سىر ەلىندە سەح اشىلدى - ەكونوميكا|02 قاراشا 2016، 10:57
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سىر ەلىندە سەح اشىلدى

يننوۆاسيالىق جوبانىڭ قىزىلوردادا جۇزەگە اسۋى «دامۋ-سىرداريا» شاعىن جانە ورتا كاسىپكەرلىكتى قارجىلاندىرۋدىڭ ايماقتىق باعدارلاماسى اياسىندا مۇمكىن بولدى. جەكە كاسىپكەر سەرىك ماحامبەتوۆ جۋۋعا جانە تازارتۋعا ارنالعان زاتتار شىعاراتىن سەحتى ىسكە قوستى. جوباسىن جۇزەگە اسىرۋ ٴۇشىن كاسىپكەر «بانك سەنتر كرەديت» اق 8،5%-نەن جەڭىلدەتىلگەن نەسيە راسىمدەدى. «دامۋ» قورىنىڭ 50% كەپىلدەندىرۋى ارقىلى ەكىنشى دەڭگەيلى بانك الدىنداعى كەپىلمۇلىك جەتىسپەۋشىلىگى ماسەلەسىن وڭ شەشكەن كومپانيا نەسيە قاراجاتىنا قول جەتكىزدى.

كاسىپكەر سەرىك ماحامبەتوۆ جوسپارلاعان جوبانىڭ تۇجىرىمداماسى بويىنشا جۋۋعا جانە تازارتۋعا ارنالعان زاتتار وندىرەتىن كاسىپورىن ۇيىمداستىرىلۋدا. كاسىپكەردىڭ سوزىنشە، اتالعان جوبا قازىرگى تاڭداعى تۇرمىستىق جانە اۆتو حيمياعا دەگەن سۇرانىستىڭ جوعارىلىعى مەن جەرگىلىكتى نارىقتا باسەكەلەستەردىڭ بولماۋى اسەرىنەن تابىستى جۇزەگە اسادى دەگەن ماقساتپەن جۇمىس جاسالۋدا.
نەسيە قاراجاتىن سەرىك ماحامبەتوۆ جۋۋعا جانە تازارتۋعا ارنالعان زاتتار وندىرەتىن قوندىرعى ساتىپ الۋعا باعىتتادى. وسىعان دەيىن ەسكەرتىلگەندەي، ايماقتا جەكە كاسىپكەرگە تىكەلەي باسەكەلەس بولاتىن كومپانيا جوق. باسەكەلەس رەتىندە تەك جۋىپ-تازالاۋ زاتتارىن كوتەرمە جانە بولشەك تۇردە ساتاتىن ساۋداگەرلەردى ايتۋعا بولادى، الايدا ولار ٴوندىرۋشى بولماعاندىقتان ٴتيىمدى باعا ساياساتىن ۇستانا المايتىنى بەلگىلى. كاسىپورىن شىعارعان ونىمدەردىڭ باعاسى الىپ-ساتارلاردىڭ قوياتىن باعاسىنان 30% تومەن بولادى.
بيزنەسمەننىڭ ايتۋىنشا، باعا مەن ساپانىڭ دۇرىس بايلانىسى وڭ ناتيجە اكەلەدى. ونىڭ ۇستانىمى - كاسىبي ٴونىم قولجەتىمدى باعادا. - تاۋلىگىنە 200 ليتر ٴونىم شىعارۋ كولەمىمەن ەسەپتەگەندە زاۋىتتىڭ اي سايىنعى ٴوندىرۋ قۋاتى 5 توننانى قۇرايدى.
جوبانىڭ جۇزەگە اسۋى اياسىندا كاسىپكەر 8 جاڭا جۇمىس ورنىن اشتى. دەگەنمەن، جاقىن بولاشاقتا سەرىك ماحامبەتوۆ ٴوندىرىس كولەمىن كوبەيتىپ، قوسىمشا جاڭا جۇمىس ورىندارىن اشۋدى جوسپارلاۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي