ ٴباسىن الەمدىك نارىقتا بارىنشا كوتەرە ٴتۇسۋدى وزدەرىنىڭ باستى پارىزدارى سانايدى. بۇل پارىز ەسەلى ەڭبەكپەن، ساپالى ونىممەن عانا وتەلەتىندىگىن ولار جاقسى تۇسىنەدى.

يسلام اسفەنديار

economics.kazgazeta.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي